Morgunblaðið - 25.04.2014, Qupperneq 12

12 FRÉTTIRInnlent
MORGUNBLAÐIÐ FÖSTUDAGUR 25. APRÍL 2014
N
Ý
PR
EN
T
eh
f.
www.heimir.is
Karlakórinn Heimir
& Kristinn Sigmundsson
Tónleikar í
EldborgarsalHörpu
sunnudaginn 4.maí
kl. 16.00
Miðasala á harpa.is,
midi.is eða í síma 528 5050
STANGVEIÐI
Einar Falur Ingólfsson
efi@mbl.is
Veiði hófst í Elliðavatni í gærmorg-
un, sumardaginn fyrsta, og strax
klukkan sjö voru þeir fyrstu mættir
að vatninu, enda skilyrðin góð, sjö
stiga hiti. Fljótlega fóru menn að
setja í einn og einn fisk. Einn mesti
kunnáttumaðurinn í veiðum í vatn-
inu, Geir Thorsteinsson, óð út á
Engjar eins og svo oft áður, og kom
aftur í land um tíuleytið og var þá
búinn að fá átta urriða á fluguna.
Veiði hefur annars verið upp og
ofan í þeim ám og vötnum sem voru
opnuð um síðustu mánaðamót. Sums
staðar hefur veiðst vel, verr á öðrum
stöðum, eins og gengur.
Eitt hinna gjöfulu veiðivatna er
Litlaá í Kelduhverfi. Að sögn Báru
Siguróladóttur í Keldunesi hafa yfir
400 silungar verið færðir þar til bók-
ar en íslenskir og erlendir veiði-
menn hafa kastað flugum sínum í
ána og Skjálftavatn alla daga síðan
opnað var. Margir með mjög góðum
árangri. Til marks um það hafa þeg-
ar veiðst sex urriðar yfir 80 cm lang-
ir, auk margra um og yfir 70 cm.
Þórarinn Blöndal myndlist-
armaður veiddi í tvo daga í Litluá í
vikunni ásamt Pálma Gunnarssyni
en þeir eru vel kunnugir ánni. Hann
segir þá Pálma hafa veitt vel og var
sá stærsti 78 cm langur staðbundinn
urriði.
„Það er mikið af fiski í ánni, og
stórum fiski, sem virðist mega veiða
nánast að vild á ákveðnum stöðum á
þessum tíma,“ segir Þórarinn sem
veiddi aðallega með litlum straum-
flugum. „Urriðinn getur verið mjög
grimmur á vorin. Mér finnst mik-
ilvægt að veiðimenn gangi vel um,
gangi hægt um gleðinnar dyr, og
veiði hóflega, þegar þeir eru að ná
úr sér hrollinum á þessum tíma.
Fiskurinn er að koma sér í form og
óþarfi að fara í einhverja mokveiði.
En það var mjög gaman, í blíðskap-
arveðri.“
Myndarlegur Norskur veiðimaður með sterkan og stóran urriða, sem hann
veiddi í Litluá í vikunni, en mikið er af fiski í ánni, að sögn veiðimanns.
„Mikið af fiski
í ánni, og
stórum fiski“
 Góð veiði hefur verið í Litluá
 Veiði hafin í Elliðavatni
„Menn hafa verið að fá hann í
Tungulæk. Í gær var búið að
bóka 632 fiska síðan við opn-
uðum 1. apríl,“ segir Þórarinn
Kristinsson, eigandi þessa
magnaða veiðisvæðis í Land-
brotinu. „Menn geta verið
ánægðir með slíka veiði.
Það er nóg af fiski í læknum.
Mikið til er þetta geldfiskur, en
einnig einn og einn niður-
göngubirtingur og hoplax,“ seg-
ir Þórarinn og bætir við að áin
sé alltaf hvíld á milli og hafi allir
hópar veitt vel.
632 bókaðir
frá opnun
GOTT Í TUNGULÆK
Birkikemba hefur verið áberandi
víða í görðum á höfuðborgarsvæð-
inu síðustu daga. Erling Ólafsson,
skordýrafræðingur hjá Nátt-
úrufræðistofnun Íslands, segir að
það sé ekki óvænt því nú sé hátími
flugs birkikembunnar, sem er fiðr-
ildi. Nokkuð hafi verið um fyr-
irspurnir fólks sem hafi spurt
hvaða kvikindi sé að fljúga í kring-
um brum birkitrjáa.
Birkikemba veldur skemmdum á
laufi birkitrjáa og segir Erling erf-
itt að segja fyrir um hvort meira
verði af henni í ár heldur en í fyrra.
Þá hafi hún verið fyrirferðarmikil á
ákveðnum svæðum, eins og í Foss-
voginum, en hún geti hugsanlega
breiðst út á nýjum stöðum.
Fiðrildið er snemma á ferðinni á
vorin og sest á brumin og verpir á
þau. Þegar trén síðan laufgast
klekjast eggin, lirfurnar skríða inn
í blöðin og éta þau innan frá. Birkið
fer illa fyrri hluta sumars og lætur
þá verulega á sjá, en jafnar sig síð-
an er líður á sumar.
Erling setti upp ljósagildrur á
fjórum stöðum fyrir páska; á Mó-
gilsá í Kollafirði, Tumastöðum í
Fljótshlíð og Rauðafelli og Skógum
undir Eyjafjöllum. Vitjað var um
þær í fyrsta skipti í fyrradag og var
aflinn hefðbundinn miðað við und-
anfarin ár, þ.e. að í gildrunum
fundust dílamölur, birkivefari og
birkikemba.
Erling segir að hann hafi ekki
orðið var við húshumlu í vor, en
nokkurn veginn hafi verið árvisst
að hún hafi farið á kreik 19. apríl.
Húshumlan hafi verið áberandi síð-
ustu ár og segist Erling ekki efast
um að hún hafi borist fyrir augu
einhverra. Rauðhumla sé hins veg-
ar komin á kreik, en hún barst til
landsins fyrir nokkrum árum og
hefur verið í sókn. aij@mbl.is
Birkikemba minnir á sig
Síðustu tíu daga hefur gengið ágæt-
lega á kolmunnaveiðum í færeyskri
lögsögu. Tólf íslensk skip mega vera
þar að veiðum samtímis og eftir að
veiðin fór almennilega í gang hafa
skipin lítið þurft að bíða eftir að kom-
ast að.
Vinnsla á kolmunna hófst um síð-
ustu helgi hjá fiskmjölsverksmiðju
HB Granda á Vopnafirði. Þá lönduðu
skip félagsins þar rúmlega 5.000
tonna afla og er unnið á tólf tíma
vöktum. Áður hafði rúmlega 4.000
tonnum verið landað til vinnslu hjá
verksmiðju HB Granda á Akranesi.
Kolmunni hefur einnig farið í
vinnslu hjá fiskimjölsverksmiðju
Síldarvinnslunnar á Seyðisfirði. Þá
hafa færeysk skip m.a. landað kol-
munna á Fáskrúðsfirði og Seyðis-
firði.
Góður gangur í
kolmunnaveiðum
Ljósmynd/Börkur Kjartansson