Morgunblaðið - 25.04.2014, Síða 26

26 UMRÆÐAN
MORGUNBLAÐIÐ FÖSTUDAGUR 25. APRÍL 2014
Í Fluggörðum við Reykjavík-
urflugvöll er grasrót almannaflugs
á Íslandi. Þegar talað er um al-
mannaflug þá er það flugkennsla,
æfinga- og einkaflug. Í Flug-
görðum má finna flugskóla, flug-
klúbba, flugrekstraraðila, flug-
virkja, hagsmunafélög og einnig
Flugsögufélag Íslands. Allt þetta
er á rúmum átta hekturum, 55
fastanúmer sem geyma rúmlega
80 flugvélar eru á eignum á þessu
svæði sem allflestar eru búnar að
standa þarna í yfir 20
ár og hafa verið
greidd af þeim öll
gjöld og skattar öll
þessi ár. Í flugskólum
í Reykjavík stunda á
sjötta hundrað nemar
nám sitt sem S. Björn
Blöndal, oddviti
Bjartrar framtíðar,
telur vera plássfreka
nemendur og ætlar
ásamt Degi B. Egg-
ertssyni, oddvita Sam-
fylkingarinnar, að út-
hýsa á næsta ári ef
þeir ná áfram að
stýra höfuðborginni.
Á dögunum áttu
fulltrúar Félags
einkaflugmanna og
eigendafélag þeirra,
sem byggingar eiga á
Reykjavíkurflugvelli,
fund með Jóni Gnarr
borgarstjóra og arf-
taka hans, S. Birni
Blöndal, nýjum odd-
vita Bjartrar fram-
tíðar, varðandi Flug-
garða. Ástæðan fyrir
þessum fundi var að
ræða nýtt deiliskipulag sem ný-
lega hefur verið samþykkt í
Reykjavík en þar stendur til að
úthýsa öllu almannaflugi strax á
næsta ári án þess að ný aðstaða
fáist í staðinn og bótalaust. Ósk-
uðum við eftir því að ekki yrði
hróflað við Fluggörðum á meðan
Reykjavíkurflugvöllur væri í
Vatnsmýrinni enda væri Rögnu-
nefndin svokallaða enn að störfum
til að finna innanlandsfluginu
framtíðarstaðsetningu og væri
einn kostur klárlega að hafa flug-
völlinn áfram í Vatnsmýrinni. S.
Björn Blöndal tjáði okkur að það
skipti ekki máli, flugvöllurinn væri
ekki á aðalskipulagi og væri þar af
leiðandi ekki einn kostur borg-
arstjórnar að hafa hann áfram í
Vatnsmýrinni eftir 2022 þegar
hann væri farinn með öllu.
Búið er að auglýsa hugmynda-
samkeppni um hönnun Fluggarða
til að byggja þar aðstöðu fyrir
aðra nema á vegum Háskóla Ís-
lands á meðan flugnemum verður
úthýst af Reykjavíkurflugvelli.
Eru það virkilega eðlileg vinnu-
brögð af borgarstjórn Reykjavíkur
að draga nemendur í dilka og
segja að þeir geti staðið við bakið
á ákveðnum nemendum en flug-
nemar verði að nema erlendis? En
S. Björn Blöndal vissi nú ekki
meira um flugkennslu á Íslandi en
það að hann hélt að flugkennsla
færi að mestu fram erlendis.
Flugkennsla verður alltaf að
vera stunduð frá flugvelli með
stjórnuðu loftrými og aðflugsbún-
aði, það er enginn flugvöllur í ná-
grenni höfuðborgarinnar og ekki
er grundvöllur til að flytja al-
mannaflugið til Keflavíkur þar
sem umferð þar hefur aukist það
mikið að sá völlur gæti aldrei tek-
ið við öllu kennsluflugi. Það er því
ljóst að eins og staðan er í dag
kemur enginn annar kostur til
greina en að halda Reykjavík-
urflugvelli í Vatnsmýrinni og þá
þeirri aðstöðu sem grasrótin hefur
í Fluggörðum.
Drögum ekki unga nemendur í
dilka, þeir eiga allir rétt á því að
mennta sig, flugnemar eiga ekki
að vera annars flokks nemar frek-
ar en aðrir nemar. Borgarstjórn-
arkosningarnar í maí koma til með
að snúast mest um framtíð
Reykjavíkurflugvallar sem að
sjálfsögðu á ekki að hrófla við.
Eftir Val
Stefánsson » S. Björn Blöndal
oddviti Bjartrar
framtíðar telur flug-
nema plássfreka og vill
úthýsa þeim úr höf-
uðborginni.
Valur
Stefánsson
Höfundur er einkaflugmaður og for-
maður Félags íslenskra einkaflug-
manna.
Eru flugnemar annars flokks nemar?
Í hádegisfréttum
RÚV sl. föstudag
(föstudaginn langa)
mátti heyra frétt um
fátækt á Íslandi. Í
fréttinni sagði að um
tólf þúsund íslensk
börn byggju við fá-
tækt, og sum við sára
fátækt. Þetta eru öm-
urleg og sorgleg tíð-
indi. Síðar mátti
heyra í annarri frétt
RÚV talað um að Ísland væri ríkt
land. Foreldrar þessara tólf þúsund
barna sem heyrðu þessa frétt
spyrja: Hvar er þetta ríkidæmi að
finna? Aldraðir og sjúkir spyrja
einnig, þegar þeir eru að tína upp
úr buddunni sinni og þurfa að velja
á milli þess að kaupa mat eða leysa
út nauðsynlegu lyfin sín. Þeir
spyrja einnig hvar ríkidæmið sé að
finna.
Hvar er ríkidæmið?
Þegar launaflóra þjóðarinnar er
skoðuð kemur í ljós að rangt er gef-
ið. Ísland er ríkt af auðlindum sem
útvaldir fá að njóta. Þeim var veitt
fjöregg þjóðarinnar. Sjávarauð-
lindina. Um leið var björgin tekin
frá fólki vítt um land sem sat eftir,
atvinnutækifærin farin, komin í
hendur hinna útvöldu. Eignir íbúa
verulega verðskertar. Auðlindir
landsins settar í hendur fárra, þorp
og kaupstaðir eftir í sárum.
Misræmi
Eldri borgarar sem hafa beðið
eftir leiðréttingu eftir allar skerð-
ingarnar sem fyrrverandi rík-
isstjórn, Jóhönnu og Steingríms,
gerði á afkomu þeirra, og einnig
þeirra sem minnst máttu sín, fögn-
uðu. Fagnaðarstundin var runnin
upp. Ný ríkisstjórn. Ríkisstjórn
sem gaf loforð. Þeir sem áttu fjár-
hagslega bágast fengju nú lagfær-
ingu strax og bágindin að baki.
Nýju flokksleiðtogarnir sem nú
fengu ráðin yfir ríkisbuddunni gáfu
loforðin. En nú eftir kosningar
segja þeir að strax þýði ekki strax.
Sjúkir og aldraðir
sem þurfa að lifa á bót-
um, hvað fá þeir til
þess að lifa á yfir árið?
Skoðum það: Bætur
geta verið um kr. 2,1
millj. eftir skatt yfir
árið fyrir einstakling,
eða kr. 5.753.42 á dag
til alls lífsviðurværis.
Ef svo er skoðað
hvernig dæmið lítur út
hjá hálaunamanninum,
sem fær nokkuð há
laun og ef til vill svolítinn kaup-
auka. Hann fær samtals yfir árið
kr. 10,5 millj. eftir skatt og hefur
hann því kr. 28.767á dag fyrir sínu
daglega brauði. Já, það er rangt
gefið
Fátækt orðin þjóðarskömm
Fátækt fer illa með fólk, og ekki
síst börn sem líða svo mikla fátækt
sem fréttir RÚV segja frá. Börn
sem eru vannærð. Börn sem líða
fyrir fátæktina. Þau bera fátæktina
utan á sér. Klæðaburður er fátæk-
legur og skólataskan snjáð. Þessum
börnum er hætt við að verða fyrir
einelti. Og eflaust líður þeim ekki
vel. Þá er stórt spurt: Geta þeir
sem fæddir eru með silfurskeið í
munni sett sig í spor þessara tólf
þúsund fátækra og sárafátækra
barna? Ef þeir vildu setja sig í spor
þeirra minnstu og fátækustu hafa
þeir tækifæri til lagfæringar og
leiðréttingar, og um leið gefið þjóð-
inni kost á að horfa með brosi fram
á veg … þjóð sem einu sinni var
sögð hamingjusömust allra þjóða
…
Ríkt land / fátækt
fólk
Eftir Eðvarð Lárus
Árnason
Eðvarð
Árnason » Sorglegar fréttir af
sárri fátækt ís-
lenskra barna og það í
landi sem er gott, auð-
ugt og gjöfult. Það er
rangt gefið. Stokkið upp
og gefið aftur.
Höfundur er fyrrverandi
lögreglumaður.
NÝTT
www.nordicgames.is
FJÖLSKYLDU- OG PARTÍSPILIÐ
2000 nýjar þrautir og spurningar
Fæst í A4, Bónus, Elko, Hagkaup, Spilavinum og www.heimkaup.is