Morgunblaðið - 22.05.2014, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 22. MAÍ 2014
SVIÐSLJÓS
Una Sighvatsdóttir
una@mbl.is
Samningafundi í kjaradeilu flug-
manna og Icelandair lauk um kl. 20
í gærkvöldi. Ekki náðist í formann
samninganefndar Félags íslenskra
atvinnuflugmanna í gær en boðað
var til fundar í dag.
Hafi fólk haldið að röskun á flug-
áætlun Icelandair heyrði sögunni til
þegar stjórnvöld settu lög á verkfall
flugmanna, var það misskilningur.
Alls hafa 90 ferðir verið felldar nið-
ur, auk alls flugs til Pétursborgar í
júní, og Guðjón Arngrímsson, upp-
lýsingafulltrúi Icelandair, segir vax-
andi óróa gæta meðal viðskiptavina.
Í gær voru þrjár ferðir felldar
niður, til og frá New York, og frá
Vancouver til Keflavíkur. Margir
hafa tjáð óánægju sína gagnvart
Icelandair á samfélagsmiðlunum
Facebook og Twitter og má gera því
skóna að orðspor flugfélagsins bíði
verulegan hnekki vegna ástandsins.
Óskiljanlegt ástand í augum
margra ferðamanna
Gríðarlegt álag er á starfsfólki
Icelandair, að sögn Guðjóns og hef-
ur það síst minnkað eftir að lög voru
sett á verkfallið, enda er óvissan í
raun meiri. Verkfallsdagarnir voru
ákveðnir fyrirfram en flugferðirnar
sem nú falla niður, vegna þess að
flugmenn neita að vinna yfirvinnu,
gera það oft með stuttum fyrirvara.
Á Facebook-síðu Icelandair má
m.a. sjá skilaboð frá kanadískri
konu, Ann Prins, þar sem hún spyr
með hversu miklum fyrirvara hún
megi eiga von á tilkynningu, falli
flugið hennar niður. Icelandair svar-
ar að það sé mjög erfitt að segja,
vegna þess að félagið glími nú við
vöntun á flugmönnum, sem komi oft
í ljós á síðustu stundu. „Við reynum
okkar besta til að láta vita eins
snemma og hægt er.“
Af athugasemdum á samfélags-
miðlum að dæma þykir mörgum er-
lendum ferðamönnum, sem eru
meirihluti viðskiptavina Icelandair,
ástandið óskiljanlegt en mbl.is birti
nokkrar færslur vonsvikinna ferða-
langa í gær.
Hvert flug sem fellur niður hefur
keðjuverkandi áhrif, því koma þarf
farþegum í annað flug, og jafnvel
tengiflug áfram og í einhverjum til-
fellum hýsa þá og fæða á meðan
greitt er úr málum. „Til að geta
leyst úr svona vandamálum þarf
töluverða þekkingu á bókunarkerf-
um og leiðum til að koma fólki í
önnur flugfélög. Við höfum kallað til
allt það fólk sem við höfum yfir að
ráða, bæði erlendis frá og úr öðrum
deildum fyrirtækisins,“ segir Guð-
jón.
Óvíst hvenær óvissan endar
Lög á verkfallsaðgerðir flug-
manna Icelandair tóku gildi hinn 15.
maí. Þau ná til vinnustöðvanna,
verkbanna, verkfalla og annarra að-
gerða sem ætlað er að knýja fram
aðra skipan kjaramála en lögin
ákveða. Hinsvegar er ekki hægt að
þvinga menn til að vinna yfirvinnu
og flugmenn Icelandair vísa í það.
Þá hefur mbl.is sagt frá því að
Icelandair getur ekki brúað bilið
með því að ráða erlendar áhafnir til
að fylla í skarð íslenskra flugmanna
sem neita að vinna, vegna þess að
samkvæmt kjarasamningi eiga þeir
forgang á alla vinnu hjá Icelandair
Group.
Nái aðilar ekki saman fyrir 1. júní
verður skipaður gerðardómur sem
hefur mánuð til að ákveða kaup og
kjör flugmanna. En jafnvel þótt
kjaradeilan fari fyrir gerðardóm
gætu flugmenn haldið áfram þeirri
stefnu að vinna ekki yfirvinnu og
því gæti allt eins farið svo að flug-
áætlun yrði áfram í uppnámi langt
fram á sumar. Miðað við að 90 flug-
ferðir féllu niður á 12 dögum gætu
aflýstar ferðir Icelandair skipt
hundruðum áður en yfir lýkur.
 Enn ósamið  Farþegar kvarta á samskiptamiðlum
Vaxandi órói og
óvissan algjör
Morgunblaðið/Sigurgeir S.
Í loftið? Farþegar hafa m.a. kvartað yfir því að fá lítinn fyrirvara.
Helgi Bjarnason
helgi@mbl.is
Arnarlax hefur sett um 250 þúsund
laxaseiði í þrjár sjókvíar í Arnarfirði.
Þar með er hafið sjókvíaeldi hjá fyr-
irtækinu.
„Við höfum verið að búa okkur
undir þetta. Það er frábært að vera
kominn með sjóeldi í gang,“ segir
Víkingur Gunnarsson, fram-
kvæmdastjóri Arnarlax.
Skipið Papey flutti laxaseiðin í
þremur ferðum beint úr seiðaseld-
isstöð fyrirtækisins á Gileyri í
Tálknafirði yfir í sjókvíarnar sem
eru við Otradal í Arnarfirði. Flutn-
ingarnir gengu vel, að sögn Víkings.
Segir hann að hægt hafi verið að
sigla skipinu alveg upp að seiðastöð-
inni og dæla beint um borð. Það leiði
til þess að nánast engin afföll verði
við flutningana.
Seiðastöð byggð upp
250 þúsund seiði eru í fyrstu
kynslóð laxa í sjókvíunum í Arn-
arfirði. Í ágúst er áformað að setja
út 300 þúsund seiði til viðbótar.
Arnarlax hefur byggt upp góða
klak- og seiðaeldisstöð á Gileyri í
Tálknafirði. Þar var áður rekið
bleikjueldi. Meðal annars hefur ver-
ið byggt yfir öll kerin. Víkingur seg-
ir að vel hafi tekist til við uppbygg-
inguna. Stöðin sé orðin tæknivædd
og seiðaeldið hafi skilað góðum ár-
angri. Norskir ráðgjafar hafi gefið
aðstöðunni og starfinu góða ein-
kunn.
Reiknað er með að byrjað verði
að slátra laxi upp úr kvíunum á síð-
ari hluta árs 2015.
Sótt um lóð fyrir vinnslu
Arnarlax hefur leyfi fyrir 3.400
tonna eldi samtals á fjórum stöðum í
Arnarfirði. Að félaginu standa fyr-
irtæki í Noregi og Danmörku, ásamt
heimamönnum á Bíldudal.
Markmið fyrirtækisins er að
setja upp vinnslu á Bíldudal og full-
vinna hráefnið úr eldinu í neyt-
endapakkningar til útflutnings.
Sótt hefur verið um lóð fyrir
vinnslu á Bíldudal og er málið í
vinnslu hjá Vesturbyggð. Ásthildur
Sturludóttir bæjarstjóri segir að
samkvæmt deiliskipulagi sem búið
er að afgreiða sé gert ráð fyrir að
byggt verði á landfyllingu við Bana-
hlein sem er utan við þorpið á Bíldu-
dal. Þar geti einnig tengd fyrirtæki
byggt sig upp. Fjármögnun landfyll-
ingarinnar er í vinnslu og frekari
skoðun hjá sveitarfélaginu.
250 þúsund laxar í sjó hjá Arnarlaxi
 Sjókvíaeldi hafið við Otradal í Arn-
arfirði  Fyrsta slátrun haustið 2015
Morgunblaðið/Guðlaugur Albertsson
Gileyri Flutningaskipið Papey tekur við laxaseiðum til flutnings að sjókvíunum í Arnarfirði.
Guðni Einarsson
gudni@mbl.is
Trúnaðarmönnum grunnskólakenn-
ara var kynntur nýgerður kjara-
samningur við sveitarfélögin í gær.
Ólafur Loftsson, formaður Félags
grunnskólakennara, sagði samning-
inn vera svipaðan að uppbyggingu
og kjarasamningurinn sem fram-
haldsskólakennarar gerðu við ríkið.
„Í samningnum er kveðið á um
vinnumat, eins og var hjá framhalds-
skólakennurum. Verði samningurinn
samþykktur fer það í vinnslu hjá
samningsaðilum og verður borið
undir atkvæði í febrúar 2015,“ sagði
Ólafur. Verkefnisstjórn mun útbúa
leiðarvísi um vinnumat. Verði hann
samþykktur mun hann ramma inn
vinnu hvers grunnskólakennara út
frá mörgum þáttum. Í því sambandi
verður m.a. litið til nemendafjölda,
nemendasamsetningar, kennsluað-
ferða og fleira.
Ólafur sagði að yrði samningurinn
samþykktur byðist kennurum að af-
sala sér svonefndum kennsluafslætti
gegn launahækkun. Fleira getur
haft áhrif á laun kennara eins og til
dæmis aldur, kennslureynsla og
fleiri þættir.
Ekki er hægt á þessu stigi að
segja hver launahækkun kennara
verður að meðaltali vegna samnings-
ins á gildistíma hans, að sögn Ólafs.
Samningurinn gildir til ársloka 2016.
Það skiptir miklu hvort vinnumatið
verður samþykkt á næsta ári. „Verði
þetta samþykkt nú í maí og í febrúar
verða launahækkanir ekki ósvipaðar
og hjá framhaldsskólakennurum,“
sagði Ólafur.
Leikskólakennarar af stað
Leikskólakennarar ætla ekki að
sætta sig við neitt annað „en sömu
hækkanir og grunnskólakennarar
fengu sem og tímasetta áætlun til að
leiðrétta og jafna starfskjör eins og
undirbúningstíma og fleira.“ Þetta
kemur fram í bréfi sem Haraldur F.
Gíslason, formaður Félags leikskóla-
kennara (FL), sendi formanni samn-
inganefndar sveitarfélaga og fulltrúa
Reykjavíkurborgar í gær. Fjöl-
miðlar fengu afrit af bréfinu.
Haraldur segir að engin rök séu
fyrir því að leik- og grunnskólakenn-
arar eigi ekki að vera á sömu laun-
um. „Vandinn er alvarlegur þar sem
að nú vantar um 1300 leikskólakenn-
ara til að uppfylla lög 87/2008 um
menntun og ráðningu kennara og
skólastjórnenda.“ Haraldur segir að
heyrist ekkert frá sveitarfélögunum
verði deilunni vísað til ríkissátta-
semjara 26. maí n.k.
Kjarasamningur
kennara kynntur
 Leikskólakennarar vilja eins hækkun
Morgunblaðið/Eggert
Samið Grunnskólakennarar og sveitarfélög undirrituðu kjarasamning í
fyrrakvöld. Kosið verður um samninginn í þessum mánuði.