Morgunblaðið - 31.05.2014, Side 4

4 FRÉTTIRInnlent
MORGUNBLAÐIÐ LAUGARDAGUR 31. MAÍ 2014
Kaupum alla bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Kristján H. Johannessen
khj@mbl.is
„Við sjáum breytingar sem eru vís-
bending um að það hafi orðið gos
samfara skjálftahrinu sem var
þarna úti á 61. gráðu,“ segir Ár-
mann Höskuldsson eldfjallafræð-
ingur og vísar í máli sínu til mælinga
á jarðskjálftavirkni á Reykjanes-
hrygg.
Ármann hefur að undanförnu far-
ið yfir og borið saman gagnasafn um
landslagið á hafsbotni svæðisins frá
árinu 1994 og mælingum sem safnað
var í fyrra haust. „Það var jarð-
skjálftahrina á þessu tímabili, ein-
mitt á því svæði þar sem við sjáum
breytingar í landslagi.“
Ármann segir niðurstöðuna nokk-
uð merkilega í ljósi þess að ekki er
vitað um mörg eldgos á þessu svæði.
„Við vitum að á landgrunninu hefur
gosið einu sinni til tvisvar á öld en
um leið og komið er út í dýpið þá vit-
um við minna því gosið kemur aldrei
upp á yfirborðið,“ segir Ármann. Að
auki er svæðið það langt frá landi,
um 400 til 500 kílómetra, að einu
mælarnir sem nema óróann af ná-
kvæmni eru í kerfi Bandaríkjahers
sem sett var upp til þess að fylgjast
með ferðum kafbáta.
Aðspurður segir Ármann hafs-
botninn vera það svæði sem vís-
indamenn þekkja hvað minnst þrátt
fyrir að það telji um 70% jarð-
arinnar. „Með því að kortleggja og
þekkja vel landsvæðið þá fáum við
betri upplýsingar um hvað er að
gerast þarna niðri.“
Þá segir Ármann Reykjanes-
hrygginn geta reynst mjög dýrmætt
svæði til framtíðar þegar kemur að
hugsanlegri námuvinnslu. Í því sam-
hengi bendir hann á að Norðmenn
hafi nýverið metið ávinning hugs-
anlegrar námuvinnslu við þann sjáv-
arhrygg sem í þeirra eigu er. Telja
þeir svæðið mun verðmætara en ol-
íuauðinn. „Það er enn önnur ástæða
til þess að við eigum að skoða
Reykjaneshrygginn betur.“
Sjá merki um eldgos á
Reykjaneshryggnum
 Landsvæðið á hafsbotninum hefur tekið breytingum
Grunnmynd: Google
Neðansjávargos
Gosstöðvar
Fundur sem fram fór í borgarráði í
gær tók einungis tvær mínútur. Á
honum var aðeins eitt mál á dag-
skrá og var það að samþykkja
breytingar á kjörskrá fyrir kosn-
ingarnar í dag. Kjörskrárstofn er
skrá þar sem öll nöfn þeirra sem
eru með kosningarétt í viðkomandi
sveitarfélagi kemur fram og hann
þarf að samþykkja fyrir kosningar.
Fundurinn hófst kl. 12.20 og lauk
12.22. Fundir um breytingar á kjör-
skrá eru ávallt haldnir rétt fyrir
kosningar. Fyrir fjórum árum var
síðasti fundurinn öllu lengri eða
fimm mínútur. Að sögn Helga B.
Laxdal verður annar fundur á
morgun þar sem sama efni verður á
dagskrá en gjarnan þarf að gera
smávægilegar breytingar, t.a.m. ef
tilkynningar um lögheimilisbreyt-
ingar berast seint til þjóðskrár.
Tveggja mínútna fundur í borgarráði
Ráðhús Reykjavíkur Fundur í borgarráði
í gær stóð einungis tvær mínútur.
SVIÐSLJÓS
Sigurður Bogi Sævarsson
sbs@mbl.is
„Með bráðageðdeild verður sérhæf-
ingin í starfseminni hér meiri.
Starfsfólkið hefur fengið sérstaka
þjálfun til að sinna verkefnum á
þessari deild og með því höfum við
betri tækifæri til að sinna okkar
veikustu sjúklingum,“ segir María
Einisdóttir, framkvæmdastjóri geð-
sviðs Landspítalans.
Á bráðadeildinni sem merkt er
32C eru alls tíu rúm, ætluð fólki
sem er í geðrofsástandi, það er með
ranghugmyndir eða ofskynjanir.
Þessum sjúklingum hefur hingað til
verið sinnt inni á almennum mót-
tökudeildum geðsviðsins, sem hefur
leitt af sér margvísleg vandamál.
Truflun og tefur bata
Hver deild tekur um það 16-20
sjúklinga og á einni þeirra er sinnt
mæðrum, með nýfædd börn, sem
glíma við fæðingarþunglyndi. „Á
slíkri deild er truflandi og það tefur
fyrir bata ef þar eru á sama tíma
einstaklingar sem eru órólegir og
glíma við veikindi sem eru af allt
öðrum toga en ungar mæðurnar
gera. Úr þessu varð að bæta. Eftir
á að hyggja er ég hissa að okkur
hafi ekki fyrr dottið í hug að gera
þessar breytingar, svo mikil um-
skipti eru þau fyrir okkur,“ segir
María.
Það var í mars 2012 sem ákveðið
var að fara í áðurnefndar breyting-
ar. Í fyrstu var ætlað að endurbætt
deild yrði komin í gagnið eftir hálft
ár. Þegar á reyndi voru fjárveiting-
ar ekki nægar og því tafðist fram-
gangur málsins. Því var nokkru af
rekstrarfé sviðsins varið til þessa,
auk þess sem velferðarráðuneytið
lagði til sérstaka fjárveitingu. Þá
munaði um framlag úr átakinu Á
allra vörum, en undir því nafni var
meðal annars efnt til sjónvarpssöfn-
unar síðasta haust og með henni
var safnað alls 40 milljónum króna.
„Þessar framkvæmdir hefðu varla
orðið að veruleika hefði söfnunin
ekki komið til,“ segir María.
Fjórða deildin
Deildinar í geðdeildarhúsi Land-
spítalans eru fjórar. Tvær eru það
sem kalla má almennar deildir og
sú þriðja er fyrir fíknisjúklinga –
það er fólk í neyslu og er jafnframt
með greinda geðsjúkdóma. Bráða-
deildin er hin fjórða.
„Við gefum okkur að meðal inn-
lagnartími sjúklinga á bráðadeild-
inni verði 25 dagar. Rennum ann-
ars blint í sjóinn en höfum fengið
góða fræðslu og fyrirlestra frá fag-
fólki í Bretlandi hvernig bráða-
þjónustunni verði best sinnt,“ seg-
ir María Einisdóttir.
Mikil umskipti í starfinu
með bráðageðdeildinni
 Veikasta fólkið fær betri þjónustu  Tíu rúma deild fyrir fólk í geðrofsástandi
Morgunblaðið/Golli
Gaman Páll Matthíasson, forstjóri Landspítalans, og Elísabet Sveinsdóttir, frá átakinu Á allra vörum, brugðu á leik
við opnunina og léku borðtennis. Aðstaða til dægradvalar er mikilvæg á geðdeildum og gleðin stuðlar að bata.
Almennum sjúkrarúmum á geð-
deildum hefur fækkað síðustu ár.
Meiri áhersla er lögð á göngu- og
dagdeildarþjónustu, sem er bæði
ódýrari leið og sjúklingum bæri-
legri. „Það er mikið inngrip í líf
fólks að þurfa að leggjast inn á
geðdeild og af þeim sökum – og
raunar mörgum fleiri – reynum við
að koma til móts við sjúklingana á
annan hátt,“ segir María Einis-
dóttir. Hún tók við framkvæmda-
stjórn geðsviðs Landspítalans á
síðasta ári af Páli Matthíassyni, nú
forstjóra
sjúkrahússins.
Á geðsviðinu
hafa ýmsar nýj-
ar leiðir verið í
þróun, svo sem
þjónusta fyrir
ungt fólk með
byrjandi geð-
rofssjúkdóma.
Þá eru mæður áhersluhópur; kon-
ur sem eiga sakir geðsjúkdóms
eða fíknar erfitt með að sinna
börnum sínum.
Innlögn er mikið inngrip
BREYTTAR ÁHERSLUR HJÁ GEÐSVIÐI LANDSPÍTALA
María Einisdóttir
„Það snjóar í sumar,“ auglýsir Nói-
Síríus. Það er ekki langtímaveð-
urspá heldur er fyrirtækið að kynna
hvítt Nóakropp með vanillubragði.
Kroppið er húðað með hvítu súkku-
laði og er þetta í fyrsta sinn sem fyr-
irtækið setur hvítt súkkulaði á
markað í 94 ára sögu sinni.
„Þetta er gert til prufu hjá okk-
ur,“ sagði Kristján Geir Gunn-
arsson, framkvæmdastjóri markaðs-
og sölusviðs Nóa-Síríusar. „Þetta er
hefðbundið Nóakropp nema við not-
um hvítt súkkulaði í staðinn fyrir
rjómasúkkulaði. Við ákváðum að
svara kalli neytenda og koma með
hvítt súkkulaði. Við gerðum þetta í
takmörkuðu magni. Fyrstu viðtökur
eru gríðarlega jákvæðar.“
Kristján sagði að háværar raddir
hefðu beðið Nóa-Síríus um hvítt
súkkulaði í gegnum tíðina. „Bour-
bon-vanillan sem við notum í hvíta
súkkulaðið er alveg einstök,“ sagði
Kristján. „Hún er talin sú besta sem
hægt er að nota.“
Framleitt var takmarkað magn af
hvíta Nóakroppinu og er framleiðslu
lokið. Svo verður metið í haust
hvernig til tókst við þessa tilraun og
hvort viðbrögð neytenda stuðli að
því að hvíta Nóakroppið fái fastan
sess í framleiðslulínunni. Kristján
sagði það vera til skoðunar að prófa
hvítt súkkulaði í fleiri vörulínum.
Það er því ekki útilokað að hvítir
molar kunni að læðast í konfekt-
kassa framtíðarinnar. gudni@mbl.is
Snjókorn Hvíta Nóakroppið var
framleitt til prufu að ósk neytenda.
Með hvítt
súkkulaði í
fyrsta sinn
 Tilraun með
hvítt Nóakropp