Morgunblaðið - 31.05.2014, Blaðsíða 48

48 MENNING
MORGUNBLAÐIÐ LAUGARDAGUR 31. MAÍ 2014
Hinsegin kórinn heldur vortónleika
sína í Háteigskirkju í dag, laug-
ardag, og hefjast þeir klukkan 17.
Kórinn leggur áherslu á fjölbreytt
lagaval og líflega framkomu og er
efnisskrá tónleikanna samkvæmt
því. Á dagskránni eru íslensk þjóð-
lög og kórverk, í bland við popp-
smelli frá ýmsum tímum. Þá mun
kórinn frumflytja útsetningu tón-
smiðsins Halldórs Smárasonar á
Gleðibankanum, en Halldór útsetti
lagið sérstaklega fyrir Hinsegin kór-
inn.
Vortónleikarnir er lokahnykk-
urinn í undirbúningi kórsins fyrir
ferð sína á alþjóðlegt mót hinsegin
kóra, Various voices, sem haldið er í
Dublin en kórinn heldur utan
fimmtudaginn 12. júní.
Stjórnandi Hinsegin kórsins er
Helga Margrét Marzellíusardóttir.
Hinsegin
tónleikar
Hinsegin kórinn Fordómalaus vett-
vangur til að njóta söngs saman.
TÓNLIST
Arnar Eggert Thoroddsen
arnareggert@arnareggert.is
Ég var sleginn þegar ég heyrði í
Sharon Van Etten í fyrsta skipti.
Sleginn, en ég var samt ekki hissa.
Vegna þess að ég var búinn að sjá
umslagið á plötunni sem hýsti tón-
listina (svarthvít mynd af söngkon-
unni, hrá og nálæg, svipurinn fjar-
rænn og auðnulaus) og líka titilinn
(Tramp. Titill sem rímar full-
komlega við umrætt umslag). Tón-
listin á þessari þriðju plötu Van Et-
ten (2012) er svo algerlega á þessum
slóðum. Myrk, angistarfull en um
leið falleg og hún dregur mann
lengra inn eftir því sem á líður.
Svona hefði Ian Curtis hljómað hefði
hann verið ný-þjóðlagasöngkona
gerandi út frá Brooklyn. Tramp er
magnað verk og ekki furða að
spenna hafi verið allnokkur fyrir
nýjustu afurðinni sem út kom í þess-
um mánuði.
Þróun
Van Etten fæddist í New Jersey
árið 1981 og er komin af tónelsku
fólki, foreldrarnir áttu risavaxið
vínylplötusafn sem hún og fjögur
systkini hennar gátu sótt í að vild.
Tónlistarhæfileikarnir komu
snemma í ljós, hún söng af þrótti
með kirkjukórnum og í menntaskóla
kenndi hún sjálfri sér á gítar og fór
jafnframt að semja lög. Hún fór svo
einsömul til Tennesse og stundaði
háskólanám í fimm ár, hélt áfram að
spila og syngja en gerði ekkert op-
inberlega, fyrst og síðast vegna
slæms sambands sem hún var í.
Vængbrotin fór hún því aftur til Jer-
sey, hreiðraði um sig í kjallara for-
eldranna og hóf að læra til vínþjóns.
Tónlistin lagðist hins vegar aldrei af
og dag einn átti hún örlagarík sam-
skipti við Kyp Malone úr TV On The
Radio. Hún þekkti hann sem bróður
vinar síns og lét hann hafa brenndan
disk með lögunum sínum. Malone
hreifst af, fóstraði hana í framhald-
inu og hvatti óspart til dáða.
Fyrsta „alvöru“ hljóðversplata
Van Etten, Because I Was In Love,
kom út árið 2009 á smámerkinu
Language Of Stone (en um dreifingu
sá Drag City). Það var Greg Weeks
Frækið ferðalag
Ljósmynd/Dusdin Condren
Hrein Vegur Sharon Van Etten fer vaxandi með hverri plötu.
(úr hinni mikilhæfu ný-þjóðlagasveit
Espers) sem vann með henni plöt-
una, sem er berstrípuð nokk. Næsta
plata, epic (með litlu e-i), kom út ári
síðar á ögn stærra merki, Ba Da
Bing Records, en Van Etten vann
þar um hríð. Hljómurinn var nú
fyllri og flóknari, Van Etten styðst
hér við hljómsveit og var nú tekinn
að vinna með þjóðlagatóninn sem
einkenndi frumburðinn á nokkuð
framsækinn hátt. Áðurnefnd Tramp
kom síðan út á Jagjaguwar (alltaf
verða merkin „frægari“) og um upp-
tökustjórn sá Aaron Dessner úr The
National. Hljómurinn þróaðist enn,
fram var kominn einkennishljómur
og gagnrýnendur féllu velflestir
kylliflatir.
Óvissa
Eins og sjá má (og heyra) er Van
Etten lítið fyrir endurtekningar.
Hver plata hefur borið með sér nýj-
ar áherslur og eins er með Are We
There. Annað lagið, „Taking Chan-
ces“, segir sitt um þann þáttinn. Og
hjartað er enn á ermunum eins og
sjá má í lagatitlum eins og „Your
Love Is Killing Me“ og „I Love You
But I‘m Lost“. Í þetta sinnið stýrði
hún sjálf upptökum með fulltingi frá
Stewart Lerman (St. Vincent/
Regina Spektor) og segir hún titil
verksins fela í sér vísbendingar, lög-
in séu um ákveðið glundur og óáreið-
anleika sem marki líf hennar nú um
stundir, hún viti ekki hvar hún sé né
hvert á að fara. Á meðan hinar plöt-
urnar þrjár hafi falið í sér endurlit sé
nýja platan um það sem sé að gerast
akkúrat núna. Textarnir feli ekki í
sér hryggð eða eftirsjá, miklu frem-
ur umrót og óvissu gagnvart því sem
er handan við hornið.
Þar sem ég skrifa þetta ómar hið
hádramatíska en aldrei tilgerðarlega
„Your Love Is Killing Me“ undir.
Mér svellur móður. Ég heyri í PJ
Harvey, Anne Briggs, Patti Smith.
Það er eitthvað hreint við hana
Sharon Van Etten og það heillar. Ég
myndi tékka á þessu ef ég væri þú.
» Svona hefði IanCurtis hljómað hefði
hann verið ný-þjóðlaga-
söngkona gerandi út frá
Brooklyn.
 Are We There er fjórða plata Sharon Van Etten
 Þjóðlagaskotnar, kaldhamraðar borgarvísur frá Brooklyn
Traust og góð þjónusta Í 17 ÁR
HAMRABORG 10, KÓPAVOGI – SÍMI: 554 3200
OPIÐ: VIRKA DAGA 9:30-18, LAUGARDAGA 11-14
Umgjarðir
í miklu úrvali
Er ekki
kominn t
ími á
sjónmæl
ingu
–– Meira fyrir lesendur
:
Morgunblaðið
gefur út glæsilegt
sumarblað um
Tísku og förðun
föstudaginn
6. júní 2014
Tíska & förðun
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn
2. júní.
Í Tísku og förðun
verður fjallað um
tískuna sumarið 2014
í fatnaði, förðun
og snyrtingu auk
umhirðu húðarinnar,
dekur og fleira
SÉRBLAÐ
VERUM, VERSLUM OG NJÓTUM ÞAR SEM HJARTAÐ SLÆR!
— WWW.MIDBORGIN.IS —
Kjólar og konfekt, Laugavegi 92
Kokka, Laugavegi 47
Gleraugnamiðstöðin, Laugavegi 24
Íslenski barinn, Ingólfsstræti 1a
KOMDU Í MIÐBORGINA Í DAG
Gómsæt fiskisúpa í boði á eftirtöldum
stöðum, frá klukkan 13:00: