Morgunblaðið - 31.05.2014, Page 15

FRÉTTIR 15Innlent
MORGUNBLAÐIÐ LAUGARDAGUR 31. MAÍ 2014
Kynntu þér öll stefnumálin okkar á xdreykjavik.is
Kæru Reykvíkingar
Í dag kjósum við um hvernig við viljum haga stjórn Reykjavíkur næstu fjögur árin.
Þar er verk að vinna, enda margt sem við getum gert svo miklu, miklu betur.
Skattar og gjöld á meðalfjölskyldu í Reykjavík hafa til að mynda hækkað um 400.000 kr.
á fjórum árum. Þessar byrðar borgarbúa ætlum við sjálfstæðismenn að minnka.
Við ætlum jafnframt að:
– lækka leigu og húsnæðisverð með auknu framboði á lóðum fyrir fjölbýlishús
en ekki á kostnað borgarbúa
– efla heimaþjónustu eldri borgara og bjóða upp á aukið val um þjónustu
– breyta skólakerfinu og setja nemandann í fyrsta sæti
– stuðla að alvöru íbúasamráði
– bæta þjónustu í hverfum borgarinnar
– tryggja foreldrum val á milli dagvistunarleiða
– bæta þjónustu í öllum hverfum borgarinnar
– taka til hendinni, þrífa, slá gras, sinna viðhaldi og hugsa vel um borgina okkar
Í dag biðjum við um stuðning þinn til góðra verka.
Kjósum Sjálfstæðisflokkinn. Setjum X við D.
Dásamlega Reykjavík
Sjálfstæðisflokkurinn í Reykjavík
Halldór Halldórsson,
oddviti Sjálfstæðisflokksins í Reykjavík
Annað tímabil strandveiða hefst um
hádegi á mánudag að loknum há-
tíðahöldum sjómannadagsins. Á
þremur svæðanna taka bátarnir
talsverðar fyrningar með sér frá
maímánuði yfir í júní og eykst leyfi-
legur afli í mánuðinum sem því
nemur. Nú hafa verið gefin út 543
leyfi til strandveiða og 508 þeirra
voru notuð í maí.
Á svæði A frá Arnarstapa til
Súðavíkur náðist leyfilegur afli á sjö
dögum í maí, en þaðan róa flestir
bátanna. Á B-svæði frá Norðurfirði
til Grenivíkur vantaði rúmlega 100
tonn upp á, rúmlega 200 tonn á
svæði C frá Húsavík til Djúpavogs
og 130 tonn á svæði D frá Horna-
firði til Borgarness.
Fram kemur á vef Landssam-
bands smábátaeigenda að aflabrögð
í maí í ár hafi verið betri en í fyrra.
Mestur meðalafli í róðri er 603 kíló
á svæði A. Á svæðum C og D var
hann um hálft tonn og á B-svæðinu
457 kíló. Meðalafli í róðri í maí var
522 kíló og heildaraflinn í maí nam
1.938 tonnum.
Á þriðjudag var Ásdís ÓF 9 á
svæði B komin með mestan afla eða
10,3 tonn, á svæði C var Birta SU 36
aflahæst með 8,9 tonn og á D-svæð-
inu var Hrappur GK 6 með 8,8 tonn.
Á svæði A var Jóhannes á Ökrum
AK 180 með mestan afla í maí eða
5,9 tonn. aij@mbl.is
Fá að veiða meira í júní
 Viðmiðun maímánaðar náðist aðeins á vestursvæði
 Aflabrögð á strandveiðum betri í maí í ár en í fyrra
Morgunblaðið/Alfons Finnsson
Vertíð Strandveiðimenn koma til hafnar í Ólafsvík með góðan afla.
Skipulögð dagskrá hófst á Eskfirði
að kvöldi 28. maí og lýkur á morg-
un. Ekki er aðeins verið að halda
upp á sjómannadaginn, heldur er
þess líka minnst að í ár eru 70 ár frá
stofnun Hraðfrystihúss Eski-
fjarðar.
Fyrirtækið var stofnað 8. maí
1944 og var tilgangurinn með
stofnun þess að skjóta stoðum undir
fábreytt atvinnulíf bæjarins, að því
er segir á heimasíðu Eskju. Stofn-
endur félagsins voru nokkuð á
þriðja hundrað einstaklingar og
fyrirtæki á staðnum. Fljótlega eftir
stofnun félagsins var hafist handa
við byggingu frystihúss og hófst
vinnsla þar 1947.
Árið 1960 komu þeir bræður Að-
alsteinn og Kristinn Jónssynir með
nýtt hlutafé inn í félagið og eign-
uðust 2/3 hlutafjár. Aðalsteinn
Jónsson tók þá við starfi forstjóra
og Kristinn varð stjórnarformaður.
Forstjóri í 40 ár
„Það er ekki ofsögum sagt að for-
stjóratíð Aðalsteins hafi verið tími
mikillar uppbyggingar hjá fyrir-
tækinu þar sem kjarkur og áræði
eldhugans breytti nánast gjald-
þrota félagi, sem aðeins átti frysti-
hús í fjörukambinum á Eskifirði, í
eitt stærsta og öflugasta sjávarút-
vegsfyrirtæki landsins með fjöl-
breytta og sterka starfsemi,“ segir
á heimasíðunni. Aðalsteinn gegndi
forstjórastarfinu til áramóta 2000/
2001 eða í alls 40 ár.
Núverandi forstjóri er Þorsteinn
Kristjánsson. Fyrirtækið gerir út
uppsjávarskipin Aðalstein Jónsson
og Jón Kjartansson og línubátinn
Hafdísi SU 220. Fullkomin fiski-
mjölsverksmiðja er á Eskfirði og fé-
lagið rekur einnig bolfiskvinnslu í
Hafnarfirði.
Stórtónleikar
Stórtónleikar verða á Eskjutúni í
kvöld í tilefni af afmælinu. Fram
koma Raggi Bjarna, Guðrún Gunn-
arsdóttir, Matthías Matthíasson,
Egill Ólafsson, Erna Hrönn og
Bubbi Morthens. Eskifjarðarhljóm-
sveitin Lion Bar hitar upp og kynn-
ir verður Sólmundur Hólm. Á
heimasíðu Fjarðabyggðar er fólk
hvatt til að taka með sér sólstóla.
aij@mbl.is
Dagskrá í
fimm daga
á Eskifirði
 Haldið upp á 70
ára afmæli Eskju
Morgunblaðið/Golli
Eskifjörður Mikið er um að vera.