Morgunblaðið - 23.05.2014, Side 46

46 | MORGUNBLAÐIÐ
Sími 571 2000 | hreinirgardar.is
Garðsláttur
Láttu okkur sjá um
sláttinn í sumar
Kemi • Tunguhálsi 10, 110 Reykjavík • www.kemi.is • Sími: 415 4000
Opið: Mánudag - fimmtudags: Frá kl. 8.00-17.30. Föstudaga: Frá kl. 8.00-17.00.
ODORITE
ÖRVERUHREINSIR
MILDEX-Q
MYGLUEYÐIR
WIPEOUT
OFNAOGGRILLHREINSIR
NOVADAN
KLÓRTÖFLUR
- Í POTTINN
SEPT-O-AID
ÖRVERURFYRIRROTÞRÆR
HÁÞRÝSTIDÆLUR
ERTUÁ LEIÐ Í BÚSTAÐINN
ÚRVALS VÖRUR FYRIR VIÐHALDIÐ OG VERKIN Í BÚSTAÐNUM.
KÍKTU Í KEMI BÚÐINA OG SKOÐAÐU ÚRVALIÐ!
E
in helsta breytingin í görðum
landsmanna undanfarið er að
grasflatirnar eru að minnka
og pallarnir að stækka, og
með pöllunum hafa blóma- og trjá-
beðin minnkað en ræktun í kerjum
aukist í staðinn. Þá hefur mat-
jurtaræktun aukist mikið. Á tímabili
hurfu nánast allir kartöflu- og kál-
garðar en eru núna að sjást æ víðar
og er t.d. mikil eftirspurn eftir for-
ræktuðu grænmeti fyrir garðinn,“
segir Ingbjörg Sigmundsdóttir
garðyrkjubóndi.
Það var árið 1981 að Ingibjörg
tók, ásamt eiginmanni sínum Hreini
Kristóferssyni, við rekstri garð-
yrkjustöðvar í Hveragerði. For-
eldrar Ingibjargar, þau Sigmundur
K. Guðmundsson og Kristín Jóns-
dóttir lögðu grunninn að starfsem-
inni árið 1953 og því óhætt að segja
að garðyrkjustöðin sé rótgróin.
Garðyrkjustöð Ingibjargar
(www.ingibjorg.is) er í dag nokkuð
stórt fyrirtæki, með samtals um
6.000 fermetra af rækt undir gleri,
4.000 fermetra í plasthúsum, rækt-
unarsvæði á vermireitum, að
ógleymdri sjálfri versluninni. Fastir
starfsmenn eru tíu talsins árið um
kring en þegar mest er að gera yfir
sumartímann er Ingibjörg með allt
að 30 manns á launaskrá.
Þægilegra að nota forræktað
Um matjurtaræktina segir Ingi-
björg að það hafi ýmsa kosti að
kaupa grænmetið forræktað. Á
flestum heimilum séu aðstæður ekki
nógu hentugar fyrir slíka ræktun, og
með því að nota forræktað sé fólk
því að spara tíma, vinnu og losna við
ákveðna óvissu í ræktuninni.
Hún segir vinsældir mat-
jurtaræktunar bæði stafa af því að
fólki þyki gott að spara í matarinn-
kaupunum en líka að æ fleiri leggi á
það áherslu að borða afurðir sem eru
ferskar og lífrænt ræktaðar. „Mjög
algengt er að viðskiptavinir garð-
yrkjustöðvarinnar spyrji hvort
plönturnar hafi nokkuð verið úðaðar
með eitri eða tilbúnum næringar- og
vaxtarefnum, en allar okkar mat-
jurtaplöntur eru ræktaðar á nátt-
úrulegan hátt. Með því að rækta eig-
ið grænmeti getur fólk verið alveg
visst um hvað það er að láta ofan í
sig.“
Jurtirnar sem landinn ræktar sér
til matar eru margar þær sömu og
lesendur spreyttu sig á að rækta í
skólagörðunum þegar þeir voru og
hétu. „Blómkál, hvítkál og hnúðkál
er vinsælt, og sömuleiðis grænkálið
sem nota má til að gera heilsu-
samlegt og bragðgott snakk. Alls
konar salöt eru líka tilvalin í mat-
argarðinn og seljum við tíu mismun-
andi gerðir af forræktuðu salati. Er
t.d. hægt að hafa salatplöntu í potti
úti á svölum og einfaldlega tína lauf-
blöð í salatið eins og þarf í hvert
sinn.“
Ingibjörg segir ræktun matjurta
ekki þurfa að vera flókna. „Það er
alltaf smávegis hætta á að kálfluga
komist í kálið eða lús í salatið en
hægt er að bregðast við án notkunar
eiturefna. Lúsina má einfaldlega
skola af salatblöðunum og breiða yf-
ir kálið þann stutta tíma árs sem kál-
flugan er á sveimi, og kemst hún þá
ekki að plöntunni.“
Á í basli með allar plómurnar
Þeir sem hafa þekkinguna og
metnaðinn til að rækta meira krefj-
andi matjurtaplöntur ættu kannski
að spreyta sig á berjarunna eða
ávaxtatré. „Eplatré, kirsuberjatré,
perutré og plómutré eru mjög vin-
sæl söluvara hjá okkur og komin í
marga garða, og sömuleiðis amer-
ísku bláberjarunnarnir. Er meira að
segja hægt að rækta hér á landi goji-
berin eftirsóttu. Eru það sérlega
næringarrík ber sem margir leggja
sig fram við að hafa sem fastan hluta
í mataræði sínu.“
Segir Ingibjörg að aðstæður til
ræktunar ávaxtatrjáa séu sumstaðar
á landinu svo góðar að fólk geti átt í
mestu vandræðum með að ráðstafa
allri uppskerunni. „Sjálf er ég með
plómutré í mínum garði og fyrstu 10-
15 árin var ég bara að fá nokkrar
plómur á ári. Skyndilega gerðist það
svo að ávöxtunum fór að fjölga mjög
og í dag þarf ég aðstoð nágrannakonu
minnar við að tína og nota alla ávext-
ina af trénu, svo margir eru þeir.“
ai@mbl.is
Hægt að tína
í salatið af
svölunum
Segir vinsældir matjurtagarða m.a. stafa af því að margir
leggja áherslu á að borða mat lausan við öll skaðleg
aukaefni og vilja vita upp á hár hvað þeir láta ofan í sig.
Snoturt „Bæði mamman, pabbinn og ekki síður börnin hafa skoðun á þvi hvað á að kaupa.“
Hollusta Vinsældir matjurtarækt-
unar stafa af því fólk sparar í inn-
kaupum en krafan um lífrænt
eykst líka, að sögn Ingibjargar.