Morgunblaðið - 09.07.2014, Blaðsíða 19

UMRÆÐAN 19
MORGUNBLAÐIÐ MIÐVIKUDAGUR 9. JÚLÍ 2014
Við teljum Ísland til
réttarríkja. Meðal
annars þurfa Íslend-
ingar ekki að þola
frelsisskerðingar af
hálfu ríkisins, nema
farið sé að lögum við
ákvarðanir um þær.
Ef við erum beitt valdi
tilheyrir það rétti okk-
ar að fá að vita strax
og unnt er hvernig
staðið var að valdbeit-
ingu og hvort þar var farið að lögum.
Hinn 16. júní sl. birtist í Frétta-
blaðinu forsíðufrétt um að fyrrver-
andi forstjóri Kaupþings hefði kært
til lögreglu Benedikt Bogason, nú-
verandi hæstaréttardómara, fyrir að
hafa á árinu 2010, í embætti sínu
sem héraðsdómari, kveðið upp úr-
skurð um símahlustun hjá forstjór-
anum, án þess að hafa farið að lög-
um við meðferð málsins og
uppkvaðningu úrskurðarins. Hafði
forstjórinn tilgreint í kæru sinni
hvað hann teldi að farið hefði úr-
skeiðis við meðferðina. Beiðni hans
um opinbera rannsókn hafði verið
vísað frá meðal annars á þeirri for-
sendu að hugsanlegar sakir væru
fyrndar.
Hinn 19. júní sl. beindi ég í blaða-
grein hér í Morgunblaðinu nokkrum
spurningum til Benedikts Bogason-
ar af þessu tilefni. Þær snerust allar
um að hann upplýsti um einfaldar
staðreyndir. Nauðsyn-
legt var að mínum dómi
að fá svör við þeim til
þess að geta borið
traust til dómarans
áfram. Lét ég í ljós von
um að hann hefði ekk-
ert af sér gert og að
svör hans myndu upp-
lýsa það.
Spurningarnar voru
þessar:
1. Hafði hann fengið
skriflega beiðni frá sér-
stökum saksóknara um
símahlustun, áður en
hann kvað upp úrskurðinn?
2. Hvaða önnur gögn lágu fyrir
honum á því augnabliki?
3. Var málið tekið fyrir á þingstað
Héraðsdóms Reykjavíkur við Lækj-
artorg í Reykjavík?
4. Er það rétt sem segir í frétt
blaðsins, að lögreglumenn hafi sótt
úrskurðinn á heimili dómarans í
Reykjavík og þá hafi engar for-
sendur fylgt niðurstöðunni?
5. Mætti sérstakur saksóknari á
dómþing í málinu?
6. Óskaði hann eftir því við lög-
reglumennina sem sóttu úrskurðinn
til hans að skrifleg beiðni um síma-
hlustunina yrði fengin honum síðar?
Engin vandkvæði eru á því fyrir
hann að svara þessum einföldu
spurningum.
Ekkert hefur hins vegar heyrst
frá dómaranum um málið. Á hinn
bóginn hafa komið fram skólabræð-
ur hans og vinir og boðað okkur það
fagnaðarerindi að dómarar í landinu
megi ekki svara fyrir sig þó að fram
séu settar ásakanir á þeirra hendur
um að hafa misfarið með það vald
sem þeim hefur verið fengið til
skerðingar á frelsi borgara.
Þessi kenning er stórbrotin. Hún
er auðvitað röng. Sem betur fer.
Krafa þess sem valdi er beittur um
að fá upplýsingar um atvik við vald-
beitinguna gengur fyrir hagsmunum
valdsmannsins af að fá að beita valdi
sínu án þess að þurfa að svara ein-
földum spurningum sem til hans er
beint. Sannir vinir Benedikts dóm-
ara ættu að hvetja hann til að svara í
stað þess að gera honum þann óleik
að halda því að honum að hann
hvorki geti það né megi.
Hvers vegna svarar Benedikt
ekki spurningunum? Er það vegna
þess að rétt svör myndu sýna að
hann hafi ekki hreinan skjöld í mál-
inu? Ég trúi því varla. Ég vona líka
að þögn hans eigi sér ekki þá skýr-
ingu að hann telji sjálfan sig vera
orðinn svo merkilegan mann að
hann þurfi ekki lengur að virða
borgara svars, þó að því sé haldið
fram opinberlega að hann hafi mis-
farið með vald til að skerða frelsi
þeirra.
Um skerðingar á frelsi
Eftir Jón Steinar
Gunnlaugsson
Jón Steinar
Gunnlaugsson
»Ég vona líka að þögn
hans eigi sér ekki þá
skýringu að hann telji
sjálfan sig vera orðinn
svo merkilegan mann að
hann þurfi ekki lengur
að virða borgara svars.
Höfundur er lögfræðingur.
Gott gæðastjórn-
unarkerfi með
straumlínustjórnun (e.
lean management)
gefur þann ramma
sem þarf til að bæta
starfsemina á hverjum
þeim þáttum sem ósk-
að er eftir í fyrir-
tækjarekstri. Þar má
benda á ISO 9001, sem
er eitt stærsta og árangursríkasta
gæðakerfi í heiminum í dag. Það er
ekki tilviljun að yfir 750 milljónir
fyrirtækja í 161 landi hafa innleitt
þetta gæðastjórnunarkerfi með góð-
um árangri.
Stjórnkerfin ISO 9001 og straum-
línustjórnun vinna sameiginlega á
ferlastjórnun og á aðgerðum starfs-
manna til að skapa virði fyrir við-
skiptavininn. Sameiginlega skapa
kerfin skilvirkara framleiðslu- og
þjónustuferli með meiri gæðum og
styrkja þannig rekstrar- og
markaðsstöðu fyrirtækisins. Eitt af
lykilatriðum í öllu þessu ferli er við-
skiptavinurinn, sem er forsenda fyr-
ir tilveru fyrirtækisins. Þannig skil-
ar það viðskiptavininum
nákvæmlega því sem hann vill fá, á
réttum tíma, í réttri röð, í réttu
magni, án frávika og með minnstum
mögulegum tilkostnaði.
Flest stór fyrirtæki hafa unnið
með aðferðafræði ferlastjórnunar á
einn eða annan hátt sem snýr bæði
að straumlínustjórnun og ISO 9001.
Þegar ferlarnir hafa verið einfald-
aðir og starfsmenn virkjaðir öðlast
starfsmenn meiri ábyrgð, fá aukið
hlutverk og meiri skilning á því sem
skiptir máli og starfsánægja eykst.
Við erum ekki ein í heiminum,
samkeppni á markaði eykst sífellt og
ríkari krafa er gerð til fyrirtækja um
að þau uppfylli ákveðin skilyrði.
Stjórnkerfin eiga erindi til allra
þeirra fyrirtækja sem vilja gera bet-
ur með því að eyða sóun, auka
sveigjanleika, uppfylla þarfir við-
skiptavina og efla virðissköpun.
Hvort sem fyrirtækin eru stór eða
smá, í þjónustu eða framleiðslu, á
aðferðafræði straumlínustjórnunar
og ISO-gæðakerfanna vel við að
gera betur og ná árangri.
Straumlínu-
stjórnun og
ISO 9001
Eftir Kristínu
Þórarinsdóttur og
Steingerði
Þorgilsdóttur
Kristín
Þórarinsdóttir
» Stjórnendur fyrir-
tækja eru ávallt að
skoða leiðir til að bæta
reksturinn, ná fram
betra skipulagi, minnka
rekstrarkostnað og há-
marka arðsemi.
Höfundar eru ráðgjafar í gæðamálum
hjá PDCA ráðgjöfum.
Steingerður
Þorgilsdóttir
- með morgunkaffinu
Heflar, standborvélar, hjólsagir, bútsagir,
loftpressur, sogkerfi og margt fleira.
Tæki og tól á
flottu verði
Zipper trésmíðavélar,
öflugar og hagkvæmar
Sýningarvélar á staðnum.
Einnig lamir, höldur, lím og
aðrar vörur fyrir smíðar.
Borðsög
250 mm blað
31.776 kr.
Pokasog
100 mm barki
29.026 kr.
Bútsög
210 mm blað
28.091 kr.
Hefill/afréttari
210 mm breidd
50.110 kr.
Sambyggð vél
5 stöðvar
178.448 kr. Loftpressa
200 l/50 l kútur
32.335 kr.
Súluborvél
13 mm patróna
17.382 kr.
IÐNVÉLAR ehf. | Smiðjuvegi 44-46 | 200 Kópavogur | Sími 414 2700 | idnvelar@idnvelar.is | idnvelar.is