Málfríður - 15.03.2013, Blaðsíða 18
Garðaskóli í Garðabæ hefur í rúman áratug unnið að
ýmsum Comeniusarverkefnum. Samstarfsskólar okkar
hafa verið frá Teningen í Þýskalandi, La Broque og
Markolsheim í Frakklandi, Lahti í Finnlandi, Lleida
á Spáni, Bari á Ítalíu, auk þess sem skóli frá Tianjin í
Kína kom inn í samstarfið fyrir nokkrum árum. Ýmist
hafa allir evrópsku skólarnir tekið þátt eða hluti þeirra,
eftir því hvort þeir hafa fengið styrki til að taka þátt í
því verkefni sem unnið er að hverju sinni. Eins og í
öllum Comeniusarverkefnum eru nemendaheimsóknir
mikilvægur hluti af hverju samstarfsverkefni. Þá gef-
ast nemendum tækifæri til þess að heimsækja jafn-
aldra sína, spjalla saman, setjast á skólabekk erlendis,
njóta gestrisni heimamanna og fá innsýn í menningu
og siði annarrar Evrópuþjóðar. Þessi nemendaskipti
hafa verið mjög gefandi og þroskandi, og sé litið yfir
þátttöku nemenda Garðaskóla í Comeniusarsamstarfi
undanfarin 10 ár má lauslega áætla að yfir 130 nem-
endur hafi tekið þátt í nemendaskiptunum og a.m.k.
fjórum sinnum fleiri lagt hönd á plóg í sameiginlegu
verkefnunum á heimavelli.
Samstarfsskólarnir vinna að sameiginlegum þema-
verkefnum. Vinnutungumálið í öllum þessum sam-
skiptum er enska, og ef svo vel vill til að einstaka
kennari eða nemandi kunni fleiri tungumál sem koma
að notum þá er því tekið fagnandi, enda kunnátta í
erlendum málum ómetanlegur fjársjóður. Verkefnin
hafa verið af ýmsum toga, en alltaf hefur þó verið
haft að leiðarljósi að auka skilning og virðingu fyrir
menningu og margbreytileika annarra Evrópuþjóða.
Undanfarin fimmtán ár eða svo hafa verið búnar til
listaverkabækur þar sem nemendur teiknuðu eða mál-
uðu myndir og ortu ljóð undir ákveðinni yfirskrift,
t.d. Building Bridges For Europe, LOVE in the 21st
Century, Different Cultures in Different Regions og
We Live in One World – we have to protect it. Þá má
nefna að ljóð og myndir úr þessum verkefnum hafa
birst víðar, t.d. í bókinni Virðing og Umhyggja (2007)
eftir Sigrúnu Aðalbjarnardóttur, prófessor við Háskóla
Íslands. Þá má nefna að skólaárin 2008-2010 fengu allir
skólarnir styrk til að vinna að verkefni sem nefndist
FOOD, CULTURE and HEALTH. Nemendur í skól-
unum sem tóku þátt söfnuðu uppskriftum sem eru
dæmigerðar fyrir lönd þeirra, þýddu þær á ensku og
elduðu í skólaeldhúsunum. Einnig skrifuðu þau um
skólann sinn, heimabæinn og um þá fæðutegund sem
er einkennandi fyrir viðkomandi land. Í gagnkvæmum
heimsóknum elduðu nemendurnir saman og kynntust
þannig matarmenningu hins landsins. Afraksturinn var
matreiðslubók sem bókstaflega rann út eins og heitar
lummur og fékk þar að auki önnur verðlaun sem fyrir-
myndarverkefni á 15 ára afmælishátíð Landsskrifstofu
Menntaáætlunar ESB.
Af þeim verkefnum sem Garðaskóli hefur tekið þátt
í hingað til hefur spurningaspilið, European Games,
sem lauk 2012, dálitla sérstöðu, bæði vegna umfangs
og endanlegrar útkomu. Nemendur í hverjum skóla
bjuggu til spurningaspil í anda Trivial Pursuit, hver
skóli samdi hundrað og fimmtíu fjölvalsspurningar í
mismunandi flokkum um land sitt og þjóð. Nemendur
sem þá voru í 9.bekk unnu spurningarnar í samfélags-
fræði, náttúrufræði og ensku. Spurningunum er skipt í
fimm flokka, þ.e. náttúru, sögu, menningu, íþróttir og
þjóðhætti. Innan hvers flokks eru siðan 30 spurningar
18 MÁLFRÍÐUR
European Games .
Tungumálaferðir og nemendaskipti:
European Games
Halla Thorlacius,
enskukennari við Garðaskóla