Fréttir - Eyjafréttir - 06.07.2000, Page 6

6
Fréttir
Fimmtudagur 6. júlí 2000
Bandarískir mormónar af íslenskum uppruna efla tengslin við ísland:
Tilfinningaþrungin athöfn
-þegar minnisvarðinn Sendiboðinn var afhjúpaður við Mormónapoll ó Torfmýri
Á fostudaginn var afhjúpaður
minnisvarði í Torf'mvrinni til
minningar um þá 410 Islendinga
sem frá miðri 19. öld fram á 20.
öldina tóku Mormónatrú og héldu
til fyrirheitna landsins í Utah í
Bandaríkjunum. Af þeim komu 109
frá Vestmannaeyjum. Viðstaddir
voru gestir frá Utah, sendiherra
íslands í Bandaríkjunum auk
bæjarstjóra, forseta bæjarstjórnar
og fjölda gesta sem fylgdist með
athöfninni sem var mjög hátíðleg.
Greinilegt var að hinum erlendu
gestum var þetta mikið tilfinninga-
mál því sumir tárfelldu við at-
höfnina.
Minnisvarðanum var valinn staður
á Torfmýrinni gegnt Mormónapolli
sem er í klöppinni fyrir neðan.
Undirstaða minnisvarðans er úr graníti
og í hann eru höggvin nöfn þeirra 410
útflytjenda sem fóru frá Islandi til
Utah á árunum 1845 til 1914 eftir að
hafa tekið Mormónatrú. Ofan á henni
er styttan Boðberinn eftir Gary Price
frá Springville í Utah sem hannaði
minnismerkið.
Guðjón Hjörleifsson bæjarstjóri
byrjaði á að bjóða gesti velkomna og
sagði að allir viðstaddir ættu sam-
eiginlegar rætur í íslenskum uppmna.
Þá sagði hann að staðurinn væri vel
við hæfi því auk þess að minna á
tengslin við mormónana sem héðan
fóru, stæði hann móti hafinu þangað
sem Islendingar hafa sótt lífsbjörgina
frá upphafi.
Athöfnin var í bland trúarleg með
bænum, sálmasöng og ávörpum. Gary
Price sem hannaði minnismerkið
ávarpaði samkomuna, auk Jóns
Baldvins Hannibalssonar sendiherra
og J. Brent Haymond heiðurskonsúls
íslands í Utah. Allir lögðu þeir áherslu
á sterk tengsl fólks af íslenskum
uppmna í Utah við land forfeðranna.
William Rolfe Kerr, forseti norð-
austursvæðis Kirkju Jesú Krists hinna
síðari daga heilögu í Evrópu helgaði
minnisvarðann sem David Ashby, for-
maður Islendingafélagsins í Utah,
afhenti Sigrúnu Ingu Sigurgeirsdóttur,
forseta bæjarstjómar, til varðveislu.
Lokabæn flutti svo Richard Johnson.
Tónlist var nokkuð áberandi við
athöfnina. David Art Sigurðsson söng
einsöng við undirleik Védísar Guð-
mundsdóttur flautuleikara. David var
forsöngvari í sálmasöng sem allir hinir
erlendu gestir tóku undir af mikilli
innlifun. Athöfnin var mjög tilfinn-
ingaþmngin og var greinilegt að
DAVID Ashby formaður íslendingafélagsins í Utah afhenti Sigrúnu Ingu Sigurgeirsdóttur forseta
bæjarstjórnar minnisvarðann til varðveislu.
BOÐBERINN vísar í vestur en þangað lá leið þeirra 109 Vestmannaeyinga sem héldu til fyrirheitna
landsins í Utah.
gesúmir frá Utah em stoltir af uppmna
sínum og vilja rækta sambandið við
Islendinga.
Það var í fyrra að íslendingafélagið
í Utah samþykkti tillögu stjómar að
reisa minnisvarða til að heiðra minn-
ingu vesturfaranna 410 en 109 þeirra
komu frá Vestmannaeyjum. Segir að
þar hafi verið hið endurreista fagn-
aðarerindi Jesú Krists, ætlunin hafi
verið að byggja upp samfélag hinna
hjartahreinu.
Fram kom að Islendingafélagið hafi
átt gott samstarf við bæjarstjóm
Vestmannaeyja og hún veitt leyfí sitt
til að minnisvarðinn yrði reistur í
Torfmýri þar sem er að finna einn af
þremur Mormónapollum sem finna
mátti á Heimaey þar sem fólk tók
niðurdýfingarskím.
Miklar mannraunir
Fyrstir Islendinga dl að leggja upp frá
Vestmannaeyjum voru Samúel
Bjamason, Margrét Gísladóttir kona
hans og Helga Jónsdóttir. Þau áttu
langa leið fyrir höndum því héðan lá
leiðin með seglskipi til Liverpool í
desember 1854 þaðan sem siglt var
vestur um haf til New Orleans. Siglt
var upp Missisippi til St. Louis,
gengið og ekið í kerm til Mormon
Grove Iowa og þaðan til Salt Lake
City þangað sem þau komu 7.
september árið 1855. Vegalengdin var
nálægt 14.930 km og tók ferðin 300
daga og hefur verið mikil mannraun.
Á ámnum eftir 1880 fóru útflytjendur
til Liverpool með gufuskipi, þaðan til
New York og síðan með lest til Salt
Lake City sem tók ekki nema 27 daga.
Um minnismerkið sjálft segir að
kveikjan að því hafi verið ímynd
móðurinnar í huga listamannsins,
Gary Price. „Styttan sýnir engil og er
tákn ljóss, sannleika, huggunar og alls
þess sem vænta má að maðurinn þurfi
á að halda á jarðneskri vegferð sinni
en þessa þætti þurftu útflytjendumir
sér til hjálpar á ferðalagi sínu,“ segir
um verkið.
íslendingafélagið í Utah gefur
íslensku þjóðinni og Vestmanna-
eyingum minnisvarðann með kærleika
og þökk til minningar um forfeður
vesturfaranna sem haldið hafa
íslenskri arfleið sinni á lofti.
Fleiri konur í golfið
Anna Día Erlingsdóttir er íþrótta-
kennari í Garðabæ og er stödd á
Golfævintýri með dætrum sínum
tveimur. Ánna Día er reyndar ekki
ókunn Vestmannaeyjum en hún er
gift Óskari Svavarssyni (Stein-
grímssonar).
Anna Día hefur í ár unnið ötullega
að því að kynna golfíþróttina meðal
kvenna. „Mér hefur alltaf þótt það til
vansa hve fáar konur sýna golfinu
áhuga, ekki síst þær sem yngri eru.
Svo sá ég í Morgunblaðinu að
Kvennahlaupssjóðurinn auglýsti
styrki til aukningar fyrir íþróttir
kvenna og sótti um að kynna golf
fyrir „ömmur, mömmur, dætur“ eins
og ég orðaði það. Ég fékk styrk til
þessa verkefnis og notaði hann til að
kaupa áhöld til að stunda golf. Ég var
hvött til að prófa þetta í mínum skóla
og gerði það í samvinnu við
golfkennara og þá sem hafa hrundið
af stað svonefndu skólagolfí. Þetta
hafa verið golfleikjanámskeið, bæði
úti og inni og þetta hefur verið mjög
skemmtilegt.
„Það hefur verið erfitt fram til þessa
að fá unglinga í golfið. Ég á 16 ára
dóttur og hún hefur verið ein á báti í
þeim aldurshópi í sínum golfklúbb.
Þess vegna held ég að árangursríkt sé
að byrja með stelpumar meðan þær
em yngri, rétt eins og er verið að gera
á Golfævintýrinu. Þá koma líka
mömmumar frekar með og svo
ömmumar," sagði Anna Día og var
þar með rokin til að aðstoða við
Golfævintýrið.
ANNA Día, ásamt dætrum sínum, Þórunni Díu og Eygló Myrru.