Harmoníkan - 01.10.1988, Blaðsíða 5

lána okkur stórt útigrill. Var það nú
sótt og safnað í það viðarkolum og
kveikt í. Meðan kolin voru að hitna
var safnað saman borðum og stólum
á einn stað til að nota við sameiginlegt
borðhald. Síðan var farið að grilla og
kom hver með sinn mat og setti á grill-
ið. Á meðan að á borðhaldi stóð léku
saman á harmoníkur þau Jóna
Einarsdóttir og Eiríkur Sigurðsson og
víst er að maturinn rann ljúflega
niður.
Eftir matinn hófst sá tími sem flest
börnin höfðu beðið eftir því að þá var
farið í ýmsa leiki með þátttöku barna
og fullorðinna sem vakti mikla
kátínu. Það hafði farið aðeins að
gjóla eftir hádegið en þegar tók að
kvölda lygndi og um skóginn ómuðu
tónar harmoníkunnar. Það vakti at-
hygli annarra gesta í skóginum sem
runnu á hljóðið og tóku þátt í gleðinni
sem stóð fram eftir nóttu. Daginn
eftir var rólegt yfir fólki og spila-
gleðin ekki jafn áköf og verið hafði
um nóttina og eins voru sumir farnir
að huga að heimferð.
Allt hafði heppnast vel og allir
skemmt sér vel án óhappa. Um 80
manns kom á staðinn frá 6 harmon-
íkufélögum og hefðu sennilega orðið
fleiri ef ekki hefði viljað svo til að
Valdimar Auðunsson hélt garðveislu
um sömu helgi, en búast má við að
eitthvað af því fólki sem þar var hefði
að öðrum kosti komið í Galtalæk. Við
teljum að allir hafi farið ánægðir
heim eftir helgina og séu tilbúnir að
endurtaka þetta að ári liðnu. Þá
vakna upp nokkrar spurningar
— hvar — hvernig — hvenær?
Galtalækjarskógur hefur upp á
margt gott að bjóða en það er ekki þar
með sagt að aðrir staðir geti ekki verið
jafn góðir eða betri. Hvaða tími er
heppilegastur er erfitt að segja. Ef að
farið er of snemma sumars má alltaf
búast við kulda og eins líka ef farið er
seinnihluta sumars. Að hittast sem
næst mánaðamótum júní-júlí virðist
vera góður kostur miðað við núver-
andi fyrirkomulag. Það fólk sem að
við ræddum við í Galtalæk var ánægt
og sýnist okkur full þörf á að har-
moníkuunnendum gefist kostur á að
hittast árlega. En við ræddum ekki
við alla og eflaust hafa sumir aðrar
hugmyndir. Við sem hvöttum fólk til
að koma saman þessa helgi óskum
eftir tillögum frá öðrum og e.t.v. átt
þú sem þetta lest einhverjar góðar
hugmyndir.
Settu þær niður á blað og sendu
okkur.
Þ.Þ.
I Galtalcek er góð aðstaða til leikja fyrir börn.
Kvöldverður.
Leikið í skjóli trjánna.
5