Harmoníkan - 01.10.1988, Qupperneq 21
I Gunnarshólma
Ólafur G. Axelsson.
MolariSl|
í október í fyrra þegar Islendingum
var í fyrsta skipti boðið að taka þátt í
tónlistarhátíðinni í Grieghöllinni í
Bergen (trekkspillgalla) hugðust
margir eftir tónleikana kaupa sér
myndbandsspólu af þeim til að sýna
vinum og kunningjum, allt var að
sjálfsögðu tekið upp með góðum bún-
aði og vanur maður fenginn til verks-
ins að sögn. H.H. skrifaði til höfuð-
paursins hálfum mánuði síðar til að
minna á að margir hefðu áhuga fyrir
spólu, er svarið kom var sagt, að þegar
litið var á upptökuna sást aðeins bik-
svarta myrkur, engin mynd, ekkert
hljóð, ekki svo gott sem fluga. Ekki
fylgdi sögunni hvort gleymst hafi að
kveikja á vélinni eða stjórnanda
hennar runnið í brjóst. Greinarhöf-
undur sá í öllu falli myndbandsvél á
þrífæti fyrir miðjum sal, en til hvaða
áttar hún sneri veitti hann ekki at-
hygli.
Brynjar Már Karlsson, 14 ára.
Þann 15. maí á síðastliðnu sumri
hélt Harmoníkufélag Rangæinga
skemmtifund í Gunnarshólma að
loknum aðalfundi félagsins. Nokkrir
félagar úr EH.U.R. renndu austur og
tóku þátt í skemmtuninni, sumir gest-
anna tóku nokkur lög ásamt heima-
mönnum.
Töluvert hefur verið um heim-
sóknir milli þessara félaga undanfarin
ár. Ungur piltur frá Höfn í Horna-
firði, Brynjar Már Karlsson 14 ára að
aldri, lék nokkur lög, ég spurði hann
hvort hann væri í námi og hvar hann
hefði fengið áhugann? „Ég hef lært á
harmoníku í þrjú ár hjá Þresti Hösk-
uldssyni tónlistarkennara á Höfn og
er sá eini í námi á harmoníku þar.
Áhugann fékk ég af afa minum Valdi-
mar Auðunssyni í Dalseli.“ Hefur þú
komið eitthvað fram áður? „Oft á
tónleikum og ýmsum skemmtunum.
Jafnöldrum mínum finnst asnalegt að
verið sé að læra á harmoníku.“
Foreldrar Brynjars eru Svandís
Valdimarsdóttir og Karl Karlsson.
H.H.
i zLUgar í H.F.R., þeir Guðmundur Ágústsson og Óli E. Adolfsson.
Bréf frá lesendumíí^?
Til blaðsins „Harmoníkan“.
Ég var svo lánsamur að gerast
áskrifandi að blaðinu strax í upphafi
og hefur það veitt mér mikla ánægju.
Það hlýtur að þykja áhugavert fram-
lag til að efla harmoníkuáhuga um
allt land, blaðið er ekki síst nauðsyn-
legur frétta- og upplýsingamiðill í af-
skekktum byggðum.
Mér finnst mjög gaman að viðtöl-
unum í blaðinu, það er skemmtilegt
að vita hvað aðrir eru að gera, eða
hafa gert. Sjálfur hef ég gutlað við
harmoníku frá 14 ára aldri, en lagt
það niður hin síðari ár, kannski
verður útgáfa blaðsins til að kveikja
áhugann á ný fyrir spilamennskunni.
Ég hlusta á harmoníkuþættina í út-
varpinu þegar ég get. Hér í sveit hefur
ávallt verið mikill áhugi á harmoník-
unni og víða eru til harmoníkur á bæj-
um en lítið sem ekki notaðar í dag.
Hjá mér kviknaði áhuginn þegar ég
heyrði þá bræður Guðbjörn og Ágúst
Lýðssyni á Víganesi spila, faðir minn
spilaði svolítið líka.
Ég vil svo óska öllum harmoníku-
unnendum i landinu alls hins besta.
Bestu kveðjur.
Ólafur G. Axelsson
Gjögri, Árneshrepp
21