Harmoníkan - 01.10.1988, Blaðsíða 8
Sigurjón Samúelsson
Hrafnabjörgum
í Ögurhrepp
að er engin furða að margar
spurningar vakni er maður einn
daginn er sestur inn í stássstofu hjá
manni sem áreiðanlega er einn mesti
hljómplötusafnari hér á landi, ef ekki
sá allra mesti? í safninu eru á fjórða
þúsund plötur, og álítur Sigurjón að
láti nærri að um þessar mundir sé ein-
takafjöldinn 3200 stk. Fjölbreytni
safnsins er með ólíkindum, þó
harmoníkuplötur skipi þar öndvegi,
einnig má fullyrða að innanum megi
finna fágæta safngripi. Vel er frá öllu
gengið og áhersla lögð á að umslög og
aðrar umbúðir platnanna verndist
ekki síður en sjálft innihaldið. Sigur-
jón hefur ekki gert spjaldskrá en man
því betur hvar hitt og þetta er að finna,
héðan af mundi ævin einfaldlega ekki
endast í slíkt fyrirtæki segir hann.
Hann er sífellt að auka við sig, því
hann verður að eiga til nýjustu plöt-
urnar fyrir dansmúsík nútimans,
Sigurjón tekur að sér plötusnúðastörf
á dansleikjum vítt um sveitir og
blandar þá saman gömlu og nýju
dönsunum.
I greininni hér á eftir ætla ég að gefa
ykkur kost á að lesa um það sem ég og
kona mín fengum að sjá og heyra
meðan við stöldruðum við, en ef ætti
að gera safninu veruleg skil mundi
það þýða vetursetu á Hrafnabjörgum.
Byrjaði að safna plötum
um fermingu
Sigurjón er fæddur að Hrafna-
björgum 6. febrúar 1936. Hann tók
við búi foreldra sinna og hefur rekið
búskap þar síðan. Hann byrjaði að
Sigurjón Samúelsson við hljómflutnings-
tœki sín.
safna plötum eftir 1950, þá um ferm-
ingu, íslenskum söngplötum og har-
moníkuplötum. Sigurjón smellti á
fóninn einni og einni plötu til að leyfa
okkur að heyra í gömlu snillingunum
og hve vel þær eru varðveittar þó
sumar þeirra væru frá því skömmu
eftir aldamót og að sjálfsögðu 78
snúninga.
Ýmislegt gaf að sjá og heyra, har-
moníkukónga norðurlanda og fl. sem
ég ætla nánar að skýra frá hér á eftir.
Fyrstan skal nefna Pietro Frosini,
endurútgáfu í tilefni 100. ártíðar
hans, upptökur frá 1920-1935, því
næst svíann Ragnar Sundqvist, upp-
tökur frá 1949-1950 síðustu plötuna
sem hann spilaði inn. R. Sundqvist og
co. frá 1931, R. Sundqvist og landi
hans Sven Hylén, upptaka frá 1933.
Carl Jularbo og Helge Eiríksson frá
1915. Sigurjón á rúmlega 400 lög sem
Carl Jularbo leikur sjálfur, og minnir
um leið á að fullu nafni hét hann Carl
Oskar Jularbo, sé fæddur 6. júní
1983, og um leið var smellt á fóninn
fyrstu upptöku hans á Livet í Finn-
skogana leiknu inn 1915, alveg þræl-
magnað, einnig það sem á eftir kom
Varmlandsskottís frá 1914. Næst kom
dúett þeirra bræðra Carls og Ivars
Jularbo, Krylbohambo frá 1921,
bráðskemmtilegt að heyra taktfestuna
og tilfinningahitann í hrynjandanum.
Hann á all flestar plötur Toralf
Tollefssen hins þekkta norska snill-
ings. Nú var sett á plata með Hugo
Johansson, Edvin Petterson og Ivar
Karlson frá 1930 og þá um leið sleginn
botninn í sýnishorn af þessu tagi.
íslenskar plötur voru næstar og þá
fyrst elsta og jafnframt fyrsta íslenska
harmoníkuhljómplatan sem kom út
upptaka Jóhanns Jósepssonar frá
Ormarslóni, 78snún. hljóðrituð 1933.
Sigurjón á allar söngplötur m. Einari
Kristjánssyni, Stefáni íslandi, allt
upprunalegar upptökur. Sigurjón á
báðar plötur Einars Hjaltested sem
teknar voru upp í New York 1916. Það
væri endalaust hægt að halda áfram
en hér læt ég staðar numið enda hafa
allir séð að Sigurjón velur ekki af
handahófi í safn sitt, heldur liggur að
baki þaulþugsun áhugamannsins.
Hvar hefur þú útvegað þér þessar
gömlu plötur Sigurjón?
Ég hef keypt þær á fornsölum í
Reykjavik, t.d. á Grettisgötunni og í
kjallara Fálkans meðan það var hægt,
og víðar.
Hér er um mikið safn að ræða,
hvað um framtíðina?
Ég lít á þetta sem verðmæti sem
forðað er frá glötun, síðar meir getur
þótt mikils virði að hlusta á gömlu
meistaranna sem margir hverjir náðu
svo miklum árangri. H.H.
Molar
— Nótabassinn nikkuna þandi —
Þegar rætt er um sjómannalög þá
dettur mörgum harmoníkan í hug. í
Titanobladet frá því á síðasta vetri er
greint frá harmoníkumóti sem halda
átti um borð í skipi. Hvort úr varð
vitum við ekki en það átti að halda í
byrjun maí um borð í ferju sem siglir
milli Noregs og Danmerkur. Taka átti
á móti mótsgestum með harmoníku-
leik við skipshlið og leika átti á tveim
stöðum um borð á harmoníkur í tvo
sólarhringa samfellt sem ferðin tekur.
Hvernig væri ef við á íslandi héldum
mót um borð í Herjólfi til og frá Vest-
mannaeyjum?
Jakob Yngvasyni frá Reykjavík
hefur verið boðið að koma fram á
tónlistarkvöldi Frosinifélagsins í Sví-
þjóð (Frosiniafton) 19. nóvember
næstkomandi. Að þessu sinni er ætl-
unin að ungt fólk leiki að mestu.
Þetta er í annað sinn sem íslendingi
er boðin þátttaka, i fyrra var Grettir
Björnsson fulltrúi íslands. Jakob
hefur þegið boðið, hann er 17 ára.
Tónleikarnir fara fram í Stokkhólmi,
Stora Hörsalen, Medborgarhuset.
8