Harmoníkan - 01.10.1988, Blaðsíða 18
Núverandi stjórn félagsins er þannig skipuð, talið frá vinstri: Fremri röð: Jóhann Sigurðsson formaður, Filippía Sigurjónsdóttir
gjaldkeri, Svanhildur Leósdóttir ritari, Sigurður Indriðason varaformaður og fulltrúi í S.I.H. U. Aftari röð: Davíð Jónsson vara-
stjórn, Cuðmundur Sigurpálsson meðstjórnandi, Jóhannes Jónsson varastjórn og Ævar Ragnarsson varastjórn.
Ljósmyndari Rúnar Þór
Fréttir frá Félagi harmoníkuunnenda
við Eyjafjörð
Aðalfundur félagsins var haldinn
15. sept. s.l. Starfsemin var með líku
sniði og undanfarin ár. 6 dansleikir
voru haldnir auk árshátíðar, en þar
voru öll skemmtiatriði heimaunnin.
Sunnudagsskemmtun, sem svo er
nefnd, var af ýmsum ástæðum aðeins
ein. Þar komu fram yngri og eldri fé-
lagar, auk þess var svo dansað á eftir.
Stórsveit félagsins starfaði undir
stjórn Atla Guðlaugssonar. Sveitin
kom m.a. fram á árshátið félagsins og
við nokkur önnur tækifæri. Þá tók
sveitin þátt í afmælistónleikum á
Húsavik sem haldin var í tilefni 10 ára
afmælis H.F.Þ.
Á aðalfundinum kom fram ein-
dreginn vilji að efla félagsstarfið, og
um leið harmoníkuna sem mest og
best. Þá er áformuð utanlandsferð
Stórsveitarinnar á næsta sumri og
verður Atli Guðlaugsson stjórnandi
sem og að undanförnu. Árshátíð fé-
lagsins hefur verið ákveðin 4. febrúar
n.k. Félagar eru nú liðlega 100 talsins.
Sænsk-ameríski harmoníkuleikar-
inn Gunnar M. Ohlander lést í Banda-
ríkjunum s.l. sumar 62 ára. Hann var
mikill áhugamaður um harmoníkuna
og ritaði m.a. margar stórskemmti-
legar greinar í Frosini-Nytt um
Frosini, Deiro og ýmsa fleiri. Hann
átti stórt safn af 78 snúninga plötum
og hafði áhuga á nánast öllu sem
varðaði harmoníkuna bæði austan
hafs og vestan. Gunnar átti drjúgan
þátt í að fá harmoníkuleikara frá
norðurlöndunum til hljómleikjahalds
í Bandaríkjunum og aðstoðaði þá á
ýmsa vegu.
Tíunda sameiginlega hátíð munn-
hörpu- og harmoníkuleikara var
haldin í Schwaendingen í Zurich
kantónu í Sviss.
í því tilefni sendi póststjórnin póst-
hús á hjólum á staðinn með sérstakan
póststimpil með táknmynd af har-
moníkubelg. Frímerkjasafnarar sem
hafa áhuga geta skrifað til:
Bureau Philatelique des PTT
10 Fete Federale
d’harmonica et d’Accordeon
8022 Zurich
Switzerland.
Heyrst hefur að harmoníkuleikar-
inn Garðar Olgeirsson sé að undirbúa
útgáfu á nýrri hljómplötu. Ekki vit-
um við hversu langt er komið við
undirbúninginn en vonandi er ekki
langt að bíða útgáfunnar.
Eins og kunnugt er þá efndi Hótel
Borg til gömludanslagakeppni á síð-
asta vetri og um leið var talað um að
gefa út hljómplötu með lögum úr
keppninni. Ekki hefur frést að farið sé
að undirbúa útgáfu á þessari plötu og
eru margir farnir að undrast þennan
seinagang.
18