Harmoníkan - 01.10.1997, Page 4
Að liðnu harmoníkusumri
Sumarið er liðið og komið er haust.
Að venju kom harmoníkufólk saman og
skemmti sér á útihátíðum víðsvegar um
landið.
Vestlendingar héldu sína hátíð um
Jónsmessuna. Vegna veikinda gat undir-
rituð ekki sótt þá samkomu en spurnir
hafa borist af því að það hafi verið hin
ágætasta skemmtun.
Harmoníkufélag Selfoss og nágrennis
kom saman á Alfaskeiði 18.-20. júlí.
Skemmtu menn sér þar hið besta við
harmoníkuleik og söng. Heldur hefði
samt veðrið mátt vera betra en fólk lét
það lítt á sig fá í fallegu umhverfi.
Þegar mótinu á Alfaskeiði lauk héld-
um við strax norður á bóginn og næstu
helgi 25.-27. júlí dvöldum við á Breiðu-
mýri með Þingeyingum og Eyfirðingum.
Tæplega stytti upp frá föstudegi til
sunnudags en fólk lét það ekki á sig fá
enda húsið á Breiðumýri til reiðu og var
það óspart notað til leikja, spilamennsku
og dansiðkunar. Þar var spilað að heita
mátti allan sólarhringinn og með sól í
hjarta snerum við aftur til Suðurlands.
Ekki var nú samt allt búið því nú fór
verslunarmannahelgin í hönd. Þykir mér
það ávallt hápunktur harmoníkusumars. I
Þrastaskóg var svo mætt á föstu-
dagskveldi og dvalið þar fram á mánu-
dag. Veðurguðirnir voru sem fyrr ekki
mjög hliðhollir og rigndi ákaflega. Bót
var þó í máli að kvöldin voru þurr þó
vætan á jörðinni safnaðist í polla. Eigi
spillti þetta spilagleði að vanda þó minna
væri spilað undir beru lofti.
Þrír Norðmenn voru á mótinu og
glöddu viðstadda með afar líflegri tónlist
og mikilli spilagleði.
Brúðkaup var um miðjan dag á laug-
ardag. Var það afar fallegt og því búinn
rammi sem hæfði vel umhverfinu.
Mótinu lauk með varðeldi á sunnu-
dagskvöld og flugeldasýningu. Mikil
stemmning var við varðeldinn og sem
fyrr var haldið heim með blik í auga og
sólskin í hjarta. Hilmar Hjartarson og co.
eiga miklar þakkir skildar fyrir það fram-
tak sem þessi mót eru en þetta var tíunda
mótið. Æ fleiri koma í Þrastaskóg og
sumir um langan veg.
Nýlega er haustfundi S.I.H.U. lokið.
Harmoníkufélag Héraðsbúa sá urn hann
að þessu sinni og dvöldum við í Hótel
Svartaskógi í góðu yfirlæti. Nánar verður
fjallað um þingið síðar.
Sigrún Bjamadóttir
Formaður S.Í.H. U.
Mótsstaður F.H.S.N. að Alfaskeiði er hinn glœsilegasti. Mynd: Valur.
r'PTTK
Eitt skemmtiatriða á Breiðamýri var dragdrottninga sýning, kannist þið við andlitin?
1 gönguferð útfrá Þverárrétt. Hér sjáum við vœnan
hóp mótsgesta hlýða á Rafn Jónsson sem bendir með
pípu sinni til ýmissa örnefna, bœja og náttúrufyrir-
bœra. Rafn liefði örugglega staðist próf hinna fróðustu
leiðsögumanna, hann gerði öllu góð skil á röltinu.
Sólberg B. Valdimarsson yngsti
harmoníkuleikarinn í Þverárrétt er
mikill áliugamaður um harmoník-
una og tekur stöðugum framförum.
4