Harmonikublaðið - 01.05.2007, Qupperneq 4

Frá formanni S.Í.H.U.
Ágætu félagar.
Ég óska ykkur öllum gleðilegs árs og
vona að árið 2007 verði okkur öllum gott
og farsælt harmonikuár.
Á síðasta aðalfundi var ákveðið að
halda dag harmonikunnar og hefur stjórn
S.Í.H.U. unnið að skipulagningu og
auglýsingum á honum, en eins og allir
vita var dagur harmonikunnar haldinn
þann 5. maí síðastliðinn. Það ég best veit
þykir þokkalega hafa til tekist og er fjallað
um það sem félögin gerðu á sínum félags-
svæðum í blaðinu. Auðvitað hefðum við
viljað að öll aðildarfélögin tækju þátt í
deginum en við öllu verður ekki séð. Ekki
er komið fyllilega í Ijós hver auglýsinga-
og kynningarkostnaður er af degi harm-
onikunnar en við vonum, hver sem hann
er, að þeim peningum hafi verið vel
varið.
Innan skamms verður ný heimasíða
S.Í.H.U. tekin í notkun en að henni hefur
verið unnið f vetur og verður vonandi til
þess að auðveldara verði að koma
fréttum afstarfi á framfæri. Eitter þó Ijóst
að okkur vantar einhvern sem hefur
áhuga og getu til þess að sjá um síðuna
því að heimasíða sem ekki er í takt við
það sem er að gerast á hverjum tíma er til
lítils. Áhugasamir hafi sambandi við
undirritaðan.
Fyrir nokkru síðan var Einar Guðmunds-
son varaformaður á ferð um landið með
tvo frábæra finnska harmonikuleikara,
þá Tatu Kantomaa og Reijo Kumpulainen.
S.Í.H.U. lagði fram styrk til þessarar
ferðar þannig að hægt væri að halda
tónleika á sem flestum stöðum. Þessir
tónleikar voru hin besta skemmtun og
sýndi svo ekki verður um villst að það er
hægt að spila margbreytilega tónlist á
harmoniku.
Stjórn S.Í.H.U. hefurskipað ungmenna-
nefnd og er hlutverk hennar meðal
annars að gera tillögur til stjórnar lands-
sambandsins til eflingar á harmonikuleik
almennt en einnig að laða ungt fólk að
harmonikuleik.
í nefndinni eiga sæti Oddný Björgvins-
dóttir, Helga Kristbjörg Guðmundsdóttir
og Arnar Ingi Tryggvason og hefur nefndin
þegartekið til starfa.
Stjórn S.Í.H.U. hefur verið að vinna að
unglingalandsmóti ognú ersvo komið að
ákveðið er að mótið verði haldið f haust,
á Hellu og mun Harmonikuakademían á
íslandi taka að sér framkvæmd og
skipulag f samvinnu við jóhann Bjarna-
son formann Harmonikufélags Rang-
æinga.
Því miður hefur farið svo að sökum
mikilla verkefna baðst Egill Jónsson ritari
S.Í.H.U. undan því að sinna störfum í
stjórninni þetta starfsár. í stað hans kom
inn varamaður, Hildur Petra Friðriksdóttir
sem, eftir til þess að gera stuttan tíma í
stjórn, baðst einnig undan því að starfa
með okkur sökum mikilla anna. Við sem
eftir erum verðum að leysa úr þeim
verkefnum sem að kalla, fram að næsta
aðalfundi en þeim Agli og Hildi Petru er
hér með þökkuð störf í þágu sam-
bandsins.
Næsti aðalfundur S.Í.H.U. verður
haldinn á vegum Félags Harmoniku-
unnenda í Skagafirði í haust og verður
nánar boðaður er nær dregur. Ljóst er að
þar þurfum við að ræða málin og taka
mikilsverðar ákvarðanirvarðandi framtfð
sambandsins og félaganna.
Ekki varð sá árangur sem vænst var af
áskriftarsöfnun fyrir Harmonikublaðið en
þó mun áskrifendum hafa fjölgað talsvert.
Fyrir hönd S.Í.H.U. vil ég þakka Hreini
Halldórssyni fyrir mikla vinnu og lofsvert
framtak við útgáfu blaðsins en margir
hafa sagt mér að sjaldan hafi blaðið verið
betra frá upphafi.
Kæru vinir og félagar! Vona að sumarið
verði ykkur gæfuríkt og sjáumst á hinum
fjölmörgu samkomum harmonikumanna
í sumar.
JÓNASÞÓR

Jón Þorsteinn Reynisson lýkur framhaldsprófi í harmonikuleik
Jón Þorsteinn fæddist í Skagafirði 1988.
Hann er sonur hjónanna Reynis Sveins-
sonar bónda í Mýrakoti og Önnu K. Jóns-
dóttur organista og tónlistarkennara.
Hann byrjaði að læra á pfanó og
blokkflautu 5 ára gamall og hóf samhliða
því nám á harmoniku 8 ára, en það sama
ár lék hann einleik á harmoniku með
Sinfóníuhljómsveit íslands á tónleikum
hennar á Hofsósi. 10 ára tókjón Þorsteinn
þátt í hæfileikakeppni á vegum F.H.U.R. í
Reykjavík og sigraði í sínum aldursflokki
og 13 ára sigraði hann í einleikarakeppni
MENOR sem haldin var á Akureyri. Hann
hefur auk þess spilað á harmoniku-
landsmótum og ýmsum öðrum samkom-
um og tónleikum víða um land. Fram til
vorsins 2006 lék hann eingöngu á
píanóharmoniku en skipti þá yfir á
hnappaharmoniku. Nú í vor lýkur hann
framhaldsprófi í harmonikuleik auk
tónfræðigreina frá Tónlistarskóla
Skagafjarðar.
Jón ðsamtSveini Sigurbjömssyni skólastjóra Tóniistar-
skóla Skagafjarðar og Stefáni R. Gíslasyni.
Kennarar hans eru Stefán R. Gíslason
sem kennt hefur honum á pfanó og
harmoniku frá upphafi og Thomas R.
Higgerson sem kennir honum bóklegu
greinarnar. Samhliða tónlistarnáminu
stundar Jón nám við Fjölbrautaskóla
Norðurlands vestra á Sauðárkróki.
Tónleikadagskráin
Sonata í C-dúr- Domenico Scarlatti
24th Caprice - Niccolo Paganini
Nocturne op. 9 nr. 2 - Frederic Chopin
Libertango - Astor Piazzolta
Flightofthe bumble bee - N. Rimsky-Korsakov
Inventio nr. 4-Johann Sebastian Bach
Suite Gothique op. 25 - Leon Boellmann
Coral - Introduction
Menuett
Priere A Notre Dame
Toccata