Fréttir - Eyjafréttir - 25.09.2008, Blaðsíða 1
Bílaverkstæðið
BRAGGINN sf.
Flötum 20
Viðgerðir og smurstöð - Sími 481 3235
Réttingar og sprautun - Sími 481 1535
35. árg. I 39. tbl. I Vestmannaeyjum 25. september 2008 I Verð kr. 250 I Sími48l-l300 I Fax 481-1293 I www.eyjafrettir.is
FYRSTU DEILDAR meistarar Siggi, Kiddi og Gústi með bikarinn sem ÍBV fékk afhentan eftir leikinn á Selfossi. Með sigri í fyrstu
deild tryggði IBV sér sæti í efstu deild að ári.
Eyjamenn í fjórða sæti yfir ánægðustu íbúa landsins:
Komin í úrvalsdeild
-Hvatning til að gera enn betur, segir bæjarstjóri
Capacent Callup gerði viðhorfs-
könnun í fimmtán stærstu sveitar-
félögum landsins til að gera saman-
burð á ánægju íbúa með þjónustu
sem er í boði í sveitarfélaginu.
Bráðabrigðaniðurstöður hafa nú
verið kynntar og samkvæmt upplýs-
ingum frá Elliða Vignissyni bæjar-
stjóra eru íbúar í Vestmannaeyjum í
4. sæti yfir ánægðustu íbúa landsins.
Aftur á móti eru íbúar í Árborg í
15. og neðsta sæti og íbúar í
Reykjavík í 13. sæti þegar þeir eru
spurðir um ánægju með búsetu.
Fréttir hafa niðurstöður fyrir
Vestmannaeyjar undir höndum en
netkönnun fór fram 12. júní og 14.
júlí. Þegar íbúar eru spurðir hversu
ánægðir þeir eru með Vest-
manneyjar sem stað til að búa á, þá
eru 61.6% mjög ánægðir, 30,2%
frekar ánægðir sem er 91,9 prósent
íbúa, 1,2% hvorki né og 1,2% frekar
eða mjög óánægðir.
Þegar spurt er um ánægju íbúa með
þjónustu Vestmannaeyja þá er
29,1% mjög ánægðir, 45,3% frekar
ánægðir, 16,3% hvorki né og 9,3%
frekar eða mjög óánægðir.
Ánægja með framboð á leik-
skólaplássum sýnir að 30,4% íbúa
eru ánægðir og 30,4 % frekar
ánægðir, 23,2 % hvorki né og 15,9%
frekar eða mjög óánægðir. Þá eru
43% íbúa mjög ánægðir eða frekar
ánægðir með skipulagsmál, 32.%
hvorki né og 23,2% frekar eða mjög
óánægðir.
Ánægja með þjónustu við barna-
fjölskyldur er mikil því 67% eru
mjög eða frekar ánægðir, 21%
hvorki né, og 10,3% frekar eða
mjög óánægðir.
Ibúar sem eru ánægðir eða frekar
ánægðir með grunnskólann eru
59,8%, 20,7% hvorki né en 19,5%
eru mjög eða frekar óánægðir.
„Niðurstöðumar ættu ef til vill ekki
að koma okkur á óvart þar sem þær
eru í samræmi við þá tilfmningu
sem við höfum haft og þann kraft
sem okkur hefur fundist íbúar búa
yfir,“ segir Elliði.
„Við höfum hinsvegar verið að
glíma við erfið mál á þessu kjör-
tímabili svo sem framtíðarsamgöng-
ur, sölu á hlut okkar í Hitaveitu
Suðurnesja, aldurskiptingu grunn-
skóla, sameiningu leikskóla, hag-
ræðingu í rekstri, nýtt miðbæjar-
skipulag og margt fleira. íbúum
virðist því líka við ákvarðanir og
áræðni bæjarstjórnar. Þá er einnig
hverjum degi ljósara að þetta er fyrst
og fremst stór rós í hnappagat starfs-
manna Vestmannaeyjabæjar.“
Elliði sagði áhugavert að velta því
fyrir sér hversvegna fbúum fækkar
stöðugt þar sem íbúar eru jafn
ánægðir með búsetu og raun ber
vitni. „Til samanburðar getum við
aftur nefnt Árborg (Selfoss) þar sem
ánægja íbúa er hvað minnst af öllum
þeim bæjarfélögum sem voru mæld
en samt fjölgar þar. Maður hlýtur að
spyrja sig hvort ekki sé vitlaust
gefið. Hvert er hið raunverulega
frelsi til búsetu þegar ánægðustu
íbúarnir flytja í bæjarfélag þar sem
ánægjan er langtum minni?
Þrátt fyrir þetta velur rfkið að
byggja endalaust upp á Suðvestur
hominu og er þess skemmst að
minnast þegar Landbúnaðarstofnun
fór á Selfoss og Vaktstöð strand-
siglinga frá Eyjum til Reykjavíkur.
Það er það sem viðheldur straum-
num á suðvestur-homið.“
Elliði sagði hvatningu felast í þess-
um niðurstöðum fyrir stjórnendur
og starfsmenn bæjarins til að gera
betur. „Rétt eins og ÍBV vann fyrstu
deildina og tryggði sér sæti í úrvals-
deild þá lít ég svo á að við séum
með þessu búinn að vinna fyrstu
deildina og farin að keppa í úrvals-
deild. Stefnan er af sjálfstöðu tekin
á sigur í efstu deild og fara upp fyrir
Seltjarnames sem hingað til hefur
trónað á toppnum. Það er það
verkefni sem við okkur blasir núna,“
sagði Elliði að endingu.
Svaka-
legasta
Lundaball
aldarinnar
í aðsigi
Nú liggur það fyrir að stærsta,
flottasta og glæsilegasta Lunda-
ball sem haldið hefur verið á hinni
fögru Heimaey er orðin stað-
reynd. Jú, það er rétt Helliseyjar-
lundaballið fer að hefjast.
Herlegheitin hefjast á laugar-
dagskvöld næstkomandi og stað-
urinn er Höllin.
Við vitum að Lundaböll sl. 6 ár
hafa verið dálítið þung og jafnvel
þvingandi. En nú verður gerð
bragarbót á og gleðin verður í
fyrirrúmi. Skemmtiatriðin eru
fjölmörg og má t.d. nefna að
orðrómur er uppi um að hinn stór-
fenglegi töframaður, Macabra,
muni stíga á svið. Erum þar ekki
að tala um þorramat.
Viðbrögðin hafa ekki látið
standa á sér og stefnir í stærsta
lundaball sem haldið hefur verið.
Fólk vill skemmta sér og veit að
það gerist aðeins á 7 ára fresti.
Maturinn verður glæsilegur hjá
Einsa Kalda sem tjaldar öllu til.
Þjónustan verður einstök enda
Helliseyingar liprir og liðugir. Þá
er salurinn einstaklega fallegur
enda kvennadeild Helliseyjar með
eindæmum smekkleg.
En ágætu gestir, allir mæta í sínu
fínasta pússi. Þið þurfið ekkert að
taka góða skapið með ykkur. Það
verður nóg af því á staðnum.
Geymið það frekar heima til
sunnudagsins.
Kveðja frá Hellisey
Bæði axla-
bönd og belti
„Vegna umræðu um aðkomu
heimamanna að hönnun og eftir-
liti með smíði á væntanlegri ferju
langar mig að gera grein fyrir
eftirfarandi," segir Elliði Vignis-
son bæjarstjóri.
„Fulltrúi Vetmannaeyjabæjar í
viðræðum hefur verið Andrés
Þorsteinn Sigurðsson hafnsögu-
maður Vestmannaeyjahafnar.
Ekki er ástæða til að efast um
heilindi hans eða gelu til að sinna
þessu vandasama verki. Hins
vegar er eðlilegt að girða sig bæði
með belti og axlaböndum í jafn-
mikilvægu máli og því gerði ég
samning við Bárð Hafsteinsson
skipaverkfræðing hjá Skipatækni
um ráðgjöf til okkar fulltrúa.
Andrés og Bárður hafa átt ein-
hverja upplýsingarfundi nú þegar
og vinna að þessu sem teymi fyrir
hönd Vestmannaeyjabæjar."
VIÐ ERUM ÞJÓNUSTUAÐILI
TOYOTA í EYJUM
netáhamar
VÉLA-OG BÍLAVERKSTÆÐI
SMURSTÖÐ OG ALHLIÐA BÍLAVIÐGEÐIR / VIÐ ERUM Á MÓTI STRAUMI...I
FLATIR 21 / S.481-1216 / GSM.864-4616