Fréttir - Eyjafréttir - 25.09.2008, Blaðsíða 6

6
Fréttir / Fimmtudagur 25. september 2008
Hættulegur hundur á ferð:
Hvenær bítur hann aftur?
Einkenni fellur. Nú er unnið að niðurrifi á malbikunarstöðinni og er
verkið unnið af starfsmönnum Skipalyftunnar. A mánudaginn féll
sílóið sem verið hefur eitt af einkennum Vestmannaeyja í áratugi.
Göngum til góðs
Grein
Pétur Steingrímsson
siöifar:
Höfundur er lög-
reglumaður.
Um kl. 18:00, þriðjudaginn 16. sept-
ember sl. var komið að lambi suður
á Breiðabakka sem hafði greinilega
lent í hundskjafti, lambið var svo
illa leikið að það þurfti að aflífa
það strax.
Hundurinn hafði ráðist á lambið,
bitið hnefastórt kjötstykki úr læri
þess þannig að kjöttægjur lágu
lausar niður eftir lærinu og sást inn
að beini, rifið dindilinn af því og
rifið gæruna lausa langt fram á
bakið, afturhluti lambsins var eitt
blóðstykki. Lambið sem var bitið
var heimanlingur á Breiðabakka og
því mun gæfara en önnur lömb og
greinilega ekki varað sig á hætt-
unni.
Fyrr í sumar hvarf annar heiman-
lingur af Bakkanum og hefur ekki
spurst til hans síðan, spurningin er
hvort hann hafi lent í sama hunds-
kjaftinum og eigandi hundsins fjar-
lægt hann og látið hann hverfa til
að bjarga eigin skinni. Það er alveg
á hreinu að umræddur hundur hefur
komið stoltur og alblóðugur til
eiganda síns eftir þennan verknað
og það hefur ekki farið fram hjá
neinum hvað hann hefur verið að
gera. Ef eiganda hundsins hefur
ekki grunað neitt þá, þá hlýtur hann
að hafa farið að hugsa eitthvað
þegar hann las greinina í síðustu
Fréttum um dýrbítinn á Breiða-
bakka.
Undirritaður var mikið suður á
Breiðabakka í sumar, fór þangað
nánast daglega og gerir enn. Kom
það mér mjög á óvart að sjá hve
algengt það er að hundaeigendur
sleppi hundum sínum lausum þarna
suður á eyju (þó það sé bannað) og
aki síðan langt á undan þeim
þannig að hundarnir ráfi alveg eftir-
litslausir um svæðið í langan tíma.
Dag eftir dag kom sama fólkið,
stöðvaði bílinn sunnan við rimla-
hliðið, vestan Lyngfells, hleypti þar
hundinum lausum, ók síðan suður
og niður Höfðaveginn fram hjá
Breiðabakka og lét hundinn elta
bílinn. Hér með skora ég á um-
ræddan hundaeiganda að gera upp
málið og láta aflífa hundinn því
þetta er mjög hættuleg skepna,
nánast gangandi tímasprengja. Ég
vil ekki hugsa þá hugsun til enda ef
þessi umræddi hundur ræðst á lítið
barn.
I nýrri samþykkt um hundahald í
Vestmannaeyjabæ sem mér skilst
að hafi tekið gildi, stendur eftir-
farandi en þarf að taka til fram-
kvæmda: (25. janúar 2008).
I 2. gr. stendur. Framkvæmd og
eftirlit með hundahaldi í Vest-
mannaeyjum annast hundaeftirlits-
menn í umboði bæjarstjórnar Vest-
mannaeyjabæjar og geta þeir leitað
aðstoðar lögreglu.
í 4. gr. stendur m.a. í gjaldskránni
skal sömuleiðis ákveðið hvert
handsömunargjald, sbr. 6. gr. þess-
arar samþykktar skuli vera.
í 5. gr. stendur m.a. í 8. mgr.
hennar. Hundurinn má aldrei ganga
laus á almannafæri, heldur vera í
taumi í fylgd með aðila, sem hefur
fullt vald á honum. Gæta skal þess
að hundurinn valdi ekki hættu,
óþægindum, óþrifnaði eða raski ró
manna.
I 9. grein 5. greinar stendur eftir-
farandi. Heimilt er að sleppa hund-
um lausum á eftirfarandi svæðum:
Opnu svæði fyrir hunda á Hauga-
svæðinu. í 6. gr. stendur: Hundar
sem ganga lausir utandyra skulu
hundaeftirlitsmenn handsama og
færa til geymslu bæjarins. Sama
gildir um hættulega og óleyfilega
hunda. Kostnaður við töku, geym-
slu og fóðrun hunda skal að fullu
greiddur af eiganda.
Ég vil hér með skora á bæjaryfir-
völd að koma þessari hundasam-
þykkl í framkvæmd sem allra fyrst.
Mér skilst að það sé búið að ráða
hundaeftirlitsmann til að vinna eftir
þessari samþykkt en hann vantar tól
og aðstöðu. Ekki er búið að ákveða
þá upphæð sem hundaeigendur
skuli borga fyrir að leysa út
hundinn eftir að hann hefur verið
handsamaður. I Reykjavík er þessi
upphæð nálægt 20 þúsundunum
sem borga þarf hundaeftirlitinu og
aðrar 20 þúsundir fyrir gistinguna
(pr. sólahringur) í hundageymsl-
unni.
Þykir það mjög há greiðsla en
hundaeigendur þar hugsa sig vísl
tvisvar um áður en þeir sleppa
hundunum lausum aftur þar sem
það er bannað. í Reykjavík eru
svæði þar sem hundaeigendur geta
látið hunda sína hlaupa lausa eins
og hér í Eyjum. Hér hafa hund-
aeigendur stór svæði austur á
Haugasvæðinu til að viðra hundana
sína og þar geta þeir sleppt þeim
lausum. Þar er önnur lausaganga
dýra bönnuð og þeir sem eru
hræddir við hunda og vilja ganga
úti í náttúrunni vita að á
Haugasvæðinu geta verið lausir
hundar. Á Haugasvæðinu geta þeir
hundaeigendur sem ekki nenna að
ganga með hundana sína, ekið
stóran hring um svæðið þar sem
þeir geta svo látið hundana elta
bílinn.
Svo er það hundahaldið í mið-
bænum sem er sér kapítuli út af
fyrir sig. í miðbænum sér maður
allt of oft lausa hunda þó svo að
eigendur þeirra séu þar einhvers-
staðar nálægt. Þeir eru oftast of
langt í burtu til að grípa inn í ef til
þess kemur. Nokkrum sinnum hef
ég horft upp á þar sem hundaeigen-
dur eru að láta hundana sína skíta á
Stakkagerðistúninu, líta flóttalega í
kringum sig og ganga síðan í burtu,
án þess að þrífa upp eftir dýrið.
Tvisvar hef ég gert athugasemd við
eiganda hunds vegna þessa athæfis
en fengið dræmar undirtektir.
Margoft hefur maður rekist á stóra
skítahrúgu eftir hund í miðbænum
og stundum verður fólk fyrir því að
stíga ofan í þennan ófögnuð.
Ég vil hér með einnig skora á
hundaeigendur og biðla til bæjar-
yfirvalda að skikka hundaeigendur
til að stofna félag, hagsmunafélag
hundaeigenda í Vestmannaeyjum.
Hér áður fyrr var mjög gott ástand
á þessum málum og mjög öflugt
hundavinafélag starfandi.
Þá voru allir hundar í Vestmanna-
eyjum skráðir og með sitt númer, til
var myndalbúm með mynd af
hverjum hundi í bænum sem var
geymt á lögreglustöðinni og því var
mjög auðvelt fyrir yfirvöld að
koma týndum hundi til réttra eig-
enda. Félagið sá um að dýralæknir
kæmi reglulega til Eyja og allir
hundar væru bólusettir við þeim
sjúkdómum sem þeir eiga á hættu
að sýkjast af.
Ágætu hundaeigendur. eitt
skemmt epli í hópnum smitar fljótt
út frá sér og allir dæmdir eftir því.
Með vinsemd og kveðju.
Pétur Steingrímsson
Laugardaginn 4. október fer
fram landssöfnun á vegum Rauða
kross Islands undir slagorðinu
Sameinum fjölskyldur. Göngum
til góðs er umfangsmesta fjár-
öflun Rauða kross Islands sem
fram fer annað hvert ár. Allar 50
deildir félagsins víðsvegar um
landið taka þátt.
Takmark söfnunarinnar er að
gefa öllum á Islandi kost á að
vera með, með því að ganga með
bauk í hús eða með því að gefa.
Milljúnir barna, kvenna og karla
um allan heim hafa orðið viðskila
við ástvini sína, t.d. af völdum
stríðsátaka og náttúruhamfara. I
ár verður safnað fyrir sam-
einingu fjölskyldna sem sundrast
hafa vegna stríðsátaka í Kongó
og mun söfnunarféð rennur
óskert til verkefnisins.
I samvinnu við Alþjóða Rauða
krossinn í Kongó er unnið að því
að koma börnum sem týndust í
stríðinu aftur í foreldrahús.
Ibúar í Kongó eru tæplega 4
milljónir. Þar hefur borgarastyr-
jöld geisað síðan árið 1998, þó að
vopnahlé hafi formlega verið gert
árið 2003, og eru um 1,3 milljón
manns á flótta innan landa-
mæranna. I fyrra voru hátt í 500
börn sameinuð fjölskyldum
sínum í Kongó en hundruð bíða
enn í þeirri von að fjölskyldur
þeirra finnist. Frá því í janúar á
þessu ári og til loka maí hefur
Rauði krossinn sameinað 120
börn og fjölskyldur þeirra í
Kongó.
Vestmanneyjadeild Rauða kross
íslands óskar eftir sjálfboðaliðum
í Vestmannaeyjum og eru þeir
sem geta veitt söfnunni lið vin-
samlegast beðnir um að hafa
samband á skrifstofuna,
Arnardrangi við Hilmisgöu, milli
klukkan 16 og 18 á mánudag og
miðvikudag.
+
Rauði kross íslands
Vestmannaeyjadeild
í Skanssvœðið:
I Gamli sjóveitutankurinn að gefa sig
(Jtkall hjá slökkviliði:
Eldur í rafmagnskassa
Stuttu eftir hádegi á þriðjudaginn var
Slökkviliðið
kallað út að
sumarbústað
við Ofan-
leiti. Talið
var að eldur
væri í
sumarbú-
staðnum en
svo reyndist
ekki vera.
Rauk úr rafmagnskassa í nágrenninu og
virðist sem vatn hafi komist inn í hann.
Slökkviliðsmenn fullvissuðu sig um að
engin hætta væri á ferðum.
Egill Egilsson, altmuligt maður hjá
Vestmannaeyjabæ, var á sinni venjubundnu
eftirlitferð á Skanssvæðinu í gærmorgun,
þegar hann heyrði skruðninga og læti að baki
sér. Þegar hann leit við var stór hluti af
útveggjum gamla sjóveitutanksins á
Skansinum að hrynja.
Sjóveitutankurinn brotnaði mikið í eldgos-
inu 1973, en hluti hans stóð uppi og hefur
verið eitt af helstu minnismerkjunum um
gosið.
Hann var byggður árið 1931 og tekinn í
notkun árið eftir. Fyrir þann tíma hafði sjór
til fiskþvotta verið tekinn beint úr höfninni.
Sjórinn var oft tekinn á sömu stöðum og
útrennsli var í sjó og var því ekki boðlegur til
vinnslu en þó notaður. Var þetta mikið vanda-
mál og brýnt að leysa. í sjóveitunni var sjór
hreinsaður og leiddur í hús og í fiskvinnslu á
pallakrónum. Sjóveitutankurinn sá gömlu
sundlauginni á Miðhúsatúninu einnig fyrir
hreinum sjó.
ísfélagið:
Guðmundur með
1100 milljónir
Aflaverðmæti Guðmundar VE 29, sem er í
eigu ísfélagsins, er komið í 1.100 milljónir
króna.
I síðustu viku landaði Guðmundur um 660
tonnum af frystum makrfl og sfldarafurðum.
Aflaverðmæti veiðiferðarinnar var um 90
milljónir.