Fréttablaðið - 19.02.2013, Qupperneq 6

19. febrúar 2013 ÞRIÐJUDAGUR| FRÉTTIR | 6
Sjónmælingar (tímapantanir): Optical Studio Smáralind, s. 528 8500 og Optical Studio Keflavík, s. 4213811
Umgjörð: Lindberg Spirit Umgjörð: Chrome Hearts
Með öllum margskiptum
glerjum fylgir annað par
frítt í þínum styrkleika.
Láttu þetta ekki framhjá
þér fara.
SJÁVARÚTVEGUR Rækjuvinnsla
hófst á nýjan leik í Meleyri á
Hvammstanga í síðustu viku.
Tæpt ár er síðan vinnsla var lögð
þar niður.
Fyrirtækið Nesfiskur í Garði
keypti rækjuverksmiðjuna í fyrra
og munu tveir togarar fyrirtækis-
ins fara á rækjuveiðar, en rækjan
verður unnin á Hvammstanga. Frá
þessu er sagt á vefnum Norðanátt.
Í kringum tólf starfsmenn verða
í vinnslunni auk þess sem einhver
störf munu skapast við löndun
rækjunnar. - þeb
Opnað á ný ári eftir lokun:
Rækjuvinnsla á
Hvammstanga
DÓMSMÁL Tveir karlmenn voru
fyrir helgi dæmdir fyrir frelsis-
sviptingu og líkamsárás sem
átti sér stað á Akureyri síðast-
liðið haust. Annar mannanna var
í héraðsdómi Norðurlands eystra
dæmdur í fimmtán mánaða fang-
elsi, þar af tólf skilorðsbundna, en
hinn í fjögurra mánaða skilorðs-
bundið fangelsi.
Málið er sagt hafa verið hand-
rukkun. Mennirnir tveir héldu
fórnarlambi sínu nauðugu í um
klukkustund í íbúð á Akureyri.
Þeir bundu fætur og hendur
fórnar lambsins við stól og annar
mannanna veitti því fimm til sex
hnefahögg og kleip í putta með
töng. - þeb
Frelsissvipting á Akureyri:
Dæmdir fyrir
handrukkun
SAFNANIR SÁÁ fær 2,5 milljónir króna sem söfnuð-
ust í tengslum við gala-kvöldverð í Hörpu í janúar.
Að viðburðinum stóðu þrír matreiðslumenn og vín-
þjónn frá veitingastaðnum Fifteen í London, ásamt
veitingastaðnum Kolabrautinni.
„Verkefnið var að frumkvæði Fifteen og er liður
í góðgerðaverkefni sem miðar að því að styðja við
bakið á íslenskum ungmennum sem glímt hafa
við vímuefnavanda og hjálpa þeim að komast út í
atvinnulífið,“ segir í tilkynningu. Þá kemur fram
að stjörnukokkurinn Jamie Oliver hafi stofnað veit-
ingastaðinn Fifteen og eitt aðalmarkmið hans sé að
hjálpa unglingum að fóta sig eftir vímuefnaneyslu.
Aðgangseyrir á gala-kvöldinu var á bak við 1,8
milljónir upphæðarinnar sem safnaðist, en einnig
var boðið upp verk eftir Birgi Andrésson, sem gefið
var af fjölskyldu Birgis og gallerý i8. Verkið seldist
á 700 þúsund krónur.
Gunnar Smári Egilsson, formaður SÁÁ, tók
við peningunum og sagði þeim verða varið til að
efla eftirfylgni við áfengis- og vímuefnameðferð
ungmenna til að stytta leið þeirra til virkni í sam-
félaginu.
Verkefninu lögðu lið Harpa tónlistar- og ráð-
stefnuhús, Ekran, Arion banki, Ölgerðin, Glóbus,
Rjc, Sjófiskur, Kjarnafæði, Bananar, Andri Snær
Magnason, Gallerí i8, Þórir Baldursson, Kola-
brautin og Frú Lauga. - óká
Tvær og hálf milljón króna safnaðist til handa SÁÁ á gala-kvöldverði í Hörpu:
Hjálpa íslenskum unglingum að fóta sig á ný
ÁVÍSUN AFHENT Gunnar Smári Egilsson, for-
maður SÁÁ, Einar Örn Ævarsson frá Arion
banka og Jónína Kristjánsdóttir, einn eigenda
Kolabrautarinnar. MYND/HALLDÓR KRISTJÁNSSON
HÉRAÐSDÓMUR Annar mannanna
var einnig dæmdur fyrir umferðar- og
fíkniefnalagabrot og báðir voru dæmdir
fyrir ólöglegan vopnaburð.
FRÉTTABLAÐIÐ/PJETUR
LÖGREGLUMÁL Lögreglan hafði á
föstudag afskipti af á þriðja tug
tónleikagesta vegna fíkniefna-
mála á Sónar-hátíðinni sem hald-
in var í Hörpu um helgina. Þetta
kemur fram í tilkynningu frá
lögreglunni. Allt voru það karl-
menn, á aldrinum 18-41 árs, sem
lögreglan hafði afskipti af og var
hald lagt á fíkniefni.
Í tilkynningunni segir að eftir-
lit hafi verið unnið í nánu sam-
starfi við starfsfólk hátíðarinnar.
Dópaðir gestir í Hörpu:
Fjölmörg dóp-
mál á Sónar
SVÍÞJÓÐ Fleiri ungar stúlkur í Sví-
þjóð eru nú kærðar fyrir ofbeldi
en áður. Árið 1996 voru 233 stúlk-
ur á aldrinum 15 til 17 ára grun-
aðar um ofbeldi en 497 árið 2011.
Fórnarlömbin eru fyrst og fremst
aðrar stúlkur, að því er kemur
fram í sænskum fjölmiðlum.
Ástæður fjölgunarinnar eru
meðal annars taldar geta verið
þær að fleiri kæri ofbeldið. Það
þýðir ekki að fleiri taki þátt í
götuslagsmálum eða að ráðist
sé á fleiri, að því er haft er eftir
afbrotafræðingi. Algengara er að
vitni láti vita af götuofbeldi en
fórnarlömbin sjálf. - ibs
Götuslagsmál í Svíþjóð:
Fleiri kærur
vegna stúlkna
HOPPUÐU Á BÍLUM
Lögreglunni á Suðurnesjum barst
aðfaranótt sunnudags tilkynning um
tvo menn sem voru að gera sér það
að leik að hoppa á bílum fyrir utan
skemmtistað í umdæminu. Fór svo að
annar piltanna, sem eru um tvítugt,
braut framrúðu bifreiðar í látunum.
Lögreglan ræddi við mennina og tjáði
þeim er rúðuna braut að hann þyrfti að
gjalda fyrir gjörðir sínar.
NÁTTÚRA Stefnt er að því að
afgreiða frumvarp til nýrra laga
um náttúruvernd fyrir þinglok.
Þetta segir Ólafur Þór Gunnars-
son, formaður umhverfis- og sam-
göngunefndar alþingis, en um 60
umsagnir bárust um frumvarpið
sem bíður þess nú að komast til
annarrar umræðu á þingi.
„Samkvæmt starfsáætlun
nefndarinnar er þetta eitt af þeim
málum sem við stefnum að því að
klára,“ segir Ólafur.
Umsagnirnar eru úr ýmsum
áttum. Náttúruverndarsamtök
fagna frumvarpinu en sveitar-
félög, landeigendur, veiðimenn og
samtök útivistarfólks gagnrýna
þau misharkalega.
Landvernd fagnar frumvarpinu
sem felur í sér „skýrari umgjörð
en við höfum áður haft um vernd
íslenskrar náttúru“, auk þess sem
stjórnvöld fái með þeim bætt
þvingunarúrræði til að framfylgja
lögunum. Náttúruverndarsamtök
Íslands taka undir það og fagna
því að skerpt sé á ákvæðum laga
og valdheimildum ráðherra.
Meðal annarra ákvæða sem
brenna á höfundum umsagna
eru ákvæði um rétt til að ferðast
um einkalönd. Þar mætast mis-
jöfn álit útivistarfólks. Skátarnir
fagna því til dæmis að réttur fót-
gangandi sé rýmkaður og heimild
land eigenda til að takmarka för
manna sé bundin við sérstök til-
vik. Ferðafélagið Útivist segir hins
vegar vonbrigði að ekki sé lengra
gengið fram í að tryggja almanna-
rétt. Þá er sérstaklega deilt á að
akstur á ökutækjum falli ekki
undir ákvæði um almannarétt og
að heimild umhverfisráðherra til
banns á akstri á snjó og jöklum sé
allt of opin og óljós.
Skotveiðifélag Íslands og Ferða-
klúbburinn 4X4 taka enn dýpra í
árinni og segja meðal annars ljóst
að ferðafólki sé mismunað eftir
ferðamáta. Þá átelja bæði sam-
tökin þá meintu nýbreytni að með
frumvarpinu sé verið að banna allt
það sem ekki sé sérstaklega leyft.
Þar á móti kemur að landeig-
endur eru afar ósáttir því að
frumvarpið felur í sér að þeirra
mati ákvæði sem sviptir þá rétti
til að takmarka umferð manna um
afgirt óræktuð lönd. Það felur í sér
„stórfellda skerðingu á eignar-
ráðum yfir landi“ og brýtur í bága
við stjórnarskrá með vísan til frið-
helgi eignaréttar.
Þá eru sveitarfélög ósátt við þá
þætti frumvarpsins sem lúta að
skiptingu valds milli sveitarfélag-
anna og umhverfisráðherra. Til
dæmis deilir Samband íslenskra
sveitarfélaga á að í frumvarpinu
séu ráðherra gefnar heimildir sem
skarast meðal annars á við skipu-
lagsvald sveitarfélaganna.
thorgils@frettabladid.is
Tugir umsagna um
náttúrufrumvarpið
Um 60 umsagnir bárust vegna frumvarps til náttúruverndarlaga. Formaður um-
hverfis- og samgöngunefndar vill klára málið fyrir þinglok. Verndarsamtök fagna
en gagnrýni berst einnig úr fjölmörgum áttum. Deilt um aðgang að einkajörðum.
VERNDARSINNAR Á FUNDI Fjölmenni var á fundi Landverndar í gærkvöldi þar
sem frumvarp til náttúruverndarlaga var til umræðu. Alls bárust um sextíu umsagnir
um frumvarpið. FRÉTTABLAÐIÐ/VALLI
➜ Í frumvarpinu kveður
við nýjan tón, þar sem allt
skal bannað nema það
sé leyft samkvæmt upp-
talningu í lögunum.
Úr umsögn Skotveiðifélags Íslands
VEISTU SVARIÐ?
1. Hvar eru uppi hugmyndir um að
fíklar fái að sprauta sig?
2. Hvað sátu margir útlendingar í
fangelsi hér á landi í fyrra?
3. Hvaða kvikmynd hlaut um helgina
Edduna sem mynd ársins 2012?
SVÖRIN
1. Í apótekum. 2. Níutíu og einn. 3. Djúpið.