Fréttablaðið - 23.02.2013, Síða 32

23. febrúar 2013 LAUGARDAGUR| HELGIN | 32
➜ HUGINN MUNINN Guðrún Guðjónsdóttir
Lýstu línunni í stuttu máli: Huginn Muninn stendur fyrir klassík og gott
handbragð. Við viljum fagna rótum okkar en um leið horfa til framtíðar.
Skyrturnar eru með klassísku yfirbragði, en á sama tíma með nútíma-
legum blæ sem finnst í lita- og efnasamsetningum og í hverju einasta
smáatriði.
Verður þú aldrei uppiskroppa með nýjar hugmyndir að herraskyrtum?
Það er alveg ótrúlegt hvað maður getur gert við svo einfaldan hlut eins og
skyrtu. Ég virðist alltaf getað fundið upp á einhverju nýju, eiginlega hef ég
of margar hugmyndir frekar en of fáar.
Hvaða tímabil í tískusögunni er í mestu uppáhaldi hjá þér? Satt að
segja væri ég svo til í að hafa verið uppi á flestöllum tímum þegar kemur
að tísku. En það tímabil sem heillar mig kannski mest er stríðstíminn,
þetta er tími sem skortur var á öllu og ég einfaldlega heillast af úrráða-
góðum konum sem fundu upp á alls kyns leiðum til að líta sem best út. Til
dæmis má nefna þegar þær máluðu rönd aftan á fót-
legginn á sér til að sýnast vera í nælonsokkabuxum.
Það veitir mér einfaldlega innblástur að á þessum
tíma reyndi fólk að finna gleði og hamingju hvar
sem þau gátu fundið hana.
Hvaða flík eða fylgihlut á fólk að forðast í
vor og sumar? Þar sem að ein flík eða fylgi-
hlutur fer einum en ekki öðrum finnst mér ekki
rétt að láta fólk forðast einhvern ákveðinn hlut.
Það eiga bara allir að vera í því sem þeir vilja.
Eigum við von á dömulínu frá Hugin Munin
í framtíðinni? Já, fyrsta dömulínan kemur í
verslanir í vor. Við ætlum einnig að vera með
sýnishorn af næstu dömuvetrarlínu á
RFF í mars.
Hvaða líkamsrækt stund-
arðu helst? Hlaup á milli
skrifstofunnar og saumastof-
unnar svo fátt eitt sé nefnt.
➜ ELLA Katrín Káradóttir og Elínrós Líndal
Hvaðan sóttirðu innblástur
fyrir nýju línuna? Elínrós: Inn-
blásturinn kom frá samtímanum,
fréttum og því efnahagslega
umhverfi sem við lifum í. Ég
notaði tilvísun í gamla tíma
sem minntu á tímabilið sem
við erum að ganga í gegnum,
en mig langaði að gera línu
sem konur gætu leitað í þegar
tilefnið væri að fagna. Katrín:
Undanfarið hef ég mikið
leitað í bíómyndir og gamlar
ljósmyndir en margar leiðir eru færar
og ekki nein ein sem virkar alltaf. Tíðarandinn breytist
og mikilvægt að staðna ekki í ákveðnu kerfi heldur
halda áfram að leita, prófa og þróa hugmyndir.
Hver er munurinn á „slow fashion“ og venjulegri
hönnun? Elínrós: Ég veit ekki hvort ég geti skil-
greint mun á hönnun innan slow fashion miðað við
venjulega hönnun, því það er ekkert venjulegt við
fallega hönnun. En við sem vinnum innan ramma slow
fashion beitum öðrum aðferðum og efnistökin okkar
eru ólík fyrirtækjum í fast fashion svo dæmi séu tekin.
Þú getur t.d. ekki bent svo auðveldlega á hönnun fyrir-
tækja í fast fashion þar sem fyrirtækin stela nýjustu
hugmyndum þekktra hönnuða á tískuvikum og fjölda-
framleiða með svo miklum hraða að stundum koma
fötin þeirra út á undan tískuhúsunum sem þeir stálu
frá. Hönnuður í slow fashion fær tækifæri til að vinna
hönnunarvinnu sína ár fram í tímann og þarf ekki að
hugsa um nýjustu strauma og stefnur. Hönnuðurinn
fær tækifæri til að skapa eitthvað alveg nýtt og þessi
vörumerki eru oft og tíðum mjög þekkjanleg á götum
úti.”
Hvaða flík er nauðsynlegt að eignast fyrir vorið?
Elínrós: ,,Það fer eftir hverjum og einum. Ég mæli með
því að 20% af fataskáp hverrar konu séu lykilflíkur á
borð við LBD (litla svarta kjólinn), pensilpils, kasmír-
peysa og góð klassísk kápa er mikilvæg. Þetta eru flíkur
sem endast og eru mikið notaðar. Það er alltaf gaman
að kaupa fallega liti fyrir sumarið en eftir að ég kynnti
mér hvernig efnislitun er að menga drykkjarvatn í
Asíu, hef ég haft meiri og meiri áhuga á ólituðum nátt-
úrulegum efnum. Katrín: Eitthvað sem minnir mann á
að fagna vorinu og gleðjast yfir
því að vera til.
Hvort lestu heldur
tískublogg eða –tímarit?
Elínrós: Hvorugt, því miður
hef ég ekki tíma í slíkt. En ég
hlusta mikið á BBC á daginn
og hef mjög gaman af því að
hlusta á greiningar hagfræðinga
á tískunni hverju sinni. Það sem
fangar auga þeirra er allt annað
en blaðamenn tala um almennt
og þeir eru alltaf eitt stórt
spurningamerki eftir sýningarnar.
Eitt allra skemmtilegasta og fróðlegasta efnið um sam-
tímann hverju sinni! Katrín: Ég fylgist með sýning-
unum, les stundum tímarit og jafnvel tískugagnrýni
aðila sem ég ber virðingu fyrir.
Hvaða íslenski hönnuður er í mestu uppáhaldi hjá
þér um þessar mundir? Elínrós: Katrín Kára– frá því
ég hitti hana fyrst vissi ég að hún gæti gert eitthvað
sem skiptir máli, enda leggur hún allt sitt í hverja
tískulínu. Hún er með mikla þekkingu á tískusögunni.
Klæðskerarnir okkar elska að vinna með henni því hún
hefur einnig menntun þeirra og skilur að á bak við
hverja hönnun verður að vera hugmynd sem er fram-
kvæmanleg í öðrum deildum. Katrín: Fatahönnun á
Íslandi hefur tekið miklum framförum á undanförnum
árum en ég vil ekki nefna neinn sérstakan að svo
stöddu.
Hvað mundirðu endurfæðast sem? Elínrós: Ég lifi
í þeirri von um að ég muni ekki endurfæðast enda á
ég nóg með þá örbylgju-hraðsuðu öld sem við lifum
á í dag. En ef ég mætti velja mér annað tímabil þá
myndi ég velja fimmta áratug síðustu aldar. Ég hefði
viljað vera samferðarkona ömmu minnar í móður-
ætt. Ég hefði þá þurft að sækja vatn út í læk, búa í
örfáum fermetrum með stórfjölskyldunni og þannig
kynnst því hvað það var sem bjó til þennan stórbrotna
karakter sem hún hafði að geyma. Katrín: Mér finnst
nú fátt benda til þess að ég fengi að velja ef til kæmi.
➜ Farmers Market Bergþóra Guðnadóttir
Lýstu línunni í stuttu máli: Gróft í bland við fínt, sveitin mætir borginni og hið þjóðlega
mætir hinu alþjóðlega. Við höfum frá upphafi lagt ríka áherslu á náttúruleg hráefni og
sveitarómantíkin mun halda áfram að svífa yfir vötnum.
Hvernig er hinn „týpíski“ kúnni Farmers Market? Við erum lítið fyrir að setja
fólk í merktar skúffur og viljum helst ekki hugsa um okkar viðskiptavini þannig.
En línan okkar er breið og það kemur okkur sífellt á óvart hvað kúnnarnir okkar
eru margvíslegir. Mér finnst t.d. alltaf gaman að sjá tískumeðvitaða Japani birta
myndir af sér á bloggi þar sem þeir eru búnir að blanda Farmers Market við sinn
persónulega og skemmtilega stíl. Svo eru Íslendingar á öllum aldri og gerðum
frábærir kúnnar sem hafa tekið okkur vel frá upphafi og það þykir okkur auð-
vitað vænst um.
Hvaða flík eða fylgihlut spáir þú mestum vinsældum í vor og sumar? Við
erum að þróa ýmislegt nýtt sem við erum gríðarlega spennt fyrir og komum til
með að sýna eitt og annað af því á RFF í mars. Flíkurnar öðlast svo sjálfstætt
líf þegar þær eru komnar á markað og erfitt að spá fyrir um vinsældir. Svo
er kominn biðlisti eftir flauelsbuxunum okkar sem munu koma í verslanir í
mars.
Er erfitt að vera hönnuður á Íslandi í dag? Ekkert erfiðara en hvað
annað, í litlu fyrirtæki þurfum við auðvitað að sjá um allt sjálf þannig
að þetta er bara hellings vinna. En þar sem við erum nýkomin heim
af tískuvikum í Evrópu skal ég alveg viðurkenna að stundum öfunda
ég mína erlendu kollega sem búa í nánd við markaðinn þar sem mestu
viðskiptin fara fram. Það getur tekið á að þurfa að útskýra muninn á EES
og ESB fyrir tískuliðinu sem hefur takmarkaðan áhuga á tollamálum, vilja
bara kaupa vörur og fá þær afhentar án vesens.
Er jafn skemmtilegt að hanna á konur og karla? Það er ekkert síður
skemmtilegt að hanna á karla og ég hef smátt og smátt verið að auka við
herralínuna okkar. Að mörgu leyti finnst mér líka herratískan vera á meira
flugi um þessar mundir en kventískan og karlar almennt áhugasamari um
föt en áður.
Hvernig er hið fullkomna föstudagskvöld í þínum huga? Elda góðan
mat í góðum félagsskap og njóta annaðhvort við kertaljós í skammdeginu
eða úti í garði á sumarsíðkvöldum.