Fréttablaðið - 27.02.2013, Blaðsíða 12

27. febrúar 2013 MIÐVIKUDAGURSKOÐUN
HALLDÓR
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is og Trausti Hafliðason trausti@frettabladid.is HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is
MENNING: Bergsteinn Sigurðsson bergsteinn@frettabladid.is DÆGURMÁL: Kjartan Guðmundsson kjartan@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og
í gagnabönkum án endurgjalds. Issn 1670-3871
Á
einni helgi hefur hið pólitíska landslag á Íslandi
umbreyst. VG opnaði skyndilega á raunverulegan
möguleika á ríkisstjórnaraðild með því að sam-
þykkja að klára aðildarviðræður ESB, þrátt fyrir að
vera andsnúin aðild. Á sama tíma festi Sjálfstæðis-
flokkur sig í sessi sem eitt róttækasta stjórnmálaafl landsins.
Í grundvallarstefnu Sjálfstæðisflokksins segir að inntak
stefnu hans sé að „tryggja frelsi og framþróun í þjóðfélag-
inu“. Frá þeirri stefnu var horfið að hluta um helgina. Í fyrsta
lagi var samþykkt ályktun á landsfundi um að hætta aðildar-
viðræðum við ESB og svipta þar með þjóðina frelsi til að kjósa
um málið. Samhliða á að loka Evrópustofu, svo almenningur
hafi ekki slíkan aðgang að upplýsingum. Í öðru lagi hefur
flokkurinn fallið frá þeirri
stefnu að hann leggi „áherslu á
að auðvelda erlendum aðilum að
fjárfesta í íslensku atvinnulífi“.
Fyrir tveimur árum lét Bjarni
Benediktsson hafa eftir sér
að það væri ekki sjálfsagt að
útlendingar gætu keypt stórar
jarðir á Íslandi. Hann steig
annað stórt skref í átt að því að skapa geðþóttastýrt, en ekki
almennt, fjárfestingarumhverfi á Íslandi í síðustu viku þegar
hann sagði að afskrifa ætti að verulegu leyti kröfur erlendra
vogunarsjóða í þrotabú föllnu bankanna. Þessari skoðun voru
gerð skil í Financial Times, einni af biblíum viðskiptalífsins.
Í þriðja lagi virðist morgunljóst að hinir ungu forystumenn
flokksins hafi beygt sig undir „heimsyfirráð eða dauði“-stefnu
gömlu harðlínujaxlanna í flokknum. Þessi afstaða kristallaðist
ágætlega í ræðu Hönnu Birnu Kristjánsdóttur, sem var vel
skreytt af Davíðslegum aulahúmor á kostnað pólitískra and-
stæðinga. Hún hefur árum saman viljað markaðssetja sig sem
sáttastjórnmálamann en steig þarna af þeirri braut.
Á sama tíma kom VG út úr skápnum sem einhvers konar
krataflokkur með áherslu á kvenfrelsi og umhverfismál. Það er
ekki að sjá á samþykktri stjórnmálaályktun flokksins að hann
sé róttækur vinstriflokkur, sem er samt sú skilgreining sem
margir flokksmenn hans vilja kenna sig við.
Það að samþykkja að klára ESB-viðræðurnar var þó pólitískt
klókt hjá VG. Með því er flokkurinn allt í einu orðinn möguleiki
í þriggja flokka stjórn með Bjartri framtíð og Samfylkingu.
Saman mælast þessir þrír flokkar nú með um 42 prósent en
ljóst er að formennska Katrínar Jakobsdóttur ætti að geta ýtt
fylgi VG í tveggja stafa tölu. Þá eru fimm smáframboð að
mælast með um átta prósenta fylgi sem gæti vel leitað til ofan-
greindra flokka. Að lokum er ljóst að innan bæði Sjálfstæðis-
flokks og Framsóknar eru margir Evrópusinnar. Þeir gætu
ákveðið að kjósa áframhaldandi viðræður.
Því virðist hafa verið dregin lína í sandinn um helgina.
Mögulegt ríkisstjórnarmynstur er annars vegar Sjálfstæðis-
flokkurinn og Framsókn, með skuldaniðurfellingar, skatta-
lækkanir og óljósa peningamálastefnu á oddinum. Hins vegar
er möguleg þriggja flokka stjórn tveggja keimlíkra frjáls-
lyndra jafnaðarmannaflokka og vinstriflokks, sem er að mörgu
leyti hættur að haga sér eins og vinstriflokkur, með áframhald-
andi aðildarviðræður sem aðalmál. Þetta verður athyglisvert.
Tveir landsfundir umbreyttu pólitísku landslagi:
Hægri varð vinstri
Þórður Snær
Júlíusson
thordur@frettabladid.is
Eftir að hafa hlýtt á landsfundar ávörp
formanna tveggja stjórnarandstöðu-
flokka fagna ég þeirri þver pólitísku
samstöðu sem nú hefur náðst um ýtr-
ustu vörn fyrir hagsmuni íslenskra
heimila og fyrirtækja gagnvart því
verkefni að gera upp þrotabú föllnu
bankanna og losa um fjármagnshöft.
Fyrir aðeins ári síðan var umdeilt á
Alþingi hvort fella ætti erlendar eignir
þrotabúanna undir fjármagnshöftin og
fulltrúar stjórnarandstöðu ýmist greitt
atkvæði gegn því eða setið hjá. Í dag
ríkir hins vegar einhugur um mikil-
vægi þess að með því náðum við fullum
tökum á greiðsluflæði frá þrotabúunum
til erlendra kröfuhafa.
Full eining er um það milli ríkisstjórn-
ar og Seðlabanka Íslands að ganga eins
langt í því að verja íslenska hagsmuni
og lög og þjóðréttarlegar skuldbindingar
leyfa. Við væntum þess að losunaráætl-
unin gengi hraðar en varúðar sjónarmið
gagnvart þróun á alþjóðamörkuðum og
stöðu þrotabúanna hafa ráðið hraðan-
um. Til að stýra uppfærslu áætlunar um
losun fjármagnshafta, þar sem tekið er
á því risavaxna verkefni sem uppgjör
þrotabúa föllnu bankanna sannarlega
er, starfar stýrinefnd sem í eiga sæti
ráðherrar efnahags- og bankamála auk
Seðlabankastjóra og forstjóra Fjármála-
eftirlitsins. Ekki verða gefnar út reglur
sem heimila undanþágur til uppgjörs á
þrotabúum gömlu bankanna án þess að
þær hafi verið yfirfarnar í stýrinefnd
og staðfestar af fjármála- og efnahags-
ráðherra.
Ég hef lagt ríka áherslu á að halda
forystumönnum allra flokka upp lýstum
um framvinduna enda blasir við að
hver sú ríkisstjórn sem hér tekur við að
loknum kosningunum í vor mun þurfa
að fást við þetta verkefni. Samstaða
hefur nú náðst um að stíga það mikil-
væga skref að miða losun fjármagns-
hafta ekki við ákveðnar dagsetningar
heldur við þau skilyrði sem þurfa að
vera til staðar og þann árangur sem við
viljum ná.
Gagnvart kröfuhöfum styrkir það
stöðu okkar að þessi þverpólitíska sam-
staða sem náðst hefur um íslenska hags-
muni síðustu misserin haldi. Þannig hef
ég stýrt þessu verkefni og hyggst gera
áfram.
Samstaða um að verja
íslenska hagsmuni
FJÁRMÁL
Katrín Júlíus-
dóttir
fj ármála- og efna-
hagsráðherra
Bara ein könnun af mörgum
Það er gömul saga og ný að stjórn-
málamenn eru öðrum flinkari í að
túlka tíðindi og vendingar í þjóð-
félaginu sjálfum sér í hag. Á þessum
stað á mánudag var minnst á Bjarna
Benediktsson og það hvernig honum
tókst með aðdáunarverðum hætti
að sjá styrkleikamerki í því að sumir
flokksmenn vildu hann frá. Bjarni
hélt uppteknum hætti í gær. Ný
könnun, sem sýnir fylgishrun
Sjálfstæðisflokksins á milli
mælinga, er í hans huga
bara ein könnun af mörgum,
flokkurinn eigi eftir að eiga
samtal við þjóðina og að eina
könnunin sem máli skipti sé sú
stóra: Kosningarnar sjálfar. Það er
ýmislegt til í þessu hjá Bjarna.
Bara ein könnun
Bregðum okkur samt þrjú ár aftur
í tímann, til 19. mars 2010. Þá birti
Fréttablaðið könnun á fylgi flokka
þar sem Sjálfstæðisflokkurinn
mældist mjög hár, en ríkisstjórnar-
flokkarnir mjög lágir. Það var ekki
bara ein könnun af mörgum– heldur
var það könnunin, með greini, að
mati Bjarna. Hann taldi könnunina
sýna að ríkisstjórnin réði ekki
við verkefni sitt og að hún
skyldi fara frá.
Sneiðar formannsins
Á mánudag var líka
vikið að Katrínu
Jakobs-
dóttur á þessum stað, og duldu
sneiðinni sem hún sendi nýkjörnum
varaformanni Vinstri grænna með
því að hvetja pólitíkusa til hófstill-
ingar í orðavali. En sneiðar formanns-
ins nýja til eigin flokksmanna eru
fleiri. Fyrir helgi mætti Katrín galvösk
í settið hjá piltunum í Hraðfréttum–
vikulegu skemmtiinnslagi í Kastljósi.
Sá þáttur hefur einmitt mætt
efasemdum– sumir mundu
segja vandlætingu– af hálfu
Álfheiðar Ingadóttur, sam-
flokkskonu Katrínar, sem
hefur í tvígang hið minnsta
gagnrýnt hann á þingi
fyrir smekkleysi og óbeinar
auglýsingar.
stigur@frettabladid.is