Fréttablaðið - 09.03.2013, Qupperneq 42

9. mars 2013 LAUGARDAGUR| HELGIN | 42
Costner örlátur
Ertu með stórt hlutverk? „Já,
þetta er mikilvæg persóna í
myndinni og ég er með tíu töku-
daga, sem er þó nokkuð.“ Og þú
leikur á móti Costner í einhverj-
um senum? „Já, mínar senur eru
allar með honum. Það var svolítið
skrítið fyrst þar sem hann var
ákveðið „icon“ þegar ég var að
alast upp. En svo gleymdi maður
því bara um leið og við fórum
að leika saman. Það er ótrúlega
gott að vinna með honum, hann
er mjög flottur leikari og engir
stjörnustælar í honum. Á milli
taka gátum við verið að spjalla
um lífið og tilveruna. Hann sagði
mér m.a. frá ferðum sínum til
Íslands og hversu mikið hann
hefði heillast af landi og þjóð.
Það er mjög áhugavert að vinna
með manni með svona mikla
reynslu og þar sem hann er líka
leikstjóri þá hugsar hann ekki
bara út frá sjálfum sér heldur um
heildina og má eiginlega segja
að hann hafi svona svolítið verið
að leikstýra með leikstjóranum.
Þetta er í fyrsta skipti sem ég
leik í svona hasarmynd þar sem
allt gerist svakalega hratt og
hann hjálpaði mér mjög mikið.
„Ég vil að mamma þín geti farið í
bíó og verið ánægð með strákinn
sinn,“ sagði hann. „Ef þú gerir
þetta of hratt þá verður bara
klippt yfir á mig.“ Hann er mjög
örlátur þannig, vill að allir hinir
fái að njóta sín líka.“
Tvær myndir í sumar
Tómas hefur vonir um að vinnan
við Three Days to Kill leiði til
frekari tækifæra. „Leikstjórinn
er spenntur fyrir að vinna með
mér aftur og það er hvetjandi.
Hann er með nokkur verkefni í
undirbúningi og vonandi passar
eitthvert hlutverk fyrir mig þar.
Við sjáum svo bara til hvernig
þetta þróast.“
Tökum á Three Days to Kill
er ekki lokið en Tómas er þegar
kominn með tvö önnur verk-
efni. Alþjóðlega mynd sem leikin
er á ensku og þýska sjónvarps-
mynd. „Það er reyndar komið upp
lúxusvandamál, getur verið að
tökutími myndanna rekist á, en
ég vona að það leysist nú. Þýska
myndin er períódumynd og það
verður ný reynsla fyrir mig, hef
ekki farið í fyrri tíma búning
síðan ég lék þurfaling sem stat-
isti í Agnesi.“
Það hefur sem sagt borgað sig
að flytja til útlanda og freista
gæfunnar þar? Hvað kom til að
þú tókst þá ákvörðun? „Í kjöl-
farið á Nóa albínóa, þegar ég var
að klára myndlistarnámið við
Listaháskólann, bauðst mér að
fá umboðsmann í París og ákvað
að flytja þangað. Ég er hálfur
Frakki og var alltaf í París á
sumrin sem krakki og alveg síðan
þá hefur draumur minn verið
að vinna í alþjóðlegu samhengi.
Kvikmyndaleikur hefur líka allt-
af átt miklu betur við mig en að
leika á leiksviði og það lifir eng-
inn á því að vera kvikmyndaleik-
ari á Íslandi.“
Ljúft að búa í Berlín
Tómas bjó fyrstu þrjú árin eftir
að hann flutti út í París en flutti
sig síðan til Berlínar þar sem
hann hefur nú búið í sex ár. Hvers
vegna valdi hann Berlín? „Hún
er mjög miðsvæðis og hentugt að
búa þar þegar maður er að vinna
á Evrópumarkaði. Hún er líka
miklu ódýrari en París og bara
að mörgu leyti ljúft að búa þar.
Það skiptir mig reyndar ekkert
öllu hvar ég bý, enda er ég á stöð-
ugum þeytingi og bý eiginlega í
ferðatösku. Það hentar mér mjög
vel, því meiri vinna þeim mun
skemmtilegra, mér leiðist óskap-
lega að slæpast. Það er reyndar
algjör misskilningur að listamenn
séu eitthvað að slæpast, ef maður
ætlar að komast eitthvað áfram
í þeim heimi kostar það rosalega
vinnu, það er ekkert latté-þamb.
Það er hörkuvinna að koma sér
á kortið. Þessi mynd núna með
Costner kom í gegnum sambönd
sem ég myndaði fyrir níu árum
við konu sem sér um að finna
leikara í ýmsar myndir. Ég fór í
prufu þá en fékk ekki hlutverk-
ið en hún hafði mig í huga fyrir
mynd í fyrra. Það gekk reyndar
ekki upp því leikstjóranum fannst
ég of ungur, en svo gekk þetta upp
núna. Maður fer auðvitað í alls
konar prufur sem ekki ganga upp
en því meira sem maður fær að
vinna og getur sýnt myndefni úr
því auðveldara verður að fá hlut-
verk án þess að þurfa að fara í
prufur. Í þýsku myndinni sem ég
er að fara í vildu þeir til dæmis
bara bóka mig án prufu sem er
auðvitað rosalega þægilegt. Það
fylgir því alltaf ákveðið álag að
þurfa að fara í prufur. Svona svip-
að og að vera alltaf að taka próf.“
Ekki fundið þá réttu
Hvað með þitt persónulega líf?
Ertu bara einn með sjálfum þér,
engin kona eða börn? „Já, enn þá,
en ég vona að það rætist úr því
einhvern tíma bráðum.“ Er erfitt
að byggja upp samband þegar þú
ert svona fókuseraður á að kom-
ast áfram? „Ég veit það ekki. Það
er fullt af fólki sem er jafn upp-
tekið og ég sem er í samböndum
þannig að það er greinilega alveg
hægt. Ég hef bara því miður ekki
fundið þá réttu enn þá. En þetta
getur verið svolítið snúið. Upp
á síðkastið hef ég yfirleitt ekki
stoppað nema svona tvær vikur á
hverjum stað og þess á milli hef
ég verið á kvikmyndahátíðum að
kynna myndirnar.“
Er það nauðsynlegur þáttur af
starfinu að sækja kvikmyndahá-
tíðir og mynda tengsl við aðra í
bransanum? „Já, því fleiri leik-
stjóra og framleiðendur sem
þú hittir þeim mun líklegra er
að einhverjir þeirra hafi þig í
huga þegar þeir eru að leita að
leikurum í næstu mynd. Það
er nauðsyn legt að minna á sig.
Kannski ekki endilega í Cannes
eða á Berlinale þar sem fjöldinn
er svo ógurlegur en það er oft frá-
bært að vera á minni kvikmynda-
hátíðum þar sem maður kemst
í virkilegt návígi við áhuga-
vert fólk. Það er til dæmis einn
stærsti kosturinn við Kvikmynda-
hátíðina í Reykjavík. Að geta
verið að spjalla við fólk einsog
Jim Jarmusch heilt kvöld er ekki
aðstaða sem maður kemst í hvar
sem er.“
Heimar annarra
Þú ferð frá því að leika í stór-
mynd með Kevin Costner í að
leika í stuttmynd fyrir Munda.
Er það ekki dálítið stór sveifla?
„Mundi er mjög kreatívur og
áhugaverður persónuleiki, fullur
af krafti og inspírerandi að vera
nálægt honum. Mér finnst áhuga-
vert að vinna með fólki á öllum
aldri og fá að taka þátt í því sem
það er að skapa. Það er alltaf
gaman að fá að koma í heimsókn í
þá heima sem aðrir hafa skapað.“
Er draumurinn að meika það í
Hollywood og eignast hús í Santa
Barbara eins og Costner?
„Ég væri alveg til í að vinna
eitthvað í Hollywood en þetta
snýst ekkert um einhverjar pallí-
ettur. Glamúrheimurinn er fyrir
utan vinnuna og val hvers og eins
hvort hann tekur þátt í honum.
Þegar þú ert að vinna í bíómynd
ertu bara á setti og þar er enginn
í pallíettuskóm, það er bara vinna
eins og hver önnur. Ég hef áhuga
á öllu sem snertir kvikmyndir og
er til í að leika í sem fjölbreytt-
ustum myndum. Þegar ég var
að byrja að leita fyrir mér eftir
Nóa albínóa, sem er arthouse-
mynd per excellence, þá ákvað
ég að gera bara arthouse-myndir
en þá var ég að takmarka sjálfan
mig og því fylgdi ákveðinn hroki.
Eftir að ég ákvað að vera opinn
fyrir alls konar hlutum sá ég
hvað það er skemmtilegt að vera
með í ólíkum verkefnum. Ég hef
auðvitað neitað hlutverkum því
mér finnst sögurnar ekki nógu
góðar en svona heilt yfir er ég
opinn fyrir öllu.“
Eigum við von á því að fá að sjá
þig í íslenskri mynd á næstunni?
„Nei, það er ekkert slíkt á döfinni
núna. Ég er mjög opinn fyrir því
að leika í íslenskri mynd. Það
kemur vonandi að því fyrr en
seinna.“
Það er ótrúlega gott
að vinna með honum,
hann er mjög flottur
leikari og engir stjörnu-
stælar í honum.
HEILÖG ÞRENNING Costner, Tómas og McG á góðri stundu í París.
Gegn krabbameini í körlum
Nicotinell er
samstarfsaðili
Krabbameinsfélagsins
Nicotinell Fruit lyfjatyggigúmmí, inniheldur 2 eða 4 mg . nikótín. Til meðferðar á tóbaksfíkn en lyfið dregur
úr nikótínþörf og fráhvarfseinkennum og það auðveldar þar með reykingarfólki sem vill hætta að reykja,
að hætta og auðveldar þeim sem ekki geta hætt, eða eru tregir til þess, að draga úr reykingum. Ekki má
nota Nicotinell Fruit ef þú reykir ekki og ekki má reykja samhliða notkun Nicotinell Fruit. Ráðlagður
skammtur fer eftir því hversu háð/-ur þú ert reykingum. Þú skalt nota Nicotinell Fruit 4 mg ef þú ert með
mikla nikótínþörf, reykir fleiri en 30 sígarettur/sólarhring eða ef þér hefur ekki tekist að hætta að reykja
með notkun 2 mg lyfjatyggigúmmís. Annars skaltu nota Nicotinell Fruit 2 mg ef reykt er minna en 20
sígarettur á sólarhring. Ef þú færð aukaverkanir við notkun stærri skammtsins skaltu íhuga minni skammt
í staðinn. Tyggið hægt þar til finnst sterkt bragð, látið tyggigúmmíið hvíla á milli kinnar og tannholds,
tyggið aftur þegar bragðið dofnar, endurtakið í um 30 mínútur. Ekki má kyngja lyfjatyggigúmmíinu. Í
upphafi meðferðar skaltu venjulega nota eitt stk á 1 2 klst. fresti þegar þú finnur fyrir reykingaþörf.
Venjuleg notkun er 8-12 stk í á sólarhring. Þú mátt ekki nota fleiri en 25 af 2 mg eða meira en 15 af 4 mg
lyfjatyggigúmmí á sólarhring. Lengd meðferðar er einstaklingsbundin en varir yfirleitt í a.m.k. 3 mánuði, þá
skal draga úr fjölda stk. smám saman. Meðferð skal hætt þegar neyslan er komin niður í 1-2 stk á
sólarhring og er ekki mælt með notkun lengur en í 1ár. Sumt reykingafólk gæti þó þurft lengri meðferð til
þess að forðast að byrja aftur að reykja. Leitaðu faglegrar ráðgjafar hjá lækni eða lyfjafræðingi ef þú getur
ekki hætt að nota lyfið eftir eitt ár eða ef þér tekst ekki að fækka fjölda reyktra sígaretta eftir 6 vikur.
Reykingum skal hætt um leið og einstaklingurinn er tilbúinn til þess, þó ekki síðar en eftir 6 mánaða
meðferð. Leita skal faglegrar ráðgjafar ef ekki hefur tekist að hætta reykingum eftir 9 mánaða meðferð.
Ráðfærðu þig við lækni eða lyfjafræðing áður en þú notar Nicotinell því ekki er víst þú megir nota lyfið ef
þú hefur: ofnæmi fyrir einhverju innihaldsefna lyfsins,fengið einhverja hjarta eða æðasjúkdóma, sykursýki,
ofvirkan skjaldkirtil/nýrnahettur, ert með alvarlega skerta nýrna- og/eða lifrarstarfsemi, með magasár eða
gervitennur. Lesið allan fylgiseðilinn vandlega áður en byrjað er að nota lyfið. Sjá notkunarleiðbeiningar í
fylgiseðli. Geymið þar sem börn hvorki ná til né sjá. Lítið magn af nikótíni er hættulegt börnum og getur
valdið alvarlegum einkennum eða dauða. Markaðsleyfis hafi: Novartis Consumer Health S.A.
Umboð á Íslandi: Artasan ehf., Suðurhrauni 12a, 210 Garðabæ
N
IC
13
01
02
Í mars renna 100 kr. af hverjum
seldum pakka af Nicotinell beint
til átaksins Mottumars.
Mundu að það eru bláu pakkarnir
frá Nicotinell sem styrkja gott
málefni.
100 KRÓNUR