Fréttablaðið - 09.03.2013, Síða 50

FÓLK|| FÓ K | HELGIN4
MAJA Barna-
koja eftir Elinu
og Klaus. Inn-
blásturinn sóttu
þau til trékofa.
Það er alltaf verið að spyrja okkur að þessu, en við erum ekkert skyld Alvar Aalto. En fólk um allan heim tengir nafnið bæði við
Finnland og við hönnun, svo kannski má segja að
það komi okkur vel,“ segja finnsku hönnuðirnir
og hjónin Elina og Klaus Aalto en þau taka þátt í
HönnunarMars næstu helgi.
Þau hanna undir merkinu Aalto+Aalto og
munu meðal annars sýna lampa, ferðagrill,
herðatré og töskur sem þau hanna úr notuðum
segldúkum. Þau segjast hanna hluti til daglegra
nota sem bæði hafi notagildi og fagurfræðilegt
gildi. „Við viljum að hlutirnir okkar séu sérstakir,
með sterk karaktereinkenni og einhverja sögu á
bak við sig,“ segja þau.
En þekkja þau til íslenskrar hönnunar? „Okkur
finnst íslensk hönnun hafa orðið sýnilegri á síð-
ustu tíu árum. Við skoðuðum sýningar íslensku
hönnuðanna sem sýndu í Stokkhólmi og í Hels-
inki og þá var Ísland með í aðalsýningu World De-
sign Capital í Helsinki síðastliðið haust, Everyday
discoveries, en við sáum um hönnun þeirra sýn-
ingar. Okkur finnst íslensk hönnun fersk og hafa
sterkt og sérstakt yfirbragð. Í mörgum tilfellum
er íslensk hönnun mjög nálægt myndlist, hvað
varðar hugmyndafræði. Okkar eigin hönnun er
á svipuðum nótum og við höfum mikinn áhuga á
að fylgjast með íslenskri hönnun.“
Þetta verður fyrsta heimsókn Klaus til Íslands
en hann segir það lengi hafa verið draum sinn
að heimsækja landið frá því hann var krakki. „Ég
er svakalega spenntur. Elina ferðaðist til Íslands
með fjölskyldu sinni fyrir þrjátíu árum en talar
enn þá um það hvað ferðin var ævintýraleg og
skemmtileg. Við ætlum að taka börnin okkar með
og vonandi náum við að ferðast eitthvað aðeins
út fyrir Reykjavík og sjá náttúruna aðeins.“
Hönnun Aalto+Aalto verður sýnd í Grettisborg,
Grettisgötu 53. HönnunarMars fer fram dagana
14. til 17. mars. ■ heida@365.is
AALTO SÝNIR
FINNSK HÖNNUN Hjónin Klaus og Elina Aalto
reka saman hönnunarstofuna Aalto+Aalto. Þau
sýna hönnun sína í Grettisborg á HönnunarMars.
AALTO+AALTO Hjónin
Elina og Klaus Aalto
mæta á HönnunarMars
og sýna hönnun sína í
Grettisborg.
MYND/AALTO+AALTO
CARRY Töskur sem
saumaðar eru úr endur-
unnum segldúk fyrir
SavetheC.
BETTER VIEW Mynstrin í rúllugardínu sótt til útsýnis yfir stórborgir. Hægt er að fá
útsýni yfir París, Tókýó, Helsinki, Berlín og Stokkhólm.
Við fluttum verslunina af Lauga-veginum upp í Smáralind og opnuðum þar í byrjun febrúar.
Okkur líkar mjög vel hér og verslunin
hefur fengið góðar viðtökur,“ segir Anna
María Axelsdóttir, eigandi Móðir Kona
Meyja. Verslunin selur meðgöngu- og
brjóstagjafafatnað en Anna María segir
fötin ekki endilega einskorðast við
ófrískar konur.
„Öll fötin okkar passa vel alla með-
gönguna og eftir hana líka og alveg
eins á konur sem ekki eru ófrískar.“
Brjóstagjafafatnaðurinn er þannig
hannaður að auðvelt er að gefa brjóst
án þess að sjáist í bert og meðgöngu-
buxurnar og pilsin eru með mjúkum
streng upp á bumbuna sem teygist
með bumbunni alla meðgönguna. Allir
kjólar og bolir eru líka þannig hannaðir
að það er pláss fyrir vaxandi bumbu.
„Okkar meginstefna í innkaupum er að
panta inn þægileg föt á viðráðanlegu
verði svo konur geti verið glæsilegar
á meðgöngunni og eftir hana, án þess
að það kosti mikil fjárútlát,“ segir Anna
María.
„Við eigum allt frá gallabuxum og
upp í ballkjóla og einnig mikið úrval af
sokkabuxum í mörgum litum og legg-
ings. Úrvalið af gjafahöldurum í öllum
stærðum er gott og hjá okkur fást með-
göngusundföt og aðrar stuðningsvörur
við meðgöngu. Við erum einnig með
brjóstagjafapúða og burðarsjöl.“
Anna María segir íslenska foreldra
nota taubleiur í auknum mæli og kemur
Móðir Kona Meyja til móts við þarfir
þeirra. „Við erum eina búðin sem býður
upp á taubleiur í verslun og alla þjón-
ustu kringum þær. Hér getur fólk fengið
að vita allt um taubleiur en íslenskir
foreldrar eru mjög áhugasamir um um-
hverfisvænar bleiur. Fólk kemur hingað
bæði gagngert til að skoða taubleiur
en við fáum líka fólk hér inn sem hefur
aldrei séð taubleiur áður og kaupir eina
til að prófa og kemur svo aftur.“
BEÐIÐ EFTIR BARNI
MÓÐIR KONA MEYJA KYNNIR Meðgöngu- og brjóstagjafafatnaður í úrvali í
nýrri verslun í Smáralind og allt sem þarf að vita um taubleiur.
VINSÆLAR
TAUBLEIUR „Hér
getur fólk fengið að vita
allt um taubleiur og
íslenskir foreldrar eru
mjög áhugasamir um
umhverfisvænar bleiur.“
VEFVERSLUN Móðir
Kona Meyja er líka
með vefverslun
sem sendir sendir
frítt um allt land á
www.mkm.is.
Eingöngu selt á hársnyrtistofum
MÓÐIR KONA MEYJA Á NÝJUM STAÐ Anna María Axelsdóttir, eigandi verslunarinnar, en hún flutti nýlega í Smáralind. MYND/GVA