Fréttablaðið - 06.06.2013, Blaðsíða 18

| FRÉTTASKÝRING | 6. júní 2013 FIMMTUDAGUR26
1 2 3 4 5BREIÐHOLT: GETTÓ EÐA GÆÐAHVERFI?
STANDA VÖRÐ
Heimir og
Jóhann segja
það lífseiga
mýtu að glæ-
patíðni sé hærri
í Breiðholti en í
öðrum hverfum
Reykjavíkur.
„Þetta var ein af mínum fyrstu vöktum, ég
man vel eftir þessu. Þetta var mikil hasar.
Þetta er gott dæmi um hópamyndunina
sem var, en er horfin í dag,“ segir Heimir.
„Þetta var svo miklu yngra hverfi og svo
hefur þjóðfélagið breyst. Ef við verðum varir
við hópamyndun í hverfinu, eins og gerðist
síðast árið 2005, þá komum við á staðinn,
skerumst í leikinn og svo er unnið að því að
brjóta þetta upp. Það hefur gengið vel.“
Ingvar Sverrisson er einn Breiðhylting-
anna sem tóku þátt í gleðinni 1983.
„Sumir segja að þetta hafi byrjað á því
að Fellaskóli tapaði einhverri keppni, en
eftir því sem ég best veit var þetta þannig
að nokkrir Fellastrákar voru að leika sér á
leikskólalóð í Seljahverfi og þangað komu
aðrir strákar og lömdu þá, en þá fóru þeir til
baka og söfnuðu liði,“ segir Ingvar. „Það var
stríðsástand hér í nokkra daga. Það keyrðu
engir bílar, allt var þakið grjóti og „Molotov-
kokkteilum var kastað á milli.“
Pabbi Ingvars, Sverrir Friðþjófsson, var
forstöðumaður félagsmiðstöðvarinnar
Fellahellis á þessum tíma og markaði hann
stríðslokin táknrænt sjálfur með því að
kasta síðasta Molotov-kokkteilnum á götuna.
„Hann logaði hérna um allt og það var
tákn um að menn væru orðnir vinir,“ segir
Ingvar. „En strákarnir myndu nú gera grín
að mér núna fyrir að vera að segja þessar
sögur. Ég var voðalega lítill slagsmálahundur
í samanburði við þá.“
Í kringum 1990 var mikil
hópamyndun meðal íbúanna en
það hefur gjörbreyst. Hún er
bara horfin.
Jóhann Davíðsson
rannsóknarlögreglumaður í Breiðholti
38% 33% 28% 63%
Innbrotum fækkaði um 38% Ofbeldisbrotum hefur fækkað um 33% Eignaspjöllum fækkaði um 28% Slysum á vegfarendum fækkaði um 63%.
Úr afbrotatíðindum lögreglunnar 2012
GLÆPUM FÆKKAR ÁR FRÁ ÁRI
Afbrotum í Breiðholti hefur fækk-
að um fjörutíu prósent á síðustu
árum. Afbrotatíðni í hverfinu
er orðin sambærileg við önnur
hverfi höfuðborgarsvæðisins en
Heimir Ríkharðsson og Jóhann
Davíðsson, sem starfa báðir í
rannsóknardeild lögreglunnar
í Breiðholti og Kópavogi, segja
glæpavæðingu hverfisins, bæði
í fjölmiðlum og almennu tali, líf-
seiga mýtu. Ekki þurfi að gera
annað en að rýna í tölfræðina til
að sjá að svo sé.
Ekkert öðruvísi en annars staðar
„Þrátt fyrir að Breiðholtið sé eins
margbreytilegt og raun ber vitni
þá er hlutfallið hér orðið eins og
annars staðar,“ segir Heimir. „En
samt sem áður er hér margbreyti-
legasta þjóðlífið, bæði hvað varð-
ar tekjur, þjóðfélagsstétt og kyn-
þátt. Það hefur mikla sérstöðu.“
Mennirnir hafa báðir starfað
lengi við löggæslustörf í Breið-
holti en þeir voru áður í lögreglu-
stöðinni í Mjóddinni, Heimir sem
aðalvarðstjóri og Jóhann í hverfa-
löggæslunni. Jóhann segir hverfið
hafa þróast mikið á síðustu tutt-
ugu árum.
„Í kringum 1990 var mikil hóp-
amyndun meðal íbúanna en það
hefur gjörbreyst. Hún er bara
horfin,“ segir hann. „Um tíma
komu líka upp vandamál á milli
Íslendinga og útlendinga, en við
lögðum mikla vinnu í að snúa
það niður. Án þess að það sé allt
okkur að þakka þá hefur það tek-
ist.“
Margir óttuðust lögregluna
Hann segir marga innflytjend-
ur hafa komið hingað frá löndum
þar sem mikill ótti var í garð lög-
reglunnar. „En við tókum á því,
það gekk yfir og nú er þetta orðið
mjög gott. Þau komu sum frá lönd-
um þar sem löggan var ekki sann-
gjörn og brást kannski helst við
loforði um peninga.“
Hafa þeir lent í því að fólk reyni
að múta þeim?
„Já, já, maður hefur lent í því.
En það eru svo sannarlega ekki
útlendingarnir sem reyna það.“
Heimir tekur undir þetta.
„Það voru notaðir hnífar, vopn
og steinar, það voru barsmíðar og
það var setið fyrir mönnum. En
þetta verður maður mun minna
var við, enda náðum við á endan-
um trausti strákanna sem voru í
þessu og þeir áttuðu sig á því að
maður var með þeim en ekki á
móti þeim,“ segir hann.
Ofbeldið færist yfir á netið
Spurðir hvort þeir upplifi að kyn-
þáttahatur sé meira í Breiðholti en
annars staðar segja þeir svo ekki
vera.
„Þetta er mest á Facebook og á
netinu. Þá bendir maður foreldr-
um á það að það þurfi að huga að
því,“ segir Jóhann. „En þarna eru
oft mjög grófar hótanir, útúrsnún-
ingar, sögusagnir og leiðindi sem
er erfitt að eiga við. En það er auð-
vitað ekkert bundið við hverfi.“
Heimir segir glæpavæðingu
Breiðholtsins mestmegnis hafa átt
sér stað í fjölmiðlum undanfarna
áratugi og það fari fyrir brjóstið á
íbúunum að það sé eitthvað öðru-
vísi en aðrir staðir. Íbúarnir hafi
fyrst og fremst áhyggjur af ímynd-
inni og fordómum í garð hverfisins.
Stöðin í Breiðholti lögð niður
Blaðakona og ljósmyndari slógust í
för með lögreglumönnunum niður
í Mjódd þar sem þeir heilsuðu upp
á sína gömlu nágranna á Þjónustu-
miðstöðinni. Það var greinilegt að
samstarfið hefur verið gott þar á
milli, þar sem þeim var tekið fagn-
andi af öllum starfsmönnum.
Árið 2009 var stöðin í Breiðholti
lögð niður og hún sameinuð deild
lögreglunnar í Kópavogi. Öll starf-
semin færðist á Dalveginn og hafa
íbúar kvartað yfir því að lögregl-
an sé síður sýnileg í hverfinu eftir
sameininguna.
„Við erum ekki langt frá hverf-
inu og sinnum því auðvitað, þótt
starfið hafi vissulega breyst eftir
hrunið,“ segir Heimir. Einn lög-
reglubíll er á vaktinni í Breiðholti
allan sólahringinn og sinnir eftir-
liti og almennri gæslu, en Heimir
bendir á að alhliða breyting hafi
orðið á starfsemi lögreglunnar og
því sem er krafist af henni á síð-
ustu árum.
Gengjastríðunum í Breiðholti er lokið
Gengjamyndun í Breiðholti heyrir sögunni til og hefur lögreglan ekki haft afskipti af slíku síðan árið 2005. Afbrotatíðni í þessu næst-
fjölmennasta hverfi Reykjavíkurborgar heldur áfram að lækka á milli ára. Lögreglan hefur unnið hörðum höndum við að útrýma hópamyndun.
GRIPNAR
GLÓÐVOLGAR
Þessar ungu stúlkur keyrðu
í rælni nálægt lögreglu-
bílnum í Fellunum og
voru að sjálfsögðu teknar
tali fyrir að vera þrjár á
einu hjóli og hjálmlausar í
þokkabót. Þær lofuðu bót
og betrun. FRÉTTABLAÐIÐ/GVA
Sunna
Valgerðardóttir
sunna@frettabladid.is
Það var stríðsástand
hér í nokkra daga. Það
keyrðu engir bílar, allt
var þakið grjóti og
„Molotov-kokkteilum var
kastað á milli.
Ingvar Sverrisson, Breiðhyltingur
Á MORGUN INNFLYTJENDUR Í BREIÐHOLTI
Afbrotum í Breiðholti hefur fækkað
á hverju ári frá 2007, samkvæmt
niðurstöðum könnunar lög-
reglunnar sem birt var í fyrra. Þar
kom einnig fram að hlutfall íbúa
Breiðholts sem telja sig örugga einir
á gangi þegar myrkur er skollið á
hækkar og var það hátt fyrir.
Pabbinn kastaði síðasta Molotov-kokkteilnum sem tákni um frið