Fréttablaðið - 06.06.2013, Blaðsíða 20
6. júní 2013 FIMMTUDAGUR| FRÉTTIR | 20
HERMANN GUNNARSSON 9. desember 1946 – 4. júní 2013
Hemmi Gunn, Hermann Gunnarsson, varð bráðkvaddur í Taílandi á þriðjudags-morgun, 66 ára að aldri. Hemmi var einn af þeim sem allir þekktu, sumir mikið, aðrir lítið, en allir höfðu skoðun á Hemma og öllum líkaði vel við hann. Hemmi
varð fyrst þekktur sem frábær knattspyrnumaður, spilaði með Val og landsliðinu í fótbolta.
Hann gerði síðan garðinn frægan sem íþróttafréttamaður í útvarpi og síðar skemmtiþátta-
stjórnandi í sjónvarpi. Það má segja að þáttur hans, Á tali hjá Hemma Gunn, hafi ekki farið
framhjá nokkrum manni á sínum tíma. Hemmi var á þeim árum sjónvarpsstjarna Íslands,
með stóru S-i, kannski eina alvöru stjarnan sem við höfum átt. Síðustu árin starfaði Hemmi
á Bylgjunni og 365. Hemmi var mikill gleðigjafi. Hann hafði einstakt lag á að tala við fólk, fá
fólk með sér, alltaf með bros á vör. Hemmi gerði lífið skemmtilegra. olof@frettabladid.is
Hemmi í hálfa öld
19. JANÚAR 1978 Hemmi Gunn vann sem íþrótta-
fréttamaður útvarpsins á þessum tíma. Hann starf-
aði hjá RÚV um árabil en ekki alltaf sem íþrótta-
fréttamaður. Þekktastur er hann fyrir þætti sína Á
tali með Hemma Gunn. FRÉTTABLAÐIÐ/JEG
HERMANN GUNNARSSON HEILSAR UPP Á VINI SÍNA Ómar Ragnarsson og Jónas Kristjánsson þegar
þeir fögnuðu 50 ára starfsferli við fjölmiðla. Úr urðu miklir fagnaðarfundir. FRÉTTABLAÐIÐ/GVA
1. DESEMBER 1988 Þórhallur Sigurðsson, Laddi, sem Elsa Lund og Hemmi Gunn
bregða á leik. FRÉTTABLAÐIÐ/GVA
MARS 1969 Hemmi átti að baki glæstan feril sem knattspyrnumaður og spilaði meðal annars nokkra
landsleiki fyrir Íslands hönd og fyrir Val á blómaskeiði félagsins.
FEBRÚAR 1990 Spaugstofan tók upp þáttinn „90 af Stöðinni“. Frá vinstri: Sigurður Sigurjónsson í hlut-
verki Ragnars Reykáss, Randver Þorláksson, Pálmi Gestsson, Hermann Gunnarsson, Karl Ágúst Úlfsson og
Örn Árnason. FRÉTTABLAÐIÐ/GVA
SANNKALLAÐUR GLEÐIGJAFI Nýleg mynd af
Hemma Gunn úr stúdíói Bylgjunnar á góðri stundu.
FRÉTTABLAÐIÐ/DANÍEL
JÚLÍ 1993 Frá vinstri: Jón Gústafsson, Lísa Pálsdóttir, Fjalar Sigurðsson, Sigvaldi Kaldalóns og Hermann Gunnarsson. Þau standa
fyrir framan útvarpshúsið við Efstaleiti. FRÉTTABLAÐIÐ/GVA