Fréttablaðið - 28.09.2013, Blaðsíða 82

KYNNING − AUGLÝSINGFerðir LAUGARDAGUR 28. SEPTEMBER 20138
SKÁLAÐ Á BJÓRHÁTÍÐ
Nú stendur yfir bjórhátíð vítt og
breitt um Þýskaland. Í München
er búist við að sjö milljónir manna
taki þátt í hátíðarhöldunum. Í
fyrra drukku gestir 7,9 milljónir
lítra af bjór og borðuðu 520
þúsund kjúklinga, 124 þúsund
pylsur, 118 naut og 92 kálfa.
Um tólf þúsund manns starfa
við Oktoberfest. Einn lítri af bjór
kostar 10 evrur eða um 1.600
krónur.
Þeir sem vilja taka þátt í bjór-
hátíðinni þurfa að panta hótel
með góðum fyrirvara þar sem öll
gistipláss í borginni eru uppseld
þessa dagana. Hótelverð hækkar
á meðan á bjórhátíðinni stendur.
Í sumum tjöldum þar sem há-
tíðin fer fram hefur fólk pantað
borð með löngum fyrirvara og
það getur því verið erfitt fyrir
þá sem mæta á staðinn að fá
sæti. Í nóvember er opnað fyrir
borðpöntun næsta árs en fólk
fær að vita í apríl hvort það hafi
verið heppið. Best er að koma
að degi til fyrir þá sem ekki hafa
pantað borð með fyrirvara. Flestir
mæta á laugardeginum og þá er
oft gríðarlegur fjöldi og erfitt að
komast um.
Því fleiri sem ferðast saman þeim
mun betra er að panta borð áður.
Að koma á bjórhátíð í Þýskalandi
er fyrir fullorðna eins og Disney-
land fyrir börnin, segja þeir sem
til þekkja.
Á SLÓÐUM JANE AUSTEN
Á þessu ári eru 200 ár liðin frá
því bókin Pride and Prejudice
(Hroki og hleypidómar) eftir Jane
Austen kom út en hún er í miklu
uppáhaldi hjá mörgum. Í tilefni
afmælisins hafa ferðamenn flykkst
til Bath í Englandi þar sem hægt
að feta í fótspor skáldkonunnar,
fara í göngutúra, heitt bað í bað-
húsum borgarinnar, fá sér eftir-
miðdagste í anda Darcy eða njóta
menningarinnar í borginni.
Jane Austen bjó í Bath um tíma
en hún var ekkert sérlega hrifin af
borginni, taldi hana snobbaða.
HEIMILISLAUSIR LEIÐSÖGUMENN
Barcelona hefur bryddað upp á þeirri nýbreytni að fá heimilislaust fólk
til að leiða ferðamenn um borgina sögufrægu. Þetta er hluti af verk-
efni sem miðar að því að auka lífsgæði atvinnulausra og heimilislausra
borgara, auk þess sem yfirvöld telja að ferðamenn geti fengið glænýja sýn
á borgina með þessum hætti. Í Barcelona eru um þrjú þúsund heimilis-
lausir en stefnan er að leiðsögumenn úr þeirra röðum muni leiða túrista
um leynda hluta borgarinnar sem vanalega eru ekki sýndir ferðamönnum.
Þetta á að opna augu fólks fyrir sögu borgarinnar, sem er bæði fögur en
einnig grimm.
Hugmyndin er byggð á svipuðu verkefni fyrir heimilislausa sem var sett af
stað í Bretlandi. Ferðirnar hefjast í október og verða í boði bæði á spænsku
og ensku.
Boðið verður upp á þá nýbreytni í Barcelona að heimilislausir leiða ferðamenn um
skuggastræti borgarinnar.
NJÓTTU ÞESS AÐ FERÐAST Á EINFALDAN HÁTT.
ÞÚ KEMST ÞANGAÐ
MEÐ OKKUR!
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll.
Kauptu miða núna á www.flugrutan.is
Alltaf laus sæti.
BSÍ - Umferðarmiðstöðin
101 Reykjavík
580 5400
Skannaðu strikamerkið
með snjallsímanum og
kynntu þér áætlunina.
REYKJAVÍK KEFLAVÍKURFLUGVÖLLUR
Frí þráðlaus
internettenging
í öllum bílum