Fréttablaðið - 15.10.2013, Síða 10

15. október 2013 ÞRIÐJUDAGUR| FRÉTTIR | 10
HEILBRIGÐISMÁL „Sjúkdómarnir
og hræðilega afleiðingar þeirra
gleymast náttúrulega þegar búið
er að bólusetja almennilega á land-
inu,“ segir Margrét Guðnadóttir,
veirufræðingur og fyrrverandi
prófessor í sýklafræði, sem hefur
unnið alla sína starfstíð við bólu-
setningar og val á bóluefnum í sam-
starfi við Landlæknisembættið.
„Hér áður fyrr þekkti fólk til
þessara alvarlegu sjúkdóma og var
þakklátt fyrir bólusetningu enda
man ég ekki eftir því að einhverjir
hafi hafnað henni.“
Margrét hefur miklar áhyggjur
af þeirri þróun að fleiri foreldrar
virðast hafna bólusetningu sam-
kvæmt nýrri skýrslu sóttvarna-
læknis og segir það stórmál.
„Við Íslendingar eigum gott með
að verja okkur. Þeir sem mæta
ekki með börnin í bólusetningu
bera ábyrgð á því ef hér breiðast
út sjúkdómar.“
Margrét segir mögulega ástæðu
þess að foreldrar hafni bólusetn-
ingum að þeir skilji ekki um hve
alvarlega sjúkdóma er að ræða
enda hefur þeim verið haldið niðri
árum saman með bólusetningum.
En á meðan sjúkdómarnir eru enn
til í heiminum geti þeir borist til
landsins.
Margrét segir vandamálið vera
skort á fræðslu. „Fólk vill gera það
besta fyrir börnin sín og því tel ég
að ónæg fræðsla sé vandamálið.“
Samkvæmt nýrri skýrslu sótt-
varnalæknis er minnst þátttaka í
tólf mánaða og fjögurra ára bólu-
setningum árið 2012. Að mestu
leyti er verið að bólusetja gegn
sömu sjúkdómum í þessum tveimur
bólusetningum.
Í meðfylgjandi töflu er tilgreint
hvaða sjúkdómar þetta eru og
hvaða afleiðingar þeir geta haft í
för með sér.
erlabjorg@365.is
Þeir sem ekki bólusetja bera
ábyrgð á útbreiðslu sjúkdóma
Veirufræðingur segir foreldra skorta fræðslu um skaðsemi sjúkdóma sem bólusett er gegn og því hafni þeir
bólusetningum. Á meðan sjúkdómarnir eru enn til í heiminum geta þeir borist til Íslands. Flestir sjúkdómanna
eru lífshættulegir og bráðsmitandi. Ný skýrsla frá sóttvarnalækni sýnir hátt hlutfall vanbólusettra barna.
FJARSKIPTI Byggðaráð Bláskóga-
byggðar segir að enginn af þétt-
býlisstöðunum þremur í sveitar-
félaginu séu tilgreindir í fréttum
frá Símanum um þá þéttbýlisstaði
landsins sem fyrirtækið ætlar að
ljósnetvæða á þessu ári. Byggða-
ráð beinir þeim tilmælum til Sím-
ans að Laugarvatn, Reykholt og
Laugarás verði ljósnetvædd eins
fljótt og auðið sé.
„Fullur skilningur er á því að
slík vinna tekur alltaf einhvern
tíma en ekki er samt hægt að una
lengi við slíka mismunun á þjón-
ustu við almenning í landinu að
sumir fái ljósnetsþjónustu en aðrir
ekki þegar um svipaðar aðstæður
er að ræða,“ segir byggðaráðið. - gar
Byggðaráð skorar á Símann:
Vilja ljósnet í
Bláskógabyggð
OKTÓBER-
SPRENGJA
af öllum vörum
30-50 %
EFNAHAGSMÁL Már Guðmundsson
seðlabankastjóri sat um helgina
ársfund og fund fjárhagsnefndar
Alþjóðagjald-
eyrissjóðsins.
„Auk þess átti
seðlabankastjóri
fundi með öðrum
seðlabönkum,
alþjóðlegum
fjármálastofn-
unum, mats-
fyrirtækjum
og stjórnendum
og starfsfólki AGS,“ segir í til-
kynningu Seðlabankans. „Þá sótti
seðlabankastjóri fund stýrinefnd-
ar sem hann á sæti í um alþjóðleg-
ar reglur um fjármagnshreyfingar
og skipulagt skuldauppgjör.“ - óká
Fundað í Bandaríkjunum:
Var á ársfundi
AGS um helgina
12%
STÍFKRAMPI:
Alvarleg sýking sem orsakast af
bakteríu. Samkvæmt nýjustu
tölum Unicef dóu 58 þúsund unga-
börn úr stífk rampa árið 2010.
Dánartíðni:
6,7 af hverjum 200
KÍGHÓSTI:
Alvarleg öndunarfærasýking hjá
börnum og hefur útbreiðsla farið
vaxandi síðustu tuttugu árin. 20-
40 milljónir tilfella koma upp
árlega í heiminum.
Dánartíðni:
1 af hverjum 200
BARNAVEIKI:
Mjög alvarlegur sjúkdómur en
bólusetningar hafa náð að halda
honum niðri á Íslandi síðustu
sextíu ár.
Dánartíðni:
10 af hverjum 200
MÆNUSÓTT:
Mænusótt eða lömunarveiki er
smitsjúkdómur af völdum veiru
sem lagst getur á taugakerfi
líkamans. 233 lömuðust af völdum
mænusóttar í fyrra.
Dánartíðni:
10 af hverjum 200
HAEMOPHILUS INFLUENZAE:
Algengasta orsök heilahimnubólgu.
Áður en byrjað var að bólusetja
gegn Hib greindust um tíu íslensk
börn á ári með heilahimnubólgu.

Dánartíðni:
2 af hverjum 200
LÍFSHÆTTULEGIR SJÚKDÓMAR
Ný skýrsla sóttvarnalæknis greinir frá því að tólf prósent tólf mánaða gamalla
íslenskra barna séu ekki bólusett fyrir eft irfarandi sjúkdómum:
HEIMILD: Vefur Landlæknisembættisins og Unicef.
MARGRÉT GUÐNADÓTTIR Veirufræðingur segir foreldra þurfa aukna fræðslu um
skaðsemi sjúkdóma sem bólusett er gegn. FRÉTTABLAÐIÐ/VILHELM GUNNARSSON
Hér áður fyrr
þekkti fólk til þessara
alvarlegu sjúkdóma og
var þakklátt fyrir
bólusetningu
MÁR
GUÐMUNDSSON