Fréttablaðið - 19.11.2013, Blaðsíða 21

● Fallegur
● Vélbúnaður
● Fjöðrun
● Aðgengi um afturdyr
● Erfitt að ná uppgefinni
eyðslu
KEMUR Á ÓVART
● Þýð og vel stillt fjöðrun
● Nákvæmt stýri og góð beinskipting
● Mikill staðalbúnaður
metra. Lengst hefur á milli öxla
um 6 sentimetra og hefur það
aukið á aksturshæfni bílsins.
Þrátt fyrir að bíllinn hafi styst
hefur aftursætisrými aukist og
er með því allra mesta í bílum í
þessum flokki. Því fer vel um þá
sem ekki ná ekki mikið lengra
upp í skýin en 180 sentimetra,
en þó verður að segja að einn af
stærstu ókostum bílsins sé sá
að erfitt er fyrir alla fullorðna
að koma sér inn um aftursætis-
dyrnar og í sætin. Þar klikk-
aði Mazda aðeins en þetta er þó
einn af fáum ókostum þessa bíls.
Mazda3 er skemmtilega grimm-
ur í útliti og framendanum
svipar mjög til ennþá grimm-
ari framenda hins gullfallega
Mazda6-bíls. Heildarhönnunin
er afar vel heppnuð og þarna fer
því einn fallegasti, ef ekki fríð-
asti bíllinn í þessum flokki. Bíll-
inn er þrátt fyrir sínar sterku
línur mjög straumlínulagaður og
með lágan loftmótsstuðul.
Góðar vélar
Þegar kemur að hjarta bílsins,
vélinni, kemur fátt annað upp í
hugann en hrós. Hún er ekkert
sérdeilis snörp en dugar bíln-
um og vel það. Beinskipting-
in sem er tengd við hana er með
allra bestu beinskiptingum sem
greinarritari hefur prófað. Það
á reyndar við allar beinskipt-
ingar Mazda. Það er þægilega
stutt á milli gíra og gírstöngin
beinlínis leikur í höndum öku-
manns og honum finnst hann
vera um borð í góðum sport-
bíl. Það er varla of mikið upp í
sig tekið, því bíllinn í heild er
dálítið eins og sportbíll, með
frábæra fjöðrun, sem er svo góð
að leitun er að öðru eins. Bíll-
inn fer fyrir vikið svo vel með
ökumann að unaður er að keyra
hann. Ekki þurfti að aka þess-
um bíl nema einn kílómetra eða
svo til að stórt bros færðist yfir
andlitið og ánægjan jókst bara
upp frá því. Stýringin er ná-
kvæm og tilfinning fyrir vegi
góð. Vélin í reynsluakstursbíln-
um var 2,0 lítra bensínvél, en
hann fæst einnig með 2,2 lítra
mjög öflugri dísilvél. Uppgef-
in eyðsla 2,0 lítra bensínvélar-
innar er 5,1 lítri í blönduðum
akstri. Eins og með marga aðra
bíla sem greinarritari hefur
reynt er svo til ógerningur að
ná þessari tölu og það verður
að segjast að langur vegur var
frá því að sú tala næðist. Hafa
verður þó í huga að þegar bíll
er prófaður er sparakstur ekki
efst í huga. Það er þó til efs að
þessi tala myndi nást við hóf-
legan akstur.
Mazda minnkar ekki sprengirýmið
Tilhneiging flestra bílaframleið-
enda er sú að minnka sprengi-
rými bíla sinna þessa dagana,
en Mazda fetar ekki þá braut.
Það kemur mikið á óvart að ekki
stærri bíll en þetta skuli vera
með vél með sprengirými upp á
2,2 lítra, en Mazda vildi greini-
lega ekki bjóða kaupendum
sínum upp á vélarvana bíl, heldur
skemmtilegan og öflugan bíl sem
valkost í þessum flokki og er það
vel. Flestir bílar í þessum flokki
eru með 1,6 lítra sprengirými.
Með SkyActive-vélartækninni
kemur stærð vélanna ekki niður
á eyðslunni, þvert á móti. Bensín-
vélin er 120 hestöfl, sem hljómar
kannski ekki svo mikið en bíllinn
er engu að síður mjög aflmikill
og millihröðunin er frábær með
þessari vél. Dísilvélin er hins
vegar 150 hestöfl og með henni
hlýtur þessi bíll að vera alger
spyrnukerra, en það er seinni
tíma mál að prófa hann með
henni. Einn vélarkosturinn enn
er 1,5 lítra og 100 hestafla bens-
ínvél og má sérpanta bílinn þann-
ig og spara sér 300.000 krónur.
Á fínu verði
Mazda3 má bæði fá í 4 og 5 dyra
útfærslum. Þeir eru á sama
verði. Með 2,0 lítra bensínvél-
inni kostar hann 3.490.000,
en með 2,2 lítra dísilvélinni
4.090.000 krónur. Með 1,5
lítra bensínvélinni er hann á
3.190.000 krónur. Þetta verð
bílsins er mjög samkeppnis-
hæft. Ford Focus kostar í sinni
ódýrustu gerð sama og 2,0 lítra
bensínbíllinn, eða 3.490.000
krónur. Volkswagen Golf kost-
ar í ódýrustu útfærslu með 122
hestafla bensínvél 3.540.000
krónur. Innréttingin í Mazda3
er lagleg en slær þó ekkert út
innréttingar í samkeppnisbíl-
unum, sérstaklega ekki Volks-
wagen Golf. Staðalbúnaður er
einnig svipaður. Eftir akst-
ur þessa bíls er hreinlega erf-
itt að gera upp á milli þriggja
bestu bílanna í þessum flokki,
Mazda3, Volkswagen Golf og
Ford Focus, allir góðir aksturs-
bílar með svipaðan búnað og á
ámóta verði.
Innrétting bílsins er lagleg en slær
ekki endilega út samkeppnina.
Staðalbúnaður bílsins er mikill.
Beinskiptingin er frábær.
BÍLAR
FRÉTTABLAÐIÐ
319. nóvember 2013 ÞRIÐJUDAGUR
ÖRY
GGI
ALLA
N
HRIN
GINN
„Grænu skrefin
mín í borginni eru
harðskeljadekk“
Toyo harðskeljadekk tryggja
minni mengun og meira öryggi
Upplýsingar í síma 590 2045
eða á www.benni.is
Söluaðilar
um land allt
María Lovísa Árnadóttir - Markþjálfi og hönnuður