Fréttablaðið - 19.11.2013, Blaðsíða 34

19. nóvember 2013 ÞRIÐJUDAGUR| SPORT | 26SPORT
FÓTBOLTI „Ég er gífurlega stoltur
af því að vera fyrirliði þessa liðs,“
segir Aron Einar Gunnarsson.
Miðjumaðurinn segir hlutverk
sitt sérstaklega skemmtilegt þessa
dagana þegar svona vel gangi.
„Okkur hefur tekist að breyta
hugarfari Íslendinga gagnvart
landsliðinu. Við spilum skemmti-
legan fótbolta og það sást í stúk-
unni á Laugardalsvelli á föstudag-
inn.“
Leikmenn íslenska liðsins börð-
ust sem sært ljón í umræddum
leik. Niðurstaðan varð markalaust
jafntefli sem voru fyrsta flokks
úrslit í ljósi þess að Íslendingar
spiluðu manni færri í síðari hálf-
leik.
„Auðvitað erum við minni spá-
menn í þessum leikjum en við
erum þó ekki svo fjarri Króöt-
unum,“ segir landsliðsþjálfarinn
Lars Lagerbäck. „Ég hlakka til
leiksins og tel okkur eiga góðan
möguleika.“
Landsliðsþjálfarinn 65 ára
hefur ítrekað lýst yfir ánægju
sinni með leikmenn íslenska
landsliðsins. Þeir hvorki kvarti né
kveini heldur taki mikla ábyrgð,
séu ófeimnir og flottir fulltrúar
þjóðar sinnar. Fyrirliðinn Aron
Einar er ekki síður stoltur af
strákunum sem hann mun leiða
út á Maksimir-leikvanginn í Zag-
reb í kvöld.
„Ég er rosalega stoltur af strák-
unum, hvernig þetta hefur geng-
ið og hvernig þeir hafa meðhöndl-
að stöðuna,“ segir Aron Einar
hvergi banginn fyrir leikinn stóra
í kvöld. Menn séu hættir að láta
sig dreyma því nú sé þetta í þeirra
höndum. Ferð til Brasilíu í sumar
sé góður möguleiki.
„Við verðum bara að hafa trú
á því. Það er það eina sem skipt-
ir máli. Hafi leikmenn ekki trú á
verkefninu er voðinn vís. Leikur-
inn verður erfiður og strákarnir
vita það vel.“
Lagerbäck var brosmildur í
spjalli við blaðamann í gær og
óskandi að hið sama verði uppi á
teningnum að leik loknum í kvöld.
„Maður veit aldrei hvað gerist í
fótbolta. Ég vona það að sjálfsögðu
en það kemur í ljós að leik loknum.
Yfirspili Króatar okkur og sigri þá
brosi ég varla,“ segir Lagerbäck.
Þá þurfi Ísland að sætta sig við að
vera lakara lið en Króatía.
„Ég vona hins vegar að við verð-
um báðir brosandi annað kvöld.“
Við eigum góðan möguleika
Karlalandsliðið í knattspyrnu er níutíu mínútum frá einu mesta afreki í sögu vinsælustu íþróttar í heimi.
Augu heimsins eru á strákunum sem halda sig á jörðinni en vita um leið að möguleikinn er fyrir hendi.
Kolbeinn
Tumi Daðason
kolbenntumi@frettabladid.is
Vilhelm
Gunnarsson
villi@365.is
Frá Zagreb
FÓTBOLTI Króatískir blaðamenn
sýndu fregnum Vísis af drykkju
leikmanna króatíska landsliðsins,
eftir fyrri leikinn í Reykjavík
á föstudaginn, mikinn áhuga.
Fréttirnar komu þeim flestum í
opna skjöldu á blaðamannafundi
með þjálfaranum Niko Kovac
síðdegis í gær.
Kovac þverneitaði að átta af
leikmönnum liðsins hefðu verið
lengi á fótum og setið að sumbli.
Hann sagði undirritaðan ekki vera
þann herramann úr norðri sem
hann hefði talið hann vera fyrst
hann héldi slíku fram.
Króatíski íþróttafréttamaðurinn
Ivica Medo hjá vefmiðlinum gol.
hr var einn þeirra sem sýndu
fregnunum töluverðan áhuga.
Hann sagðist á báðum áttum hvort
hann tryði fréttunum frá Íslandi
eða orðum þjálfarans. Í hans
augum væri líka erfitt að meta
hvort leikmennirnir hefðu farið
yfir strikið.
„Í Króatíu er ekki óvanalegt að
fá sér smábjór eftir leiki. Hver
veit? Kannski sátu þeir saman
eftir leikinn, slökuðu á og drukku
bjór,“ segir Medo. Hann bendir á
að þótt á áttunda tug bjóra hafi
verið færðir landsliðsmönnunum
upp á herbergi fari eftir stærð
bjóranna í hvernig ástandi þeir
hafi verið.
„Þetta gæti verið vandamál hafi
þeir drukkið mikið,“ segir Medo.
Aðspurður um hvaða þýðingu
fréttirnar hafi fyrir orðspor
landsliðsins í heimalandinu sagði
Medo:
„Þetta er ekki skandall en ansi
nálægt því samt sem áður.“ - ktd
Fer eft ir stærð bjóranna
Króatískir blaðamenn sýndu frétt Vísis mikinn áhuga
FÚLL Á MÓTI Niko Kovac á blaðamannafundinum í gær. FRÉTTABLAÐIÐ/VILHELM
VEL TEKIÐ Á ÞVÍ Á ÆFINGU Eiður Smári vinnur skallaeinvígi á
æfingu íslenska landsliðsins í Zagreb í gær. FRÉTTABLAÐIÐ/VILHELM
FÓTBOLTI „Eru þeir ekki á heimavelli og við erum minni spámenn? Pressan er
því meiri á þeim og minni á okkur. Það hentar okkur ágætlega,“ segir Jóhann
Berg Guðmundsson. Kantmaðurinn, sem skoraði þrennuna eftirminnilegu í
4-4 endurkomuleiknum í Bern í september, segist vel geta skorað fleiri mörk í
undankeppninni. Kvótinn sé ekki búinn.
„Algjörlega. Ég vona bara að ég geti hjálpað liðinu sem mest hvort sem það
verður að leggja upp mark eða skora mark. Svo framarlega sem við komumst á
þetta mót er ég sáttur.“
Jóhann segir sjálfstraustið í hópnum mikið. Liðið hafi ekki tapað í síðustu
sex leikjum sínum.
„Það kemur sjálfstraust þegar þú vinnur leiki eða nærð jafntefli gegn
sterkum þjóðum,“ segir Jóhann Berg sem saknar félaga síns, Kolbeins Sigþórs-
sonar. Kolbeinn meiddist í fyrri leiknum í Laugardal og þarf því að fylgjast
með leiknum á sjónvarpsskjánum líkt og flestir landsmenn.
„Það er ömurlegt að hann missi af svo stórum leik. Við þurfum að berjast
fyrir Kolbein og komast áfram fyrir hann svo hann geti spilað á stóra mótinu.“
Vilja komast á HM fyrir Kolbein
HITNAR HANN Í KVÖLD? Jóhann Berg
Guðmundsson var frábær í leiknum í
Sviss í september. FRÉTTABLAÐIÐ/DANÍEL
Íslenska karlalandsliðið í fótbolta hefur ekki tapað keppnis-
leik á útivelli í meira en eitt ár eða síðan liðið tapaði 0-1
á móti Kýpur í september í fyrra. Síðan þá hafa íslensku
strákarnir leikið fjóra útileiki í röð í undankeppni HM án
þess að tapa (2 sigrar og 2 jafntefli). Íslenska liðið hefur
einnig skorað í öllum þessum leikjum, samtals níu mörk.
Gylfi Þór Sigurðsson (til hægri) hefur komið að
sex þessara marka (þrjú mörk og þrjár stoðsend-
ingar) og Jóhann Berg Guðmundsson skoraði
þrennu í 4-4 jafnteflinu í Sviss. Íslenska liðið
hefur lent í mótlæti í leikjunum, var til dæmis
undir í samtals 84 mínútur í leikjunum í
Slóveníu og Sviss en tókst samt að fá eitt-
hvað út úr leikjunum – 2-1 sigur í Slóveníu
og 4-4 jafntefli í Sviss.
Hafa ekki tapað á útivelli í eitt ár
KÖRFUBOLTI KR-ingar eru einir
á toppnum eftir 81-70 sigur á
Keflavík í uppgjöri ósigruðu
liðanna í Dominos-deild karla í
körfubolta í TM-höllinni í gær.
Keflavík náði mest níu stiga
forskoti í fyrri hálfleiknum
og var 39-36 yfir við lok hans.
KR-ingar smjöttuðu hins vegar á
svæðisvörn Keflvíkinga í seinni
hálfleik sem liðið vann 45-31
og endaði þar með tíu leikja
sigurgöngu Keflavíkur í deild,
bikar og Fyrirtækjabikar.
Darri Hilmarsson (19 stig) og
Martin Hermannsson (16 stig
og 5 stoðsendingar) skoruðu
25 af 35 stigum sínum í seinni
hálfleiknum en alls skoruðu sex
KR-ingar tíu stig eða meira í
leiknum. „Við ætlum að vera 11-0
um jólin,“ sagði Darri á Stöð 2
Sport eftir leik.
Michael Craion (22 stig og 14
fráköst) og Guðmundur Jónsson
(22 stig) voru í sérflokki hjá
Keflavíkurliðinu. - óój
KR í toppgírinn
eft ir hálfl eik
Í STUÐI Í SEINNI Darri Hilmarsson lék
vel fyrir KR í gær. FRÉTTABLAÐIÐ/STEFÁN
Skeifunni 11 | Sími 515 1100 www.rekstrarland.is
Hafið samband við sölumenn Rekstrarlands og leitið tilboða.
Rekstrarland er byggt á fyrrum rekstrarvörudeild Olís
og er dótturfyrirtæki Olíuverzlunar Íslands hf.
Öflug fjáröflun
fyrir hópinn
Samsettir fjáröflunarpakkar eða sérsniðnir eftir óskum hópsins