Fréttablaðið - 13.12.2013, Page 80

13. desember 2013 FÖSTUDAGUR| SPORT | 56
FÓTBOLTI Dominique Taboga
er 31 árs gamall Vínarbúi sem
hefur spilað í heimalandinu
allan sinn feril. Honum er gefið
að sök að hafa reynt að hag-
ræða úrslitum leikja með SV
Grödig í austurrísku úrvals-
deildinni.
Málið komst fyrst upp í síð-
asta mánuði þegar hann kom að
máli við forráðamenn Grödig
og sagði að hann hefði verið
kúgaður af glæpamönnum til að
hafa áhrif á úrslit leikja liðsins.
Í fyrstu var honum trúað en
fljótlega kom í ljós að það voru
lygar. Sagan stóðst ekki og í
ljós kom að hann hefði reynt að
fá nokkra liðsfélaga sína til að
taka þátt í braskinu með sér.
Félagið rak hann og stuttu síðar
var hann handtekinn.
Fjöldi annarra hefur flækst í málið, til að mynda Sanel Kuljic.
Sá á leiki að baki með austurríska landsliðinu og var liðsfélagi
Taboga þegar þeir léku saman með Kapfenberg í fyrra en Kuljic
lagði skóna á hilluna í fyrra.
Veðmálabrask og spilling virðist stærra vandamál í Austur-
ríki en mörgum löndum í Evrópu en nú stendur yfir ítarleg lög-
reglurannsókn þar í landi. Húsleit hefur verið gerð hjá 30 leik-
mönnum og eru 20 þeirra grunaðir um veðmálabrask. Alls eru
sautján leikir til rannsóknar, þar af níu í austurrísku úrvals-
deildinni.
tíu ár, Enda er málið litið alvarleg-
um augum.
Sem fyrr segir hefur málið ekki
haft áhrif á gengi liðsins. Það vann
3-0 sigur á Ried um helgina en þar
með skaust liðið upp í annað sæti úr
því fjórða. Hannes fékk tækifæri í
byrjunarliðinu í annað sinn á tíma-
bilinu og nýtti það vel.
„Okkar fremsti sóknarmaður
hefur verið að spila mjög vel og er
markahæstur í deildinni með fimm-
tán mörk. Maður gat því lítið kvart-
að yfir bekkjarsetunni. En gegn
Ried spilaði ég sem fremsti maður
á miðju og gekk það mjög vel,“ segir
Hannes sem var þó tæklaður illa í
fyrri hálfleik og entist í aðeins 60
mínútur í leiknum af þeim sökum.
„Það hefur verið talsvert um
meiðsli í liðinu í haust og því vil ég
ólmur ná mér góðum fyrir næsta
leik,“ bætir Hannes við.
Sérstaklega sætur sigur
Hann segir að hneykslið sem skók
félagið hafi þjappað leikmönnum
enn betur saman, þó svo að hópur-
inn hafi verið samheldinn fyrir.
„Sigurinn á Ried var afar kær-
kominn, sérstaklega þar sem hann
var gegn öðru liði í efri hluta deild-
arinnar. Þetta var líka þriðji leikur
okkar á átta dögum og búið að ganga
á ýmsu þar fyrir utan. Það hefur
reynt mikið á alla hjá félaginu og
því var sigurinn ef til vill sérstak-
lega sætur.“ eirikur@frettabladid.is
FÓTBOLTI Á ýmsu hefur gengið hjá
Hannesi Þ. Sigurðssyni sem er nú á
sínu fyrsta tímabili með SV Grödig
í austurrísku úrvalsdeildinni. Gengi
liðsins hefur verið vonum framar en
það situr í öðru sæti deildarinnar nú
þegar mótið er hálfnað. Á dögunum
kom þó í ljós að leikmaður liðsins
hafi reynt að hagræða úrslitum
leikja í hagnaðarskyni.
„Það átti enginn von á þessu.
Þetta var mikið áfall fyrir okkur
alla,“ segir Hannes í samtali við
Fréttablaðið. „Við erum með lítinn
en samheldinn hóp leikmanna og
það var reiðarslag að fá þær fréttir
að einn okkar hafði unnið markvisst
gegn okkur,“ bætir hann við.
SV Grödig er nýliði í deildinni og
raunar að spila í efstu deild í Aust-
urríki í fyrsta sinn í 65 ára sögu
félagsins. Fyrir tíu árum var liðið í
neðstu deild austurríska boltans en
uppgangur þess síðan þá hefur verið
með ólíkindum.
„Núverandi forseti félagsins tók
við fyrir tíu árum og hefur rekið
félagið síðan þá með syni sínum með
góðum árangri. Þeir komu vitaskuld
með pening í reksturinn en það þarf
meira til, eins og rétta þjálfara og
leikmenn. Þeir hafa unnið afar hörð-
um höndum að uppbyggingu félags-
ins og starfið verið afar metnaðar-
fullt,“ segir Hannes.
Gaf andstæðingunum víti
Dominique Taboga heitir leikmað-
urinn sem var rekinn frá SV Grödig
fyrir veðmálabraskið. Hann er
varnarmaður sem reyndi að hafa
áhrif á úrslit leikja liðsins með bein-
um hætti.
„Ég hef reynt að forðast fjölmiðla-
umfjöllun um málið en það sem ég
hef séð bendir flest til þess að hann
hafi viljandi reynt að fá á sig víti hér
og þar. Hann var í góðri aðstöðu til
þess sem aftasti varnarmaður,“
segir Hannes.
„Það segir því töluvert mikið um
liðið og árangur þess að við erum
þrátt fyrir allt í öðru sæti deildar-
innar,“ bætir hann við.
Alvarlegur dómgreindarskortur
Nokkrum dögum eftir að Taboga
var rekinn fékk annar leikmaður
SV Grödig að fylgja sömu leið. Í
ljós kom að Taboga hafi reynt að fá
annan leikmann, Thomas Zündel, til
liðs við sig í braskinu. Zündel hafn-
aði boðinu en gerði þau afdrifaríku
mistök að láta ekki forráðamenn
félagsins vita af því.
„Zündel tók því engan þátt í þessu
en gerðist engu að síður sekur um
alvarlegan dómgreindarskort. Hann
verður að gjalda fyrir það og það
hefur jafnvel kostað hann ferilinn.
Þetta er góður drengur og fínn knatt-
spyrnumaður. Við söknum hans,“
segir Hannes.
Fékk nýtt hlutverk í liðinu
Taboga situr nú í gæsluvarðhaldi og
á yfir höfði sér langan fangelsisdóm
verði hann fundinn sekur – allt að
SPORT
Heimavöllur SV Grödig er óvenju-
legur, sérstaklega miðað við atvinnu-
félag í sterkri deild í Evrópu. Hann
tekur aðeins rúmlega fjögur þúsund
manns í sæti og er því sá leikvangur
í austurrísku úrvalsdeildinni sem
tekur langfæsta áhorfendur.
Áhorfendastúkan er aðeins
við aðra hlið vallarins en Unters-
berg-fjallið, sem völlurinn heitir
eftir, blasir við áhorfendum og leik-
mönnum. „Það væri algjör glæpur að
setja stúku við þá hlið vallarins– ekki
nema að hún væri gegnsæ,“ segir
Hannes Þ. Sigurðsson, leikmaður
Grödig, í léttum dúr. „Það er hreint
magnað að spila á þessum velli.“
Það er þó sjaldan uppselt á
heimaleiki félagsins, sérstaklega nú
á vetrarmánuðunum. Yfirleitt eru 1-2
þúsund manns á vellinum. „Það er
kannski ekki skrítið, miðað við sögu
félagsins. Fyrir aðeins nokkrum árum
var engin stúka á vellinum, aðeins
bekkir. Það hefur því mikið breyst
á skömmum tíma,“ bætir Hannes
við en SV Grödig er að spila í efstu
deild í Austurríki í fyrsta sinn og fyrir
einungis tíu árum lék liðið í neðstu
deild austurrísku knattspyrnunnar.
Grödig er við rætur Untersberg-
fjalls í grennd við Salzburg og er
steinsnar frá þýsku landamærunum.
Völlurinn við fjallsrætur Alpanna
Spilaði með svikara í Grödig
Hannes Þorsteinn Sigurðsson tekur nú þátt í austurrísku ævintýri með nýliðum SV Grödig í úrvalsdeildinni
þar í landi. Veðmálahneyksli skók þó félagið á dögunum og þurft u tveir leikmenn að víkja vegna þess.
Spann sér lygavef
Dominique Taboga sagðist í fyrstu vera fórnarlamb.
Í HALDI Taboga var hand tekinn í
síðasta mánuði og á yfir höfði sér langan
fangelsisdóm. MYND/EPA
Eiríkur Stefán
Ásgeirsson
eirikur@frettabladid.is
ÆVINTÝRI Í ÖLPUNUM
Hannes Þ. Sigurðsson
fagnar hér marki í leik
með Grödig í Austurríki.
MYND/GEPA-PICTURES
SUND Eygló Ósk Gústafsdóttir úr Ægi hóf keppni frábær-
lega á fyrsta degi Evrópumeistaramótsins í 25 metra
laug í Danmörku í gær. Eygló byrjaði daginn á að komast
í undanúrslit í 100 metra baksundi og bætti um betur
síðdegis er hún tryggði sér sæti í úrslitum á nýju Íslands-
meti.
Eygló Ósk synti á 59,26 sekúndum og bætti eigið Ís-
landsmet um 0,16 sekúndur. Það setti hún á Íslands-
meistaramótinu í Ásvallalaug í síðasta mánuði.
Ægiskonan endaði í fjórða sæti síns riðils og átt-
unda sæti alls í undanúrslitunum. Tíu komust
áfram í lokaúrslitin sem fara fram síðdegis á
morgun.
Eygló átti einnig áttunda besta tímann í
undanrásunum um morguninn er hún synti á
59,96 sekúndum. - esá
Íslandsmet og sæti í úrslitum hjá Eygló
HANDBOLTI Úrslitin ráðast í Flug-
félags Íslands-deildabikarkeppninni
um helgina en undanúrslitin í bæði
karla- og kvennaflokki fara fram í
dag. Úrslitaleikirnir verða svo háðir
á morgun en allir leikirnir fara fram
í íþróttahúsinu við Strandgötu í
Hafnarfirði.
Fjögur efstu liðin í Olís-deildum
karla og kvenna fyrir vetrarfrí
öðlast þátttökurétt í keppninni
sem hefur verið haldin um mitt
keppnistímabil síðan 2007. Fyrstu
tvö árin voru leikirnir spilaðir í
Laugardalshöllinni en í Strand-
götunni síðan 2009.
Karlalið FH og kvennalið Fram
eru ríkjandi deildabikarmeistarar en
Framkonur náðu ekki að vinna sér
þátttökurétt í keppninni þetta árið.
Leikið verður linnulaust frá
klukkan 16.00 og langt fram á kvöld
en Vísir verður með beinar texta- og
tölfræðilýsingar frá þeim öllum, sem
og úrslitaleikjunum á morgun.
- esá
Strandgatan vettvangur deildabikarkeppninnar enn á ný
➜ UNDANÚRSLITIN
KVENNA: STJARNAN - ÍBV KL. 16.00
KVENNA: VALUR - GRÓTTA KL. 17.45
KARLA: HAUKAR - FRAM KL. 19.30
KARLA: FH - ÍBV KL. 21.15
MEISTARAR FH vann deildabikarinn á
síðasta tímabili. FRÉTTABLAÐIÐ/STEFÁN
HANDBOLTI Handknattleikskapp-
inn Hannes Jón Jónsson var lagð-
ur inn á sjúkrahús á mánudag
vegna mikilla verkja í hægri öxl.
Þetta kom fram í kvöldfréttum
Stöðvar 2.
Hannes Jón, sem spilar með
nýliðum Eisenach í þýsku úrvals-
deildinni, gekkst undir aðgerð
á öxlinni í gær. Fram undan er
önnur aðgerð á morgun og óvíst
er um batahorfur. Er talið að fer-
ill kappans geti verið í hættu.
Hannes meiddist illa á hægri
öxl þegar hann var 17 ára og var
frá æfingum í tvö ár. Þá greindist
kappinn með þrjú illkynja æxli
í þvagblöðru í október í fyrra en
sneri aftur strax í janúar framar
björtustu vonum. Eisenach komst
upp úr þýsku B-deildinni um
vorið og Hannes Jón var kjörinn
besti leikmaður tímabilsins. - ktd
Hannes Jón
undir hnífi nn
LYKILMAÐUR Hannes Jón fór á kostum
með Eisenach er liðið vann sér sæti í
efstu deild á síðustu leiktíð. MYND/AÐSEND
FRJÁLSAR Opið hús verður í frjáls-
íþróttahúsinu í Kaplakrika í
Hafnarfirði í dag í tilefni af því
að loks er búið að steypa gólfið í
húsinu. Framkvæmdir við innan-
hússaðstöðu FH-inga hófust árið
2004 en fóru út um þúfur við
efnahagshrunið haustið 2008.
Á heimasíðu Frjálsíþróttasam-
bands Íslands kemur fram að gólf-
efni verði lagt á nýsteyptu plötuna
á næstu mánuðum. Stefnt sé á
að húsið verði nothæft til æfinga
fyrri hluta árs 2014 og verði
komið í fulla notkun um haustið.
Gunnar Svavarsson, formað-
ur byggingarnefndar, segir að
lóðamálin og utanhússfrágang-
ur verði að bíða enn um sinn.
Vel megi vera að hægt verði að
fara í það á grundvelli flýtifram-
kvæmda.
FH-ingum, Hafnfirðingum og
öðrum gestum er boðið að virða
húsið fyrir sér á morgun á milli
klukkan 16 og 18.30. - ktd
Opið hús á
nýsteyptu gólfi
FAGNAÐAREFNI Sveinbjörg Zophonías-
dóttir og félagar í FH fá langþráða
innanhússaðstöðu. FRÉTTABLAÐIÐ/DANÍEL