Fréttablaðið - 17.12.2013, Blaðsíða 13

ÞRIÐJUDAGUR 17. desember 2013 | FRÉTTIR | 13
Ekki gefa bara eitthvað,
gefðu frekar hvað sem er.
Með gjafakorti Landsbankans er ekkert mál að velja
réttu jólagjöfina. Þú ákveður upphæðina og sá sem
þiggur velur gjöfina. Þú færð gjafakortið í næsta útibúi.
J
Ó
N
S
S
O
N
&
L
E
’M
A
C
K
S

•
j
l.
is

•
S
ÍA
landsbankinn.is 410 4000Landsbankinn
SÍLE, AP Michelle Bachelet vann stórsigur í for-
setakosningum í Síle á sunnudag. Hún hlaut
62 prósent atkvæða, en kosningaþátttakan
var hins vegar ekki nema 41 prósent, eða sú
minnsta frá því að lýðræði komst á í landinu
á ný fyrir rúmum 20 árum, eftir að valdatíma
herforingjastjórnar einræðisherrans Augustos
Pinochet lauk.
Bachelet var forseti árin 2006 til 2010, en
samkvæmt lögum má forseti Síle ekki sitja í
embætti tvö kjörtímabil í röð.
Þegar hún lét af embætti árið 2010 mældust
vinsældir hennar í skoðanakönnunum 84 pró-
sent, þrátt fyrir að hún hefði ekki komið miklu
af upphaflegum kosningaloforðum sínum í
framkvæmd.
Hún er í Sósíalistaflokknum, sama flokki og
Salvador Allende stýrði þegar hann var forseti
Síle í upphafi áttunda áratugar síðustu aldar,
en Pinochet herforingi steypti Allende af stóli
í herforingjabyltingu sinni árið 1973.
Bachelet hefur meðal annars lofað að gera
miklar breytingar á stjórnarskrá og kosninga-
fyrirkomulagi landsins, sem er að mestu það
sama og Pinochet kom á. Hún hefur hins vegar
það lítinn stuðning á þingi að henni mun reyn-
ast erfitt að koma þessu kosningaloforði sínu í
framkvæmd. - gb
Michelle Bachelet aftur kosin forseti Síle, eftir að hafa setið hjá í eitt kjörtímabil:
Erfitt verður að efna kosningaloforðin
MICHELLE
BACHELET
Hefur lítinn
stuðning
á þingi til
stjórnarskrár-
breytinga.
FRÉTTABLAÐIÐ/EPA
HAPPADRÆTTI Hvorugur vinn-
ingshafanna í lottóútdrætti laug-
ardagskvöldsins hefur vitjað
vinningsins. Potturinn var tæp-
lega 140 milljónir króna og fá
vinningshafarnir því tæpar sjötíu
milljónir króna hvor í sinn hlut.
Annar miðinn var keypt-
ur á bensínstöðinni Select við
Bústaðaveg en hinn á heima-
síðu Íslenskrar getspár, Lotto.is.
Vegna rafrænu upplýsinganna er
vitað hver síðarnefndi vinnings-
hafinn er. Hann á samt enn eftir
að vitja vinningsins.
Þetta var í fyrsta sinn í sögu
Íslenskrar getspár sem vinn-
ingurinn var áttfaldur og ákváðu
fjölmargir Íslendingar að freista
gæfunnar. - fb
Tveir hlutu fimm rétta:
Lottóvinninga
ekki verið vitjað
UMHVERFISMÁL Heilbrigðinefnd
Suðurnesja afturkallaði fyrir
skömmu starfsleyfi Gámaþjón-
ustunnar til moltugerðar við
svokallaðan Patterson-flugvöll á
gamla varnarsvæðinu í Njarðvík.
Fyrirtækið kærði afturköllunina
til úrskuðarnefndar umhverfis-
og auðlindamála sem frestaði
því að afturköllunin tæki gildi 1.
janúar 2014 eins og heilbrigðis-
nefndin ákvað.
Heilbrigðiseftirlitið sagði
moltuvinnsluna langt inni á
vatnsverndarsvæði án heimildar.
Plastdræsur fykju þar um og
matarleifar í moltuhaugum drægi
að sér rottur og vargfugl. - gar
Afturkalla leyfi moltugerðar:
Laða rottur að
verndarsvæði
MOLTUGERÐ Gámaþjónustan uppfyllti
ekki starfsleyfi.
VIÐSKIPTI Faxaflóahafnir hafa
samþykkt umsókn verslunarfyr-
irtækisins Haga um lóð þar sem
fyrirtækið hyggst byggja nýtt
vöruhús undir starfsemi Ban-
ana ehf. Hagar sóttu 3. desember
síðastliðinn um lóð númer 1 við
Korngarða í Reykjavík.
Stjórn Haga samþykkti í gær
fjárfestingaráætlun að upp-
hæð allt að 1,3 milljörðum króna
til verkefnisins, að því er fram
kemur í fréttatilkynningu fyrir-
tækisins. Gert er ráð fyrir að
rekstur Banana flytji í nýtt hús-
næði á sumarmánuðum 2015. - hg
Umsókn Haga samþykkt:
Byggja vöruhús
undir Banana
FLYTJA 2015 Húsnæði Banana er að
sögn Haga orðið óhentugt fyrir núver-
andi starfsemi. FRÉTTABLAÐIÐ/PJETUR