Fréttablaðið - 02.01.2014, Qupperneq 2

2. janúar 2014 FIMMTUDAGUR| FRÉTTIR | 2
Ég veit að
konurnar sem
lögðu okkur
lið gerðu það
virkilega frá
hjartanu.
Lilja Sigurðardóttir,
forsprakki Hjartahlýju.
KRYDDSÍLD Lars Lagerbäck,
þjálfari íslenska karlalands-
liðsins í knattspyrnu, var valinn
maður ársins 2013 af frétta-
stofu Stöðvar 2.
Valið var kynnt
á gamlársdag.
Lagerbäck
stýrði íslenska
liðinu alla
leið í umspil
gegn Króa-
tíu um sæti á
HM í Brasi-
líu. Íslenskt landslið í knatt-
spyrnu hefur ekki áður verið
eins nærri að komast á HM.
Formenn stjórnmálaflokkanna
voru sáttir við val Stöðvar 2 í
Kryddsíldinni.
- sáp
Útnefning Stöðvar 2:
Lars Lagerbäck
maður ársins
LARS LAGERBÄCK
SPURNING DAGSINS
SAMFÉLAG Í október setti Prjóna-
smiðjan Tína upp atburðinn
Hjartahlýja á facebook-síðu sinni.
Tilgangurinn var að virkja fólk til
að prjóna alls kyns flíkur handa
heimilislausum konum á Konukoti.
Nýlega fór Lilja Sigurðardóttir,
sem hafði umsjón með verkefninu,
með fjóra fulla kassa af flíkum í
Konukot og var henni tekið fagn-
andi.
„Við gáfum þessu mánuð og
viðbrögðin voru mun betri en ég
þorði að vona,“ segir Lilja. „Við
fengum helling af fallegum flík-
um; húfum, vettlingum, sokkum,
peysum, vestum og fleiru. Mér
þykir ósköp vænt um þessi góðu
viðbrögð.“
Lilja segir konur alls staðar af
landinu sem fylgjast með face-
book-síðunni hafi lagt sitt af
mörkum. „Mig grunar að margar
af þeim séu duglegar prjónakonur
sem áttu ef til vill eitthvað tilbúið
í sínum fórum. En það gladdi þær
greinilega mikið að geta lagt sitt
af mörkum. Við fengum oft skrif-
aðar orðsendingar með þar sem
þakkað var fyrir að fá að taka þátt
í verkefninu. Maður fann hlýjuna
skína í gegn.“
Lilja sagðist hafa búist við einu
vettlingapari hér og sokkapari
þar en sú var ekki raunin. „Sumir
sendu marga hluti, til dæmis
sendi ein sex lopapeysur og önnur
eflaust um tuttugu húfur. Það er
ekki nóg með að flíkurnar séu
margar heldur eru þær virkilega
vandaðar og fallegar. Ég veit að
konurnar sem lögðu okkur lið
gerðu það virkilega frá hjartanu
og prjónuðu og hekluðu flíkurnar
með umhyggju og góðvild.“
Kristín Helga Guðmunds dóttir,
verkefnastjóri Konukots, segir
mikið þakklæti ríkja í Konukoti.
„Hlýhugurinn skilaði sér vel
til okkar. Það var auðvitað gott
að fá hlýjar flíkur fyrir veturinn
en sagan á bakvið flíkurnar er sú
sem hlýjar mest og fallegi hugur-
inn sem fylgir.“
erlabjorg@frettabladid.is
Hjartahlýja sem
skilaði sér í verki
Lilja Sigurðardóttir fór fyrir verkefninu Hjartahlýju sem gekk út á að prjóna hlýjar
flíkur handa konum í Konukoti. Konur alls staðar af landinu tóku þátt í verk-
efninu og farið var með fjóra fulla kassa af flíkum í Konukot í nóvember.
PRJÓNAFLÍKUR Konur alls staðar af landinu prjónuðu meðal annars vettlinga,
húfur, peysur, vesti og trefla handa konum í Konukoti.
SUNDKAPPARNIR Alexander Jóhönnuson, Sævar Fylkisson og Fylkir Sævarsson að
loknu hinu árlega sjósundi Íslendinga í Sönderborg. MYND/FYLKIR SÆVARSSON
DANMÖRK Íslendingar í Sönderborg á Suður-Jótlandi hafa þann sið um
hver áramót að stinga sér í sjóinn og synda góðan spöl. Þetta var gert í
fjórtánda sinn nú um áramótin og tóku að þessu sinni þrír kappar þátt
í sjósundinu.
Það voru þeir Alexander Jóhönnuson, Sævar Fylkisson og Fylkir
Sævarsson, sem þreyttu sundið og sóttist það vel enda aðstæður með
besta móti, að sögn kappanna.
Lofthiti var vel yfir frostmarki og sjórinn óvenjuhlýr miðað við árs-
tíma, enda búið að vera frostlaust í Danmörku það sem af er vetri.
- gb
Þrír Íslendingar tóku þátt í áramótasundi á Suður-Jótlandi:
Sjórinn óvenjuhlýr þetta árið
Davíð, eruð þið að renna á
rassinn með þetta?
Nei, við brunum áfram með þetta.
Davíð Örn Símonarson, framkvæmda-
stjóri Zalibunu, hyggur á gerð sleðarenni-
brautar niður Kambana en á í ágreiningi við
Vegagerðina um hvar gatnamót að starfsstöð
félagsins eigi að vera.
VEÐUR Búist er við stormi víða
um land í kvöld. Óvissustig vegna
snjóflóða er á norðanverðum Vest-
fjörðum. Hiti verður 0-7 stig.
Veðurstofan spáir norðaustan-
vindi í kvöld, rigningu eða slyddu
norðan og austan til, en þurrt að
kalla sunnan- og vestanlands.
Vegagerðin varaði við hálku
um allt land í gær. Flughált var á
öllum leiðum í kringum Þingvalla-
vatn.
Ófært var á Lyngdalsheiði vegna
hálku og óveðurs. Einnig var ófært
á Vopnafjarðarheiði, Fjarðar-
heiði, á Vatnsskarði eystra, og á
Mývatns- og Möðrudalsöræfum.
Vegagerðin og Náttúrustofa Aust-
urlands vöruðu vegfarendur við
umferð hreindýra á Austur- og
Suðausturlandi í gær. - ue
Hálka um allt land í gær:
Stormur í kvöld
í spákortunum
SAMFÉLAG Ellefu Íslendingar voru
sæmdir heiðursmerki hinnar íslensku
fálkaorðu við hátíðlega athöfn á Bessa-
stöðum í gær, nýársdag. Forseti Íslands,
Ólafur Ragnar Grímsson, afhenti orð-
urnar.
Ingvar E. Sigurðsson fékk riddara-
kross fyrir framlag sitt til íslenskrar
leiklistar. „Svona kemur manni alltaf
á óvart, ég hef ekki sóst eftir þessu en
svo í athöfninni sjálfri þegar mér var
veittur þessi heiður þá meðtók ég það
og er virkilega þakklátur,“ segir Ingvar.
„Við buðum nokkrum í mat og ég mun
bera orðuna. Svíarnir kalla svona orður
skreytingu, þannig að ég ætla að bera
skraut einn dag, það er mjög fínt.“
Svanfríður Jónasdóttir, bæjarstjóri
í Dalvíkurbyggð, fékk krossinn fyrir
störf í sveitarstjórnarmálum. Hún hélt
upp á daginn í faðmi barna og barna-
barna.
„Mér finnst þetta býsna merkilegt og
er mjög stolt. Fjölskyldan er líka ósköp
stolt og við ætlum að borða saman og
hafa það huggulegt. Það er svo sannar-
lega ekki ónýtt að byrja nýtt ár svona.“
- ebg
Forsetinn sæmdi ellefu Íslendinga heiðursmerki hinnar íslensku fálkaorðu á nýársdag:
Hefja nýja árið með orðu í barminum
ORÐUHAFAR
Ingvar E.
Sigurðsson
og Svanfríður
Jónasdóttir
voru meðal
þeirra sem
fengu fálka-
orðu í gær.
FRÉTTABLAÐIÐ/
DANÍEL
SAMFÉLAG „Samstaðan hefur jafnan reynst okkur vel,“
sagði Ólafur Ragnar Grímsson forseti í nýársávarpi
sínu, og rifjaði upp ýmis söguleg dæmi um árangur
sem náðst hefur vegna samstöðu þjóðarinnar.
„Þjóð sem gleymir sér í hringiðu gagnrýni og
ágreinings, glatar sínu sögulega minni um mátt
samstöðunnar, er komin á hættulegar villigötur,“ sagði
forsetinn. Sigrar hafi hins vegar náðst þegar þjóðin
stóð saman: Hann nefndi meðal annars stjórnarskrá
árið 1874, heimastjórnin 1904, fullveldið 1918 og lýð-
veldisstofnun 1944, ásamt útfærslu landhelginnar og
loks Icesave-málið þar sem „eindreginn vilji þorra
þjóðar færði okkur sigur“.
Hann gagnrýndi fjölmiðla fyrir að telja ágreining
jafnan meiri frétt en sáttargjörðir.
„Í glímunni við afleiðingar bankahrunsins varð
ágreiningurinn iðulega svo margþættur, illskeyttur
oglangvarandi að lærdómar sögunnar um samstöðuna
hurfu að mestu í skuggann,“ sagði forsetinn í ávarpi
sínu til þjóðarinnar. „Nú er hins vegar nauðsynlegt, já
reyndar brýnt, að hefja þá til vegs á ný, gera að leiðar-
ljósi við lausn sem flestra mála, leita sátta og samstöðu
í stað þess að kasta æ fleiri sprekum á ófriðarbálið.“ - gb
Ólafur Ragnar Grímsson lagði áherslu á samstöðu þjóðar í nýársávarpi:
Vill nú hefja sáttamenn til vegs
Á RÍKISRÁÐSFUNDI Ólafur Ragnar Grímsson átti að venju
fund með ráðherrum ríkisstjórnarinnar á gamlársdag.
FRÉTTABLAÐIÐ/DANÍEL