Fréttablaðið - 13.03.2014, Blaðsíða 43

KYNNING − AUGLÝSING Fermingar13. MARS 2014 FIMMTUDAGUR 11
VEISLUFÖNGIN ÁÆTLUÐ
Þeir sem sjálfir sjá um að elda
eða baka fyrir fermingarveisluna
þurfa að huga að magni, enda
verra ef allt klárast en ekki síður
að sitja uppi með veisluföng til
næstu vikna.
Nokkrar þumalfingursreglur er
hægt að nota til að áætla magn.
Matarhlaðborð
Á matarhlaðborð má gera ráð
fyrir að séu tveir kaldir forréttir,
tveir kaldir aðalréttir og tveir
heitir aðalréttir.
Þá er miðað við 250 g af hreinu
kjöti á mann, beinlausu og
óelduðu.
75 g af fiski á mann, til dæmis í
forrétt.
½ dl af sósu á hvern.
Meðlæti: um 100 g af kartöflum
á mann og 100 g af salati eða
öðru grænmeti eins og baunum,
rauðkáli og þess háttar.
Kaffiboð
Gos: ½ lítra á mann
Kaffi: 3 bollar á mann.
Gott er að miða við að vera með
þrjár tegundir af tertum, tvær
tegundir af köldu brauði og eina
gerð af heitum rétti.
Ein venjuleg stærð af hring-
laga tertu sem sögð er u.þ.b. 12
manna dugir fyrir um 20 manns.
Brauðterta sem er fjögurra laga,
jafnstór og rúllutertubrauð, dugar
fyrir 40 manns.
Af smurðu brauði má gera ráð
fyrir um þremur stykkjum á mann.
Heitir réttir í eldföstu móti,
stærð 23x33 cm, duga fyrir 15-20
manns.
FERMING Á NORÐUR
LÖNDUM
Fjölmargir Íslendingar hafa
flutt til Noregs, Svíþjóðar og
Danmerkur á síðustu árum. Núna
er 82 unglingar í fermingar-
fræðslu í þessum löndum. Sumir
þeirra fermast þar sem þeir eru
búsettir en aðrir koma heim til
Íslands til að fermast um páskana
eða í sumar.
Ágúst Einarsson er prestur
Íslendinga í Svíþjóð þar sem tólf
ungmenni eru í fermingarfræðslu
en Arna Grétarsdóttir, prestur
í Noregi, er með sextíu ferm-
ingarbörn. Fermingarfræðsla allra
þessara fermingarbarna fer fram í
fermingarbúðum í
Åh Stiftgård í
Svíþjóð. Fermt
er á tveimur
stöðum í
Noregi, í
Sandefjord
18. maí og í
Ósló 9.
júní.
LIST Í KLAUSTRINU
Þegar einhver viðburður er í fjölskyldunni, ferming, brúðkaup, skírn
eða afmæli leggja margir leið sína í Karmelklaustrið í Hafnarfirði. Þar selja
systurnar ýmsa handgerða listmuni, kerti, kort, gestabækur og fleira. Mjög
margar tegundir er þar að finna af fermingarkertum en jafnframt eru þau
gerð að beiðni hvers og eins. Venjulega er nóg að gera í listsköpun hjá
nunnunum fyrir fermingarnar. Handavinnan er hluti af starfi þeirra og lífi.
Allur ágóði rennur til góðra málefna.
Verslun þeirra hefur stækkað og þróast með árunum og fjölbreytnin
aukist. Má nefna sérmálaðar gestabækar sem er tileinkaður
fermingardeginum sem er sannarlega góð gjöf. Til dæmis er hægt að
skrifa þar allar fermingargjafir og frá hverjum þær eru. Best er að vera
tímanlega í því að ákveða útlit kertisins því tíma tekur að handmála fyrir
hvern og einn.
ÍS
LE
N
SK
A
SI
A.
IS
IC
E
6
79
14
0
2/
14