Fréttablaðið - 13.03.2014, Page 82

13. mars 2014 FIMMTUDAGUR| MENNING | 34
Sýningin „Óli G. Jóhannsson -
In Memoriam“ verður opnuð
í Tveimur hröfnum listhúsi á
Baldurs götu 12, í dag klukkan 17.
Sýningin er haldin til heiðurs
Óla G. Jóhannssyni myndlistar-
manni, en hann lést í janúar árið
2011.
„Þetta er dálítið persónuleg sýn-
ing – hann var vinur okkar hjóna,“
segir galleríistinn Ágúst Skúlason.
„Ég og konan mín, Halla Jóhanna,
kynntumst Óla þegar hann var að
sýna í Listasafni Akureyrar árið
2001, ásamt Kristjáni Davíðssyni,“
segir Ágúst, en Óli var að norðan
og bjó þar alla tíð. „Þegar sýning-
in stóð yfir kynntumst við hjón-
in bæði myndlistinni og honum
sjálfum. Það varð ekki aftur
snúið,“ segir Ágúst, og bætir við
að þau hjónin hafi safnað verk-
um eftir hann og unnið mjög náið
með honum eftir það. Óli fór ekki
hefðbundnar leiðir í myndlistinni.
„Hann þurfti að hafa fyrir lífinu
og vinna mikið. Hann var líka á
kafi í hestamennsku, en vann þess
utan að ýmsu, var til dæmis til sjós
og í blaðamennsku. En ég held að
hann hafi alltaf stefnt, beint og
óbeint, að því að eiga feril í mynd-
list,“ segir Ágúst.
Óli var einn af upphafsmönnum
að stofnun Myndlistarskólans á
Akureyri auk þess sem hann rak
Gallerý Háhól ásamt eiginkonu
sinni Lilju Sigurðardóttur en
það var fyrsta einkarekna gall-
eríið á Akureyri, stofnað 1974.
Það var ekki fyrr en upp úr 1993
að Óli fór að helga sig myndlist-
inni alfarið. „Hann lenti í slysi á
sjó, féll útbyrðis, axlarbrotnaði
og fékk vægt hjartaáfall – hann
var þarna í jökulköldum sjónum
í 20 mínútur, en bjargaðist. Það
var þá sem hann ákvað að láta
drauminn rætast.“ Ágúst segir
Óla svo hafa verið uppgötvaðan
alþjóðlega um 2006. „Fulltrúar
frá galleríkeðjunni Opera-Gall-
ery flugu norður og heimsóttu
hann á vinnustofuna. Stuttu síðar
gerðu þeir samning og hann hélt
sína fyrstu einkasýningu, hjá
þeim árið 2007 í London, en sú
sýning seldist upp á opnuninni. Í
framhaldinu sýndi Óli hjá Opera-
Galleríinu víða um heim; í New
York, Monte Carlo, Monaco,
Miami, Seúl, Singapúr, Dúbaí
og víðar og vann með þeim allar
götur síðan, eða þar til hann lést
fyrir aldur fram, í janúar 2011.
Þegar að Óli lést var nýbúið að
opna yfirgripsmikla sýningu á
verkum hans í Listasafni Reykja-
nesbæjar. „Eftir að Óli féll frá
sögðu ýmsir að Akureyri væri
bara hálfur bær, svo mikil var
eftirsjáin að honum – hann var
svo skemmtilegur og kraftmikill
karakter.“ Á sýningunni verða
verk úr dánarbúi listamannsins,
ásamt verkum úr eigu þeirra
hjóna. „Við höfum safnað verkum
eftir Óla frá árinu 2001 og svo
verður þetta rjóminn úr dánar-
búinu,“ segir Ágúst að lokum.
olof@frettabladid.is
Féll útbyrðis og hóf
myndlistarferilinn
Sýning til minningar um myndlistarmanninn Óla G. Jóhannsson opnar í Tveimur
hröfnum í dag. Sýnd verða verk í einkaeigu og rjóminn úr dánarbúinu.
TVEIR HRAFNAR Ágúst og Halla Jóhanna hafa safnað verkum eftir Óla síðan árið
2001. FRÉTTABLAÐIÐ/GVA
Söngkonurnar í Kvennakór Kópa-
vogs halda tvenna tónleika í Hörpu
á laugardaginn í takt við hækkandi
sól. Þá fyrri klukkan 16 og þá síð-
ari klukkan 20. Þar syngja þær
gamlar og góðar dægurperlur enda
hafa þær skírt dagskrána Perlur og
pilsaþytur.
Efnisskrá tónleikanna spannar
tímabilið frá kreppuárum og vel
fram yfir seinna stríð. Þar eru lög
eins og Papermoon, Dream a little
dream og Sugartime og einnig
verður syrpa með lögum frá sjö-
unda áratug síðustu aldar.
Kórkonur ætla að klæðast sam-
kvæmt tíðaranda efnisskrárinnar
og hárgreiðslan verður í stíl. Það
verður því líf í tuskunum og sjónar-
spil í Kaldalóni ásamt ljúfum tónum.
Stjórnandi kvennakórs Kópa-
vogs er Gróa Hreinsdóttir og undir-
leikarar á tónleikunum nú eru Árni
Heiðar Karlsson á píanó og Birgir
Bragason á bassa.
Kvennakór Kópavogs er á 12.
starfsári sínu. Hann hefur tekið
virkan þátt í menningarlífi Kópa-
vogs og ber þar hæst að undanfarin
fimm ár hefur hann stutt mæðra-
styrksnefndina þar bæði með fata-
söfnun og tónleikahaldi. Hjá kórnum
hefur líka skapast sú hefð að syngja
á aðventumarkaði Ljóssins, endur-
hæfingar-og stuðningsmiðstöð fyrir
krabbameinsgreinda.
Í maí mun kórinn fjölmenna á
landsmót kvennakóra sem verður
haldið á Akureyri í ár. gun@frettabladid.is
Klæða sig í takt við tíðarandann
Kvennakór Kópavogs heldur tvenna vortónleika 15. mars í Kaldalóni í Hörpu.
Þar fl ytur hann létt og sígild dægurlög undir yfi rskrift inni Perlur og pilsaþytur.
PERLUR OG PILSAÞYTUR Kvennakór Kópavogs kann að bregða á leik bæði á
sviðinu og utan þess.
– Lifið heil
ÍS
L
E
N
S
K
A
/S
IA
.I
S
/L
Y
F
6
79
77
0
2/
14
www.lyfja.is
Fyrir
þig
í Lyfju
Læg a
verð í
LyfjuNicorette
Fruitmint
Allar pakkningar og styrkleikar.
15%
afsláttur
Gildir út mars.
Íslenskir hönnuðir
í aðalhlutverki
Lífsstíll er nýr þáttur um tísku, hönnun og lífsstíl
sem hefst á Stöð 3 í kvöld. Hann verður í umsjá
Theodóru Mjallar Skúladóttur Jack, sem gaf út
metsölubókina Hárið 2012. Þátturinn verður í
opinni dagskrá.
Kl. 19:30
FIMMTUDAG
19:30
Í opinni dagskrá