Fréttablaðið - 05.04.2014, Blaðsíða 82

5. apríl 2014 LAUGARDAGUR| HELGIN | 46
„Stóru málin hjá okkur eru skólamál, húsnæðismál og
velferðarmál í víðum skilningi þessa orðs. Við leggjum
einnig alltaf mikla áherslu á rekstrarmál. Borgarbúar
reikna með því að reksturinn sé í lagi og vilja kannski
ekki hafa hann sem kosningamál. En auðvitað er mark-
miðið að halda gjöldum í lágmarki og lækka skatta. Sé það
möguleiki þá eigum við alltaf að stefna að því. Það á að
vera stefna Sjálfstæðisflokksins að lækka skatta. Það eru
18 sveitarfélög á Íslandi sem ekki eru að nýta hámarks-
útsvarið og af hverju ætti þá langstærsta sveitarfélagið,
þar sem hægt er ná mikilli rekstrarhagkvæmni, ekki að
geta lækkað útsvarið? Ég sé ekki annað en að það eigi að
vera hægt og það þarf engan blóðugan niðurskurð í rekstri
til að gera það. Tækifærin í því liggja mjög víða að mínu
mati,“ segir Halldór.
Auka lóðaframboð
Halldór vill bregðast við húsnæðisvandanum með því að
auka lóðaframboð. „Vinstri menn bjuggu til lóðaskort. Þeir
hafa verið með skortstefnu í lóðamálum sem hefur haft
þær afleðingar í för með sér að lóðakostnaður sem hlut-
fall af verði íbúðar í fjölbýli hefur farið úr 4 prósentum í
17 prósent. Það hækkar auðvitað kaupverð og leiguverð.
Við viljum auka lóðaframboð allverulega og setja meira
í hendur einkaðila bæði hvað varðar leigu og íbúðafram-
kvæmdir,“ segir Halldór. Hann segir að borgin eigi ekki
að sjá um þessa hluti. „Það er ekki til verri leigusali og
rekstraraðili heldur en sveitarfélag. Ég hef séð það í gegn-
um tíðina. Auðvitað verður borgin að sinna sínum félags-
legu skyldum í gegnum félagsbústaði en það hefur hún
reyndar ekki gert á þessu kjörtíambili. Við sjáum þarna
mikil tækifæri til að virkja einkamarkaðinn og auka lóða-
framboð til að lækka verð.“
Betri valkosti fyrir borgarbúa
Sjálfstæðismenn vilja beita sér fyrir auknu íbúalýðræði.
„Grunnurinn að Betri Reykjavík þar sem fólk er að kjósa
kemur frá tíð sjálfstæðismanna og við erum auðvitað
áhugasöm um aukið íbúalýðræði. En mér sýnist margt af
því sem borgarbúar eru að kjósa um í hverfum sé eitthvað
sem ætti að vera sjálfsögð og eðlileg mál. Eitthvað sem
borgin ætti bara að sinna og íbúar þyrftu ekki að kjósa
um. Af hverju þarf fólk að kjósa um að fjarlægja ónýta
girðingu á Geldinganesi ef það býr í Grafarvoginum?
Ég myndi vilja sjá betri valkosti fyrir borgarbúa og mér
finnst áhugavert að setja meira fjármagn í þetta þar sem
íbúar geta forgangsraðað,“ segir Halldór.
Bæta umhirðu
Halldór vill bæta hreinsun og umhirðu í borginni. „Borg-
in er skítug. Það er ekki brugðist við nógu snemma, t.d.
að sópa götur. Það var hér einn dagur um daginn þar
sem mengunin var fjórum sinnum meiri en í Peking. Það
mætti gera betur í grasslætti og svona almennri umhirðu.
Stundum eru þetta kölluð smáu málin en eru auðvitað í
augum borgarbúa risastór mál. Við ætlum að gera miklu
betur í þessum málum.“ Halldór segir að hægt sé að virkja
þá sem nú þiggja fjárhagsaðstoð og bjóða þeim vinnu við
hreinsunarstörf. „Við erum með þá stefnu í velferðarmál-
um að við viljum hjálpa fólki til sjálfshjálpar. Við sjáum
fyrir okkur að geta boðið vinnufæru fólki sem þiggur fjár-
hagsaðstoð einhvers konar vinnu í staðinn fyrir að vera
á fjárhagsaðstoð. Það er mjög mikilvægt. Reisn einstak-
lingsins verður meiri og fólki líður betur. Kostnaðurinn
við að halda borginni hreinni mun þá aukast en það kemur
út í minni kostnaði annars staðar,“ segir Halldór.
Vill lækka skatta á borgarbúa
og halda gjöldum í lágmarki
Halldór Halldórsson, oddviti sjálfstæðismanna í Reykjavík, segir að bjóða þurfi borgarbúum upp á raunverulega valkosti
þegar kemur að íbúalýðræði. Hann telur raunhæft að lækka skatta og gjöld án þess að grípa til blóðugs niðurskurðar.
SAMEINING SKÓLA
Við finnum fyrir sárindum hjá íbúum þar sem
þetta hefur verið gert. Fólk er ennþá að tala um þetta
og þetta situr í fólki. Þarna var íbúasamráðið ekki
nægilegt. Þar var bara eitthvert sýndarsamráð í
gangi.“
REYKJAVÍKURFLUGVÖLLUR
Ég hef lagt áherslu á að höfuðborgin hafi innan-
landsflugvöll. Borgin verður að vera með tengingu við
landsbyggðina og 72 prósent Reykvíkinga taka undir
það og sögðu líka að völlurinn ætti að vera í Vatns-
mýrinni.“
FYRSTA VERK SEM BORGARSTJÓRI
Það væri að fara ítarlega yfir allan rekstur borg-
arinnar og byrja strax á þeirri vinnu að leita leiða til
að hagræða í rekstri og finna leiðir til að lækka
álögur á borgarbúa. Svo myndi ég vilja taka upp
aðalskipulagið vegna þess að það eru ákveðnir þættir
í því sem við viljum endurskoða.“
1980-1996 1991 1994-1996 2006 1998-2010 2012 2013
STJÓRNMÁLAÞÁTTTAKA
FYRRI STÖRF OG MENNTUN
Rekstur eigin fyrirtækja
Verkamaður í vegagerð og fiskvinnslu
Sjúkraflutningamaður
Lögreglumaður
Verkstjóri í fiskvinnslu
Sjómaður
1991 Stúdent frá Verzlunarskóla
Íslands
1994-1996 Bæjarstjórn Grindavíkur 1998-2010 Bæjarstjóri Ísafjarðarbæjar
2013 MS í mannauðsstjórnun frá HÍ
2006 Formaður stjórnar Sam-
bands íslenskra sveitarfélaga
2012 Viðskiptafræðingur MBA frá HÍ
Viðtalið við Þorleif er
hægt að sjá í þættinum
Pólitíkin á visir.is
visir.is
Höskuldur Kári Schram
hoskuldur.schram@frettabladid.is