Fréttablaðið - 12.05.2014, Blaðsíða 6

12. maí 2014 MÁNUDAGUR| FRÉTTIR | 6
1. Hver var ráðinn forstjóri Vodafone
á föstudaginn?
2. Hver leikur Sollu stirðu í Þjóðleik-
húsinu næsta vetur?
3. Hvaða lið sigraði ensku úrvalsdeild-
ina um helgina?
SVÖR
1. Stefán Sigurðsson. 2. Melkorka Davíðs-
dóttir Pitt. 3. Manchester City.
VEISTU SVARIÐ?
Flott flóra - leiðin til að tóra?
Ráðstefna um bakteríuflóruna í meltingarveginum
Miðvikudaginn 14. maí, kl. 13-17 í Salnum, Kópavogi
Upplýsingar og skráning á www.heillheimur.is
eða í síma 697 4545.
Verð kr. 4.900,-
12.00 Móttaka og skráning
13.00 Setning
13.05 Opnunaratriði
13.15 Bakteríur í görninni stjórna heilsu og líðan okkar
Michael Clausen, barnalæknir og sérfr. í
ofnæmissjúkdómum barna
14.00 Áhrif bakteríuflórunnar á þyngdarstjórnun
Erla G. Sveinsdóttir, læknir Heilsuborg
14.25 Mín leið - reynslusaga af sáraristilbólgu
Margrét Alice Birgisdóttir, heilsumarkþjálfi
14.45 Kaffihlé
15.15 Hvaða sögu segir flóran um mataræðið?
Óla Kallý Magnúsdóttir, næringarfr. við LSH
og doktorsnemi við HÍ
15.40 Þarmabakteríurnar og hugsanleg tengsl við
ristilkrabbamein?
Þarmaflutningur - hvað er það?
Sigurjón Vilbergsson, sérfr. í lyflækningum
og meltingarsjúkdómum
16.05 Heilbrigð þarmaflóra - er hún til?
Kolbrún Björnsdóttir, grasalæknir
16.30 Spurningar
16.45 Ráðstefnuslit
Ráðstefnan er ætluð jafnt almenningi sem og fagfólki
Ábendingahnappinn má finna á
www.barnaheill.is
ALÞINGI Lög og reglur á sviði bygg-
ingarmála verða ef að líkum lætur
teknar til heildstæðrar endurskoð-
unar með tilliti til myglusveppa og
tjóns af völdum þeirra. Starfshópur
skipaður af ráðherra á að skila af
sér tillögum fyrir lok árs.
Þingsályktunartillaga 13 þing-
manna þessa efnis var til síðari
umræðu á Alþingi í gær, en flutn-
ingsmaður málsins er Kristján L.
Möller, þingmaður Samfylkingar.
Í nefndaráliti umhverfis- og sam-
göngunefndar Alþingis var lagt til
að tillagan yrði samþykkt óbreytt.
Katrín Júlíusdóttir, þingmaður
Samfylkingarinnar, talaði fyrir
nefndarálitinu í gær, og sagði að
fara yrði yfir lög og reglur, fræðslu-
mál og ekki síst tryggingarmál
þeirra sem fyrir því verða að veikj-
ast vegna myglusveppa og missa
jafnvel allar sínar eigur. Málið
bíður atkvæðagreiðslu en ekkert
er því til fyrirstöðu að það verði
samþykkt, enda málið flutt af þing-
mönnum allra flokka.
Tilefni málsins er ekki síst það að
um 50 íbúðarhús á Egilsstöðum og
Reyðarfirði fóru illa vegna myglu-
svepps. Eins að yfir 100 fjölskyldur
hér á landi hafa þurft að yfirgefa
heimili sín til lengri eða skemmri
tíma á undanförnum árum vegna
heilsufarsáhrifa og annars tjóns af
völdum myglusveppa. Tugir þeirra
hafa sagt alfarið skilið við hús-
næðið, eins og segir í greinargerð
tillögunnar.
Kristján sagði á Alþingi í gær, á
sama tíma og hann hvatti Sigurð
Inga Jóhannsson umhverfisráð-
herra til að hafa hraðar hendur við
skipun starfshópsins, að „brenni
hús til grunna þá er það trygg-
ingarmál og fæst bætt. Komi hins
vegar upp myglusveppur og eina
úr ræðið er að rífa húsið, og jafnvel
með öllum húsgögnum og fatnaði
fólks og öðru, þá er það óbætt. Þetta
verður starfshópurinn að gera til-
lögur um því á þessu þarf að taka,“
sagði Kristján og sagði ótækt að
fólk missi aleiguna en þurfi áfram
að borga af lánum vegna húsnæðis
sem hefur verið rifið.
Bjarkey Gunnarsdóttir, þing-
maður Vinstri grænna, tók í sama
streng og líkti upplifun fólks vegna
þessa vanda sem hamförum, og því
alvarlegra væri að engin úrræði
væri að finna í kerfinu.
svavar@frettabladid.is
Regluverkið skoðað
vegna myglusvepps
Lög og reglur verða tekin til skoðunar af starfshópi vegna myglusveppa og tjóns af
völdum þeirra. Tryggingamál þolenda verði skoðuð sérstaklega, hvetja þingmenn
til, enda þess dæmi að fólk missi aleigu sína meðan aðrir missa heilsuna.
Í nefndaráliti umhverfis- og
samgöngunefndar segir að oft
myndist myglusveppir vegna
rangrar efnisnotkunar, raka í
byggingarefnum vegna rangra
ákvarðana er varða efnisval,
rakaþéttingar, loftunar og
annars frágangs.
Einnig skiptir notkun á
mannvirki miklu máli hvað
varðar hitun, loftræstingu og
rakamyndun.
➜ Notkun mannvirkja
skiptir miklu máli
LÚMSKUR
VANDI Tugir
fjölskyldna hafa
misst mikið en
eiga engan rétt
á að fá bætur frá
tryggingafélagi
sínu.
FRÉTTABLAÐIÐ/VILHELM
Brenni hús til grunna þá er það trygg-
ingarmál og fæst bætt. Komi hins vegar upp
myglusveppur og eina úrræðið er að rífa
húsið, og jafnvel með öllum húsgögnum og
fatnaði fólks og öðru, þá er það óbætt.
Kristján L. Möller, þingmaður Samfylkingar.
SVEITARSTJÓRNIR Hafnarfjarðar-
bær hefur krafið Stálskip um
afrit af kaupsamningi vegna
sölu fyrirtækisins á togaranum
Þór Hf-4.
Bæjaryfirvöld í Hafnarfirði
eru ósátt við söluna á Þór þar
sem aflaheimildir sem fylgja
skipinu hurfu með því á brott
úr bænum. Hafnfirðingar fengu
ekki að vita af viðskiptunum
með Þór fyrr en þau voru um
garð gengin en telja að sam-
kvæmt lögum um stjórn fisk-
veiða eigi bærinn forkaupsrétt
að skipinu. Það hafi nú verið
staðfest með dómi Héraðsdóms
Reykjavíkur í máli Vestmanna-
eyjabæjar gegn félaginu Q44 og
Síldarvinnslunni þar sem fyrr-
nefnda félagið seldi því síðar-
nefnda togara sem gerður hefur
verið út frá Eyjum.
„Er hér með skorað á Stál-
skip að láta Hafnarfjarðarkaup-
stað nú þegar, eða í síðasta lagi
innan tveggja vikna frá dag-
setningu bréfs þessa, í té afrit af
kaupsamningum um skipið Þór
Hf-4 og um þær aflaheimildir
sem framseldar voru. Liggur nú
þegar fyrir staðfesting Fiski-
stofu á því að ekki hafi verið
unnið í samræmi við lagafyrir-
mæli varðandi framsal afla-
heimilda,“ segir í bréfi Guð-
rúnar Ágústu Guðmundsdóttur
bæjarstjóra til Stálskipa. - gar
Hafnfirðingar vísa í nýjan dóm héraðsdóms í máli Vestmannaeyjabæjar gegn Q44 og Síldarvinnslunni:
Krefja Stálskip um afrit af kaupsamningi
GUÐRÚN ÁGÚSTA GUÐMUNDS DÓTTIR
Bæjarstjóranum var falið að virkja for-
kaupsrétt Hafnarfjarðar á Þór Hf-4.
RANNSÓKNIR Hópur vísinda-
manna hefur sent frá sér yfirlýs-
ingu vegna lífsýnasöfnunarinnar
Útkall í þágu vísindanna á vegum
Íslenskrar erfðagreiningar og
Landsbjargar. Kemur yfirlý singin
í kjölfar yfirlýsingar níu fræði- og
vísindamanna við Háskóla Íslands
og Háskólann í Akureyri sem
gagnrýna framkvæmd söfnunar-
innar.
„Síðastliðin sautján ár hafa vís-
indamenn Íslenskrar erfðagrein-
ingar (ÍE) í samstarfi við vísinda-
menn á Landspítala, í læknadeild
og innan fjölmargra annarra
stofnana hérlendis og erlendis
náð ótrúlegum árangri í að varpa
ljósi á erfðafræði margra sjúk-
dóma. Það er mikilvægt að gera
sér grein fyrir því að þetta sam-
starf vísindamanna ÍE og ann-
arra í íslensku vísindasamfélagi
hefur gert það að verkum að Ísland
leiðir nú heiminn á flestum sviðum
mannerfðafræði,“ segir í yfirlýs-
ingu vísindamannanna.
Blása vísindamennirnir á þá
gagnrýni að skemmtikraftar séu
fengnir til að auglýsa söfnunina.
„Hvatning annarra í samfélaginu,
svo sem listamanna og stjórnmála-
manna er einnig virðingarverð.
Engin ástæða er til að tortryggja
slíkan stuðning.“
Þá er gagnrýnt að átakinu sé
blandað við góðgerðarstarfsemi.
„Gagnrýni siðfræðinga á hlut
Landsbjargar í söfnun sýnanna
er að okkar mati einnig ómakleg.
Alvanalegt er í vísindarannsókn-
um að þátttaka sé þökkuð, en hún á
þó ekki að skapa óeðlilegan þrýst-
ing á þá sem annars myndu ekki
vilja gefa lífsýni,“ segir í yfirlýs-
ingunni þar sem Íslendingar eru
hvattir til að taka þátt. „Án hins
almenna borgara verða þessar
rannsóknir ekki gerðar.“ - lkg
Vísindamenn hvetja almenning til að gefa sýni í Útkalli í þágu vísinda:
Gagnrýni siðfræðinga ómakleg
FRAMÞRÓUN VÍSINDANNA Magnús
Karl Magnússon, prófessor við lækna-
deild Háskóla Íslands, er á meðal þeirra
36 sem standa að yfirlýsingunni.
FRÉTTABLAÐIÐ/VILHELM