Fréttablaðið - 28.08.2014, Page 52

28. ágúst 2014 FIMMTUDAGUR| MENNING | 36
★★★★★
Sinfóníuhljómsveitin í Toronto flutti
verk eftir Vivier, Rakmaninoff og
Tsjajkovskí í Eldborg Hörpu sunnudag-
inn 24. ágúst.
Þegar ég vaknaði daginn eftir tón-
leika Sinfóníuhljómsveitarinnar í
Toronto ómaði fiðlukonsert Tsjaj-
kovskís enn í höfðinu á mér. Ein-
leikarinn James Ehnes var ótrú-
lega flinkur, en það var ekki
málið. Nei, túlkun hans og hljóm-
sveitarinnar allrar undir stjórn
Peters Oundjian var svo áhrifa-
mikil. Hver einasti tónn hafði
merkingu, laglínurnar voru full-
ar af tilfinningu. Stígandin í túlk-
uninni var þannig að hvergi var
dauður punktur. Þetta var stór-
kostlegur flutningur.
Tæknin hjá bæði einleikara
og hljómsveit var óaðfinnanleg,
en hún var ávallt í þjónustu inn-
blástursins. Þegar svona fram-
úrskarandi listafólk kemur fram
gerir maður ráð fyrir að tæknin
sé í lagi. Hún sætir engum sér-
stökum tíðindum. Ekkert frekar
en tæknibrellur í Hollywood-stór-
mynd. Aðalatriðið er að myndin
sé skemmtileg. Sömu sögu er að
segja um tónlistina.
Fyrir utan fiðlukonsertinn eftir
Tsjajkovskí voru tvö önnur verk
á efnisskránni. Hið fyrra var
Óríon eftir kanadíska tónskáldið
Claude Vivier (1948-1983). Vivier
var samkynhneigður og var myrt-
ur af karlkyns hóru í París. Þar
með varð tónlistarheimurinn af
einstökum hæfileikum, því tón-
listin sem hljómaði á tónleik-
unum var afar seiðandi. Verkið
byggðist á laglínu sem innihélt
sjö hendingar. Stefið vísaði þann-
ig til stjarnanna sjö sem mynda
stjörnumerkið Óríon. Tónlistin
var full af heillandi blæbrigðum
og óvanalegum hljóðfærasamsetn-
ingum. Hljómsveitin spilaði hana
af afburðum. Fínlegustu litbrigði
voru nostursamlega mótuð og
háværir kaflar voru í senn þétt-
ir og óheftir. Þvílíkar andstæður!
Sömu sögu er að segja um loka-
atriði efnisskrárinnar, Sinfóníska
dansa eftir Rakmaninoff. Þetta
var myrk tónlist sem byggðist á
gríðarlega öflugum andstæðum.
Hljómsveitin spilaði hana af hams-
leysi þegar við átti, en dásamlegri
mýkt inn á milli. Samhljómurinn í
sveitinni var breiður og safaríkur,
sérstaklega aðdáunarverður var
þykkur strengjahljómurinn sem
var algerlega frábær. Hljómsveit-
in var líka svo samtaka, hún spil-
aði eins og einn maður. Endirinn
á verkinu var magnaður, spennu-
þrunginn og kröftugur.
Sem aukalag lék hljómsveitin
marsinn úr Pathetique-sinfón-
íu Tsjakovskís. Það var rúsínan
í pylsuendanum – ærandi fjör!
Maður hálfpartinn dansaði út úr
Hörpunni á eftir. Jónas Sen
NIÐURSTAÐA: Með flottustu
klassísku tónleikum ársins.
Spilaði af hamsleysi en líka mýkt
SINFÓNÍUHLJÓMSVEIT TORONTO „Maður hálfpartinn dansaði út úr Hörpunni á
eftir,“ segir gagnrýnandinn.
„Það er hættulegt að fresta því að tengjast fólkinu í
kringum sig,“ segir Pétur Ármannsson leikstjóri. Hann
kveðst iðrast þess að hafa ekki sinnt langömmu sinni,
Petru Sveinsdóttur á Stöðvarfirði, betur meðan tími
var til en hún lést fyrir tveimur árum, nokkrum mán-
uðum áður en hún hefði orðið níræð.
Nú er Pétur búinn að gera leiksýningu um þessa
langömmu sína sem bjó á Stöðvarfirði allt sitt líf og var
oft kölluð Steina-Petra enda átti hún stærsta einka-
rekna steinasafn í heimi að talið er.
Leiksýninguna segir Pétur vera tilraun til að
bæta fyrir vanrækslu sína við langömmu.
Þetta er ekki í fyrsta sinn sem Pétur
gerir leiksýningu um náinn ætt-
ingja. Sýningin Dansaðu fyrir mig
fjallar um draum föður hans,
Ármanns Einarssonar, um að
verða atvinnudansari. Sú sýning
hlaut tvær tilnefningar til Grím-
unnar og hefur farið víða.
Petra verður frumsýnd á alþjóð-
legu leiklistarhátíðinni Lókal
annað kvöld, 29. ágúst, klukkan
19 í Tjarnarbíói. Frekari upplýsing-
ar má nálgast á lokal.is.
- gun
Friðar samviskuna
með leiksýningu
Pétur Ármannsson leikstjóri er langömmubarn steinasafnarans Petru. Hann
sýnir verkið Petru í Tjarnarbíói á morgun á leiklistarhátíðinni Lókal.
NOSTRAÐ VIÐ STEINANA Leikhópurinn sem sýnir Petru var á æfingu þegar þessi mynd var tekin. FRÉTTABLAÐIÐ/STEFÁN
LEIKSTJÓRINN Þetta er ekki í fyrsta sinn sem
Pétur gerir leiksýningu um náinn ættingja.
MYND/ÚR EINKASAFNI
„Listasalirnir eru forkunnarfal-
legir og ég get lofað því að sýn-
ingin Rás mun snerta gesti djúpt,“
segir Helga Þórsdóttir menning-
arfræðingur. Hún er sýningar-
stjóri haustsýningar Hafnarborg-
ar í Hafnarfirði sem opnuð verður
annað kvöld. Þar er teflt saman
verkum listamanna sem þekktir
eru fyrir að gera huglægri reynslu
efnisleg skil á áhrifaríkan hátt.
Þeir eru Daníel Magnússon, Guð-
rún Hrönn Ragnarsdóttir, Ívar
Brynjólfsson, Ívar Valgarðsson,
Sólveig Aðalsteinsdóttir og Þóra
Sigurðardóttir.
Listafólkið á allt að baki fjölda
sýninga hér á landi og erlendis
að sögn Helgu sem átti hugmynd-
ina að Rás. Sú hugmynd var valin
úr innsendum tillögum að haust-
sýningu 2014. „Markmiðið með
stefnumóti þessa fólks er ekki síst
að varpa ljósi á samtímalistsköp-
un sem farveg fyrir nýjar hugs-
anir og hugmyndir,“ segir Helga.
Rás verður opnuð klukkan 20
annað kvöld. Á sunnudaginn, 31.
ágúst, verður listamannsspjall í
Hafnarborg klukkan 15
þar sem einn af sýnendunum,
Guðrún Hrönn Ragnarsdóttir
myndlistarmaður, hefur orðið.
„Guðrún er búsett í Finnlandi,“
upplýsir Helga. „Því er sérstakur
fengur að fá hana hingað með sína
list og spjall.“
gun@frettabladid.is
Rás mun snerta gesti
Sýningin Rás verður opnuð í Hafnarborg í Hafnar-
fi rði á morgun, föstudag. Þar sýna sex einstaklingar
sem hafa verið áberandi í myndlistarlífi nu.
EITT VERK-
ANNA Þetta
er eftir Þóru
Sigurðar-
dóttur.
SPECIMINA DOMESTICA List eftir Ívar
Brynjólfsson.
Á SÝNINGUNNI Verk eftir Daníel
Magnússon.
Opið
hús
Laugardaginn
30. Ágúst
milli 13 og 16
Miðasala | 568 8000 | borgarleikhus.is