Fréttablaðið - 08.09.2014, Side 18

FÓLK|HEIMILI
FÓLK ER KYNNINGARBLAÐ sem býður aug lýsendum að kynna vörur og
þjónustu í formi viðtala og umfjallana ásamt hefðbundnum auglýsingum. Blaðið
fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir
Sölumenn: Bryndís Hauksdóttir, bryndis@365.is, s. 512 5434
Kolbeinn Kolbeinsson, kkolbeins@365.is, s. 512 5447
„Þetta er í annað sinn sem ég fer með hönnunar-
hópnum Love Reykjavík á þessa sýningu en við
erum allar að sýna okkar vörulínur. Hingað koma
verslunareigendur alls staðar að úr Evrópu og
víðar til að skoða og kaupa inn,“ útskýrir Ingi-
björg Hanna Bjarnadóttir vöruhönnuður en hún
tekur þátt í hönnunarsýningunni Maison&Objet í
París sem hófst á föstudag.
Love Reykjavík skipa, auk Ingibjargar, Anna
Þórunn Hauksdóttir, Marý, Ragnheiður Ösp Sig-
urðardóttir og Steinunn Vala Sigfúsdóttir.
Maison&Objet er ein af stærstu hönnunarsýn-
ingunum í Evrópu og segir Ingibjörg þátttöku í
sýningunni góða kynningu og geta skilað við-
skiptasamböndum.
„Maður kemst í samband við blaðamenn hjá
stórum tímaritum og býr til sambönd við fólk
í faginu. Ég komst að hjá nokkrum erlendum
verslunum í fyrra í gegnum sýninguna. Nú er ég
að koma á framfæri textílvörunum mínum, nýrri
grafík á púða, fleiri viskustykkjum, hengistólnum
sem kynntur var á HönnunarMars og rúmfötum.
Þá spurði stórt og þekkt hönnunarfyrirtæki mig
í dag hvort ég hefði áhuga á að hanna vörulínu
fyrir þá sem er ótrúlega spennandi,” segir Ingi-
björg.
Fleiri íslenskir hönnuðir taka þátt í Maison&Objet,
þar á meðal Heklaíslandi og Sveinbjörg Hallgríms-
dóttir sem hannar undir merkinu Sveinbjörg. Svein-
björg tekur í sama streng og Ingibjörg, þátttaka í
sýningunni skili árangri.
„Ég er hér í annað sinn og sýningin gengur vel.
Í fyrra náðum við að selja víða um heiminn og
einnig fengum við nokkra aðila sem höfðu áhuga á
að gerast umboðsaðilar fyrir okkur. Við völdum að
byrja í Skandinavíu en Parísarsýningin er hliðið að
mun stærri markaði en Stokkhólmsmessan. En þar
höfum við verið tvisvar áður.“
Jón Ásbergsson, framkvæmdastjóri Íslandsstofu,
segir íslenska hönnun vel samkeppnishæfa og að
Íslandsstofa vilji styðja hönnuði í að koma sér á
framfæri, í samvinnu við Hönnunarmiðstöð Íslands.
„Þetta er erfiður markaður og fyrirtækin eru lítil.
Við höfum þó séð fólk ná flugi eftir að hafa tekið
þátt í svona sýningum enda teljum við að við séum
með vöru sem er vel samkeppnishæf. Við vitum
líka að heimamarkaðurinn hefur vaxið með fjölgun
erlendra ferðamanna hingað til lands,“ segir Jón.
ÍSLENSKIR HÖNN-
UÐIR SÝNA Í PARÍS
ÍSLENSK HÖNNUN Maison&Objet, ein af stærstu hönnunarsýningum í
Evrópu, stendur nú yfir. Íslenskir hönnuðir sýna þar vörulínur sínar.
FER VEL AF STAÐ Sveinbjörg Hallgrímsdóttir tekur einnig þátt í sýningunni. Hún segir
þátttöku á sýningunni í París opna inn dyr inn á mun stærri markað en hönnunarmess-
an í Stokkhólmi gerir en þar hefur hún sýnt áður. MYND/SVEINBJÖRG
NÝJAR VÖRUR Ingibjörg Hanna sýnir meðal annars hengistól
sem hún kynnti á liðnum HönnunarMars.
LOVE REYKJAVÍK Hópinn skipa Ingibjörg Hanna Bjarnadóttir,
Anna Þórunn Hauksdóttir, Marý, Ragnheiður Ösp Sigurðardóttir
og Steinunn Vala Sigfúsdóttir. Þær sýna vörulínur sínar á Mai-
son&Objet í París. MYND/LOVE REYKJAVIK
NÝBÝLAVEGI 20 SÍMI 554-5022
NÝTT – NÝTT
8 rétta
hlaðborð í
hádeginu
TILBOÐ
KR. 1.390.-
OPIÐ KL. 11:00-14:00
Hlaðborðið er alla virka daga.
ekki um helgar.
Ábendingahnappinn má finna á
www.barnaheill.is