Fréttablaðið - 15.10.2014, Side 2

15. október 2014 MIÐVIKUDAGUR| FRÉTTIR | 2
Jón Þór, eruð þið búin að fá
ykkur fullsödd af frumvarpinu?
„Já, við þingmenn erum fullsaddir,
enda er hráefniskostnaðurinn sem
við greiðum í okkar mötuneyti yfir
550 krónur á mann.“
Forsendur í fjárlagafrumvarpi næsta árs varð-
andi upphæð sem kostar að brauðfæða hvern
einstakling eru gagnrýndar af alþingismönnum.
Jón Þór Ólafsson er þingmaður Pírata.
SKIPULAGSMÁL Eykt hf. hefur
fengið samþykki skipulagsfulltrú-
ans í Reykjavík fyrir áformum
um tólf hæða fjölbýlishús á horni
Þórunnartúns og Bríetartúns við
Höfðatorg.
Áætlað er að framkvæmdir hefj-
ist næsta haust og að þeim ljúki
síðla árs 2016 að því er kemur
fram á heimasíðu Eyktar. Áttatíu
íbúðir verða í húsinu. Á jarðhæð
þess á að vera þjónustustarfsemi
og bílakjallari þar undir. Í umsögn
skipulagsfulltrúa segir að bygg-
ingin samræmist deiliskiplagi,
meðal annars hvað varðar nýtingu
og hæðir húsa. - gar
Nýtt háhýsi við Höfðatorg:
Eykt byggir 80
íbúða blokk
DÓMSMÁL Héraðsdómur Reykja-
víkur hefur komist að þeirri nið-
urstöðu að Vodafone og Hringdu.
net eigi að loka fyrir aðgang við-
skiptavina sinna að vefsíðunum
Deildu.net og Piratebay. Á vefsíð-
unum hefur verið hægt að hala
niður ókeypis efni í trássi við höf-
undarréttarlög.
Samband tónskálda og eigenda
flutningsréttar (STEF) höfðaði
málið.
Sýslumanninum í Reykjavík
er nú gert að leggja lögbann á að
umrædd fjarskiptafyrirtæki veiti
viðskiptamönnum sínum aðgang
að vefsíðunum.
Fyrir ári síðan fór STEF fram á
við Sýslumanninn í Reykjavík að
leggja sambærilegt lögbann á fjar-
skiptafyrirtæki en því var hafnað.
STEF hefur einnig lagt fram
lögbannskröfu gegn öðrum
íslenskum fjarskiptafyrirtækj-
um líkt og TAL, 365 og Símanum
og eru þau mál í ferli. Lögmaður
STEF telur málið fordæmisgefandi
og megi því búast við sömu niður-
stöðu varðandi önnur fjarskipta-
fyrirtæki.
Helgi Hrafn Gunnarsson, þing-
flokksformaður Pírata, segir að
ákvörðun héraðsdóms muni lík-
lega ekki draga úr ólöglegu niður-
hali. „Nú verður lokað á þessa vefi.
En það eru aðrir vefir með svipað-
an tilgang og fjöldi þeirra hleypur
á hundruðum jafnvel þúsundum. Á
að loka þeim öllum? Og ef svarið
er já, hvernig sjá menn fyrir sér
að þeir ætli að hafa opið internet
meðfram höfundarrétti?“ - ih
Þingflokksformaður Pírata telur ólíklegt að lögbann muni draga úr ólöglegu niðurhali vegna hjáleiða:
Héraðsdómur fyrirskipar lokun Deildu.net
PÍRATI Helgi Hrafn efast um að lög-
bann skili tilætluðum árangri.
FRÉTTABLAÐIÐ/GVA
FJÖLMIÐLAR Lestur dagblaða
dróst saman á þriðja ársfjórð-
ungi milli áranna 2013 og 2014.
Lestur á Fréttablaðinu dregst
minnst saman eða um eitt pró-
sent í aldursflokknum 18-49
ára. Í sama aldursflokki dregst
lestur Morgunblaðsins, DV og
Fréttatímans saman um á milli
sjö og níu prósent.
Fréttablaðið er mest lesna
dagblað landsins með 52,7 pró-
sent lestur á landsvísu saman-
borið við 20,7 prósent lestur
Morgunblaðsins og 31,7 prósent
lestur á Fréttatímanum í fyrr-
greindum flokki lesenda. - ih
Dagblaðalestur dregst saman:
Fréttablaðið
heldur velli
SAMKEPPNISMÁL Samkeppniseftirlitið hefur kært
ellefu starfsmenn Samskipa og Eimskipa til sér-
staks saksóknara fyrir stórfelld brot á samkeppn-
islögum. Kastljósið greindi frá þessu í gær.
Samkvæmt kærunni hafa fyrirtækin skipt á
milli sín viðskiptum við fyrirtæki og heilu lands-
hlutana. Í kærunni er minnst á kvartanir fyrir-
tækja vegna þess að þau hafi fengið samhljóða
tilboð hjá Eimskipum og Samskipum. Einnig eru
tiltekin dæmi úr innanhúsgögnum frá fyrirtækj-
unum þar sem áhersla er lögð á að hækka verð en
ekki lækka og láta þar að auki ákveðin fyrirtæki
og landsvæði eiga sig.
Meðal hinna kærðu eru Gylfi Sigfússon, for-
stjóri Eimskipa, Ásbjörn Gíslason, fyrrverandi
forstjóri Samskipa, og Pálmar Óli Magnússon,
núverandi framkvæmdastjóri Samskipa.
Fyrirtækin ásamt dótturfyrirtækjum flytja inn
um áttatíu til níutíu prósent af neytendavörum á
Íslandi auk þess að sinna um sjötíu prósentum af
landflutningum á Íslandi.
Samkeppniseftirlitið gerði húsleit hjá Samskip-
um, Eimskipum og dótturfyrirtækjum þeirra í
september árið 2013 og í júní á þessu ári við rann-
sókn málsins.
Fyrirtækin sæta einnig rannsókn samkeppnis-
yfirvalda í Hollandi. -ih
Eimskip og Samskip eru sögð hafa skipt á milli sín flutningum á sjó og landi:
Kærð fyrir samkeppnislagabrot
HÚSLEIT Samkeppniseftirlitið gerði húsleit í húsnæði Sam-
skipa í september á síðasta ári. FRÉTTABLAÐIÐ/SETFÁN
SPURNING DAGSINS
20%
afsláttur
Gildir í október
Lyfjaauglýsing
FANGELSISMÁL Kvennafangelsinu
í Kópavogi verður væntanlega
lokað næsta sumar en áætlað
er að nýtt fangelsi á Hólmsheiði
verði tilbúið um þarnæstu ára-
mót. Þar verður sérstök kvenna-
deild. Þá verður í nokkra mánuði
ekkert eiginlegt kvennafang-
elsi. „Það er niðurskurðarkrafa
á okkur í ár eins og fyrri ár og
við erum að velta því fyrir okkur
hvernig við eigum að takast á
við það. Einn möguleikinn er að
loka fangelsinu í Kópavogi fyrr,“
segir Páll Winkel fangelsismála-
stjóri. Áætlað er að nýtt fangelsi
á Hólmsheiði verði tilbúið um
þarnæstu áramót og getur því
skapast sú staða að ekkert eigin-
legt fangelsi fyrir konur verði
um nokkurra mánaða skeið. Páll
segir það ekki koma að sök þar
sem kvenfangar séu nú í miklum
minnihluta í fangelsinu. Einungis
ein kona afplánar núna en sam-
tals afplána nú þrír kvenfangar
dóm í íslenskum fangelsum auk
þess sem nokkrar eru á Vernd.
Tvær afplána á Kvíabryggju.
Páll segir það hafa gengið
vel að hafa kven- og karlfanga
saman og engin meiriháttar
vandamál komið upp. „Það hefur
gengið merkilega vel. Starfsfólk
hefur tekið þessu með opnum
huga og er mjög vakandi fyrir
því að þetta sé flókið verkefni,“
segir hann.
Lengi hefur verið ljóst að
aðstaða fyrir kvenfanga á Íslandi
er hvergi nærri nógu góð.
Fangelsið í Kópavogi er talið
óhentugt, sérstaklega konum
sem afplána lengri dóma. Fang-
elsið á Hólmsheiði verður með
sérstaka kvennadeild þar sem
kvenfangar eru aðskildir frá
karlföngum. „Þar er sérstök
deild fyrir konur sem afplána
lengri dóma þar sem þær eru
aðskildar frá öðrum föngum og
aðbúnaður þeirra tekur mið af
því að það sé hægt að afplána
til lengri tíma. Aðstaða þeirra
verður fullnægjandi og okkur
til sóma. Þar verður ein átta
manna deild rekin sérstaklega
fyrir konur en ef þeim fjölgar þá
verður fangelsið hannað þannig
að það er hægt að taka aðra deild
fyrir átta konur,“ segir Páll en
hafa kvenfangar verið frá engum
og upp í sextán.
viktoria@frettabladid.is
Kvenfangar í óvissu
Fangelsinu í Kópavogi verður hugsanlega lokað fyrr en áætlað var vegna niðurskurð-
ar. Þrjár konur afplána nú í íslenskum fangelsum, aðeins ein í Kvennafangelsinu.
VERÐUR LOKAÐ Hugsanlega verður fangelsinu í Kópavogi lokað fyrr en áætlað var.
FANGELSISMÁLASTJÓRI Páll Winkel
segir að nýtt fangelsi á Hólmsheiði
verði tilbúið um þarnæstu áramót.
Núna eru þrjár konur að afplána
dóma í íslenskum fangelsum.
Ein afplánar í Kvennafangelsinu
í Kópavogi en hinar tvær á Kvía-
bryggju. Að sögn Páls Winkel
fangelsismálastjóra er fjöldi
kvenna í afplánun misjafn. „Það
hefur farið frá því að vera engin
og upp í sextán,“ segir hann.
➜ Þrjár í fangelsi
SKIPULAGSMÁL Stefnt er að því að tæplega sjötíu íbúðir auk verslana og
skrifstofuhúsnæðis verði byggðar á svokölluðum Frakkastígsreit, sem
er á mótum Hverfisgötu, Frakkastígs og Laugavegs.
Nú er unnið að því að rífa húsin á Hverfisgötu 58 til 62 en einnig
stendur til að rífa Frakkastíg 8. Baldur Svavarsson arkitekt, sem vinn-
ur að skipulagi reitsins, segir að áhersla verði lögð á að byggja litlar
íbúðir. - ih
Rífa á fjölda húsa við Hverfisgötu og Frakkastíg og byggja ný:
Tæplega sjötíu íbúðir byggðar
NIÐURRIF Hverfisgata 58 var rifin í gær. FRÉTTABLAÐIÐ/STEFÁN