Fréttablaðið - 15.10.2014, Side 8

15. október 2014 MIÐVIKUDAGUR| FRÉTTIR | 8
Skoðaðu úrvalið á Bilaland.is
GERÐU
FRÁBÆR
KAUP
NISSAN MICRA VISIA
Nýskr. 06/13, ekinn 42 þús. km.
bensín, beinskiptur.
VERÐ kr. 1.670 þús.
Rnr. 142445.
NISSAN PATHFINDER SE
Nýskr. 08/08, ekinn 84 þús. km.
dísil, sjálfskiptur.
VERÐ kr. 3.990 þús.
Rnr. 142427.
Kletthálsi 11 -110 Reykjavík
Sími 525 8000 - bilaland@bilaland.is
www.bilaland.is
www.facebook.com/bilaland.is
DACIA DUSTER 4x4
Nýskr. 04/13, ekinn 88 þús. km.
dísil, beinskiptur.
Rnr. 142443.
SUZUKI SWIFT 4WD
Nýskr. 06/13, ekinn 39 þús km.
bensín, beinskiptur.
VERÐ kr. 2.490 þús.
Rnr. 142447.
HYUNDAI i20 CLASSIC
Nýskr. 05/13, ekinn 48 þús km.
dísil, beinskiptur.
VERÐ kr. 2.190 þús.
Rnr. 120474.
HYUNDAI i10
Nýskr. 06/12, ekinn 57 þús. km.
bensín, sjálfskiptur.
VERÐ kr. 1.540 þús.
Rnr. 142446.
NISSAN QASHQAI SE
Nýskr. 06/13, ekinn 35 þús. km.
dísil, sjálfskiptur.
VERÐ kr. 4.990 þús.
Rnr. 142450.
Frábær kaup!
2.780 þús.
TÖKUM NOTAÐAN
UPPÍ NOTAÐAN!
GERÐU FRÁBÆR KAUP!
ALLT AÐ 80% LÁNAMÖGULEIKAR
GENF, AP Innan tveggja mánaða
gæti farið svo að tíu þúsund ný
ebólusmit greindust í viku hverri,
en til þessa hefur tíðnin verið um
eitt þúsund tilfelli á viku.
Þetta segir Bruce Aylward,
aðstoðarframkvæmdastjóri Al-
þjóða heilbrigðisstofnunarinnar
WHO.
Hann skýrði jafnframt frá því
að dánartíðni þeirra sem smitast
mælist nú um sjötíu prósent, en til
þessa hefur WHO metið það svo að
dánartíðnin sé um eða innan við
fimmtíu prósent.
Á blaðamannafundi í Genf sagði
Aylward að verði heilbrigðisráð-
stafanir í Afríku ekki hertar til
muna og meira fé lagt í viðbrögð
gegn sjúkdómnum, þá muni það
kosta mörg mannslíf.
Jafnvel þótt faraldurinn haldist
í svipuðum tölum og til þessa, þá
muni heilbrigðisstarfsfólk í Afr-
íkuríkjunum eiga í mestu vand-
ræðum með að sinna þeim sem
veikjast.
Alls hefur ebólufaraldurinn
kostað 4.447 manns lífið á þessu
ári, en 8.914 manns hafa smit-
ast, samkvæmt nýjustu tölum frá
WHO. Nánast allir eru þeir íbúar
í ríkjum vestanverðrar Afríku,
flestir í Síerra Leóne, Gíneu og
Líberíu.
Aylward segir ekki miklar líkur
á því að faraldurinn breiðist svo
nokkru nemi út um heimsbyggð-
ina alla: „Ég býst ekki við að þessi
veira sé að fara neitt. Það er fylgst
með öllum sem fara og veikt fólk
verður ekkert á ferðinni.“
Hann segir mikið álag vera á
heilbrigðisstarfsfólki og heilbrigð-
isstofnunum í Afríkuríkjunum,
sem engan veginn hafa bolmagn
til þess að takast á við vandann.
Áherslan sé því fyrst og fremst á
það að veita veikum meðferð.
„Það væri hræðilega siðlaust að
segja að við ætlum bara að ein-
angra fólk,“ segir hann, og tekur
fram að helsta forgangsmálið
nú sé að útdeila varnarbúnaði
til almennings og koma upp ein-
földum heilsugæslustöðvum, þar
sem hægt sé að veita lágmarks-
meðferð.
Nokkrir sjúklingar hafa verið
fluttir til Vesturlanda, þar sem
sjúkrahús bjóða upp á mun full-
komnari meðferð. Sumir þeirra
hafa náð sér, en tveir heilbrigð-
isstarfsmenn þar hafa smitast –
annar á Spáni en hinn í Banda-
ríkjunum.
Spænska hjúkrunarkonan Ter-
esa Romero er sögð þungt hald-
in, en þó hafi henni skánað eilítið
á ný. Grannt er fylgst með fimm-
tán manns, sem hún hafði umgeng-
ist eftir að hafa smitast. Enginn
þeirra hefur þó sýnt nein einkenni
ebólusmits. gudsteinn@frettabladid.is
Tíu þúsund manns
gætu smitast á viku
Alþjóðleg heilbrigðisyfirvöld segja hættu á að ebólufaraldurinn í Afríku muni
versna enn frekar á næstu mánuðum, takist ekki að ná tökum á honum með
hertum heilbrigðisaðgerðum. Sem fyrr er samt sáralítil hætta á heimsfaraldri.
EBÓLU-
FRÆÐSLA
Í LÍBERÍU
Börn lesa
dreifibréf um
varnir gegn
ebólu.
NORDICPHOTOS/AP
Ég býst ekki við því að
þessi veira sé að fara neitt.
Það er fylgst með öllum sem
fara og veikt fólk verður
ekkert á ferðinni.
Bruce Aylward,
aðstoðarframkvæmdastjóri WHO.
MEXÍKÓ, AP Hundruð námsmanna
og kennara brutu rúður og kveiktu
elda í stjórnarráðsbyggingu í Chilp-
ancingo í Mexíkó í fyrrinótt. Fólk-
ið krefst þess að 43 námsmönnum,
sem rænt var 26. september, verði
skilað aftur heilum á húfi.
Talið er að lögreglumenn tengd-
ir fíkniefnaklíkum hafi rænt náms-
fólkinu úr litlum kennaraskóla í
smábæ í Guerrero-héraði, en Chilp-
ancingo er höfuðborg héraðsins.
Jose Villanueva Manzanarez, tals-
maður héraðsstjórnarinnar, segir
að mótmælendurnir hafi upphaf-
lega reynt að komast inn í þinghús-
ið í Chilpancingo, en lögreglan hafi
komið í veg fyrir það. Þá hafi þeir
haldið að stjórnarráðsbyggingunni.
Fyrir rúmlega hálfum mánuði lét-
ust að minnsta kosti sex námsmenn
í bænum Iguala, sem er í Guerrero-
héraði, þegar lögreglan tók að skjóta
á hóp námsmanna þar.
Átökin hafa dregið fram í dags-
ljósið tengsl lögreglunnar víða í
Mexíkó við fíkniefnahringi og aðra
skipulagða glæpastarfsemi. - gb
Hörð átök hundruð námsmanna og háskólakennara við lögreglu í Mexíkó:
Kveiktu í stjórnarráðsbyggingu
STJÓRNARBYGGING Í LJÓSUM
LOGUM Háskólakennarar og náms-
menn mótmæla ofríki lögreglunnar.
FRÉTTABLAÐIÐ/AP
ÁLANDSEYJAR Þegar fyrrverandi
framkvæmdastjóri Jarðamælinga
ríkisins í Finnlandi hélt ræðu fyrir
gamla hermenn síðastliðinn mánu-
dag var eins og hann hefði varp-
að sprengju, að því er segir í frétt
á vef finnska blaðsins Hufvud-
stadsbladet. Framkvæmdastjórinn
greindi nefnilega frá því að Pútín
Rússlandsforseti ætti 1,7 hektara
land með aðgangi að sjó í Saltvik á
Álandseyjum í Eystrasalti, sem eru
sjálfsstjórnarsvæði undir finnsk-
um yfirráðum. Greint er frá því að
samkvæmt friðarsamkomulagi frá
lokum seinni heimsstyrjaldarinnar
hafi Rússar fengið allar eigur Þjóð-
verja í Finnlandi en jörðin, sem var
10 hektarar, var í eigu þýsks pars.
Árið 2010 kom rússneski ræðismað-
urinn til jarðamælingaskrifstofunn-
ar á Álandseyjum og vildi skipta
jörðinni, sem tilheyrði utanríkis-
ráðuneyti Rússlands, í tvennt þann-
ig að 1,7 hektarar yrðu eign forseta-
embættisins, það er í raun forseta
Rússlands, en þá var Medvedev
forseti. Nú er það Pútín sem hefur
aðgang að jörðinni sem enginn býr
á. Þeir einu sem hafa verið á jörð-
inni eru starfsmenn rússnesku ræð-
ismannsskrifstofunnar. - ibs
Fregnin um jarðareign Rússlandsforseta kom mönnum í opna skjöldu:
Pútín á lóð á Álandseyjum
RÚSSLANDSFORSETI Rússar eignuðust
allar eigur Þjóðverja í Finnlandi eftir
seinni heimsstyrjöldina. NORDICPHOTOS/AFP