Akureyri - 20.02.2014, Page 6
6 7. tölublað 4. árgangur 20. febrúar 2014
Hótelrými 19-faldast að
verð gildi í Mývatnssveitinni
Árið 1998 var greint frá því á for-
síðu Dags-Tímans að bylting væri
framundan í framboði á gistirými í
Þingeyjarsýslu. Þá var Jón Ragnars-
son nýbúinn að hefja rekstur á Lyk-
ilhótelinu Hótel Gíg, en hann hafði
keypt Skútustaðaskóla fyrir um 20
milljónir króna og breytt í hótel.
Áður höfðu verið boðnar átta millj-
ónir í eignina en á tímabili stóð til
að skólinn yrði náttúruvísindasetur.
Skútustaðaskóli var í síðustu viku
sleginn á 384 milljónir króna þannig
að virðist eignarinnar hefur meir en
19-faldast á skömmum tíma.
SPRENGING
Í forsíðufrétt Dags-Tímans frá
1998 kom fram að Sel hygði á hót-
elbyggingu innan við tvöhundruð
metra frá Lykilhóteli Jóns Ragnars-
sonar. Nokkru síðar var Sel hótel tek-
ið í notkun. Þá voru umfangsmiklar
breytingar gerðar á Framhaldsskól-
anum á Laugum á svipuðum tíma
til að sú stofnun þjónaði betur hót-
elhlutverki sínu á sumrin. Síðan hef-
ur gistirými stóraukist víða á Norð-
urlandi. Nefna má ferðaþjónustu í
Vogum og nýtt hótel á Húsavík. Þá
er verið að byggja hótel sunnan Mý-
vatns í Arnarvatnslandi, Hótel Laxá.
Þar bætast við 80 ný herbergi í sumar.
Líkja má framboðsaukningunni við
sprengingu.
BLINDA AÐ SJÁ EKKI TÆKIFÆRIN
Von er á fleiri hótelbyggingum. Hótel
Laxá er fyrsta hótelið af fjórum í
undirbúningi í sveitinni samkvæmt
viðtali sem Akureyri vikublað átti við
Pétur Snæbjörnsson hótelhaldara í
Reynihlíð sl. sumar. Hann segir að
flest gistihús í Mývatnssveit séu með
99% nýtingu yfir hásumarið og það
séu „blindir menn“ sem ekki sjá fjár-
festingatækifærin í þessu. Öll verði
nýju hótelin komin í fullan rekstur
á næstu sex árum. Hvert hótel verði
30-50 manna vinnustaður þannig að
framboð á störfum muni stórvaxa.
„Núna eru um 300 störf í ferðaþjón-
ustu í Mývatnssveit á sumrin en með
þessari aukningu verða þau um 500
bara í gisti- og veitingarekstri,“ sagði
Pétur Snæbjörnsson.
HEIMAMENN ÁTTU EKKI SÉNS
Vitni að uppboðinu sagði í samtali
við blaðið að innlendir fjárfestar
sem höfðu hug á að kaupa Skút-
ustaðaskóla „hefðu ekki átt séns“.
A.m.k. fjórir buðu í húsnæðið en í
lokin var tekist á um eina milljón
í einu. Talið hefur verið að erlendir
fjárfestar stæðu á bak við félagið
sem hneppti hnossið á uppboðinu en
rannsókn Akureyrar vikublaðs hef-
ur leitt í ljós að félagið nefnist KHG
European Hospitality Partners og er
með lögheimili í Lúxemborg. Í stjórn
félagsins, sem samanstendur af fimm
einstaklingum, er einn Íslending-
ur, Sveinn Jónatansson lögmaður
í Reykjavík. Hlutir félagsins eru
hundrað. Þeir eru allir í eigu annars
Íslendings, Valdimars Jónssonar, sem
búsettur er í Prag. Valdimar Jóns-
son er sonur fyrrum eiganda hús-
næðisins, Jóns Ragnarssonar. Jón
Ragnarsson keypti eignina á sínum
tíma á tuttugu milljónir króna af
Skútustaðahreppi og breytti í hót-
el. Jón reisti m.a. Hótel Örk og rak
Hótel Valhöll um tíma. Ef af kaup-
unum verður hefur KHG aftur tekist
að koma hótelinu á Skútustöðum
í hendur fjölskyldu fyrsta eiganda
þess og upphafsmanns samanber
hluthafaskráningu sem finna má á
Internetinu.
Fjórir buðu í hótelið á uppboð-
inu sem fram fór í Skútustaðaskóla
í síðustu viku. Samkvæmt heimild-
um blaðsins voru hin félögin sem
buðu öll með aðsetur hér á landi. Ef
erlendi fjárfestingasjóðurinn sem
keypti Skútustaðaskóla fer fjár-
festingarleið Seðlabankans þá greið-
ir hann aðeins um 340 milljónir í
reynd fyrir hótelið vegna gengismála
þótt kaupverðið sé sagt tæpar 400
milljónir. Álandsgengi evru er 155
krónur og aflandsgengið er 210 krón-
ur. Fjárfestingasjóðurinn má borga
helming með álandskrónum og helm-
ing með aflandskrónum. Meðalgengi
evrunnar í viðskiptum fjárfestinga-
sjóðsins er því (155+210)/2=182,5
krónur. Ef þeir greiða 400m fyrir
hótelið þá er kaupverðið 2,2m evr-
ur (400.000.000/182,5=2.191.781
evrur.) Verðmæti evranna á
álandsgengi er 340m krónur.
(2191781*155=339.726.027) Þeir sem
seldu hótelið fengu 400m og í þessum
viðskiptum greiddu kaupendurnir
400m en áður höfðu fjárfestarnir
mögulega keypt aflandskrónur af
Seðlabanka Íslands og hagnast um
60m í þeim viðskiptum. Nettó kaup-
verðið er því nær því að vera 340
milljónir en ekki 400 milljónir.
HÁTT VERÐ EÐA EKKI?
Mývetningar sem blaðið ræddi við
segjast fylgjast vel með þróun mála.
Þeir eru flestir þeirrar skoðunar að
upphæðin sem boðin var í eignina í
síðustu viku hafi verið mun hærri en
menn sáu fyrir í upphafi. Sjálf telur
Helga Vala Helgadóttir, lögmaður og
umboðsmaður KHG á uppboðinu
að gerð hafi verið góð kaup. „Ég get
staðfest að þetta er erlendur fjár-
festingarsjóður sem um ræðir. Verðið
á hótelinu var hóflegt. Umbjóðendur
mínir höfðu áætlað að hvert herbergi
færi á um 15-20 milljónir, en verðið
eins og það var slegið er um 10 millj-
ónir á hvert herbergi. Meira get ég
ekki sagt um söluna á þessu stigi
málsins,“ sagði Helga Vala síðast-
liðinn föstudag. Hún vildi ekko svara
spurningum blaðsins um eigendur
skömmu áður en blaðið fór í prentun.
Frestur KHG til að standa við
boðið rennur út 6. mars næstkomand.
Samkvæmt upplýsingum blaðsins
verður m.a. að vera ljóst að félagið
sem bauð hæst megi eiga fasteign á
Íslandi til að kaupin gangi í gegn. a
Kraftbílar ehf. // Draupnisgötu 6 // 603 Akureyri // Sími 464 0000 // kraftbilar@kraftbilar.is
www.kraftbilar.is
Hefur þú prófað
smurþjónustu Kraftbíla?
LÉTTSKOÐUN
Bjóðum upp á ókeypis
léttskoðun sem er
góður kostur til að leita
hagkvæmra leiða
varðandi viðhald á
bílnum þínum.
MIKILL UPPGANGUR ER í ferðaþjón-
ustu víða um land. Í sumar verður t.d.
tekið í notkun nýtt og stórt hótel sunnan
Mývatns í landi Arnarvatns. Félag í eigu
Íslendings í Lúxemborg blandaði sér í
slaginn í síðustu viku þegar félagið bauð
hæst í Skútustaðaskóla, sem áður var
Lykilhótel. Hluthafi félagsins er sonur
Jóns Ragnarssonar sem er upphafsmaður
hótelrekstrar á Skútustöðum.
FRÉTTA
SKÝRING
Björn Þorláksson
& Sveinn Arnarson