Akureyri - 20.02.2014, Qupperneq 14
14 7. tölublað 4. árgangur 20. febrúar 2014
Heyrst hefur
HEYRST HEFUR að Svavar Alfreð Jónsson,
sóknarprestur í Akureyrarkirkju, sé ekki sáttur
vegna þeirra ummæla Daníels Snorrasonar,
fyrrverandi lögreglumanns á Akureyri, að
Hildi Eir Bolladóttur presti beri að „afklæðast
hempunni“ eftir að hún lýsti þeirri skoðun að
engu máli skipti hvort Jesús hefði verið hommi
eða ekki, það væri ekki síður frábært ef hann
hefði verið hommi. Hildur Eir sló í gegn með
ummælum sínum í netheimum en einstaka
mótmæli komu fram, enda trúin tilfinningamál
fyrir suma. Svavar Alfreð, nánasti samstarfsmaður Hildar Eirar í Akureyrarkirkju,
er lögreglumanninum innilega ósammála. „Hildur Eir er fyrirmyndarprestur,
hún fær okkur til að hugsa út fyrir rammann eins og Jesús, gerir allt vel
og af hjartans einlægni. Þjóðkirkjan má telja sig lánsama að hafa hana í
þjónustu,“ segir Svavar Alfreð...
HEYRST HEFUR að stjörnurnar
Friðrik Ómar og Jógvan Hansen
hafi átt umdeilda innkomu þegar
þeir komu fram í Hofi um helgina.
Hefur heyrst að skipuleggjendur
viðburðarins Börn fyrir börn í Hofi
hafi staðið sig frábærlega, sérstak-
lega hvað varðar tónleikana með
hæfileikaríku börnunum. Krakkarn-
ir hafi verið frábærir, sem og hljómsveitin og Lalli töframaður sem kynnti. En
stjörnurnar Friðrik Ómar og Jógvan Hansen hafi ekki alveg verið í tengslum
við skemmtunina.
„Það var afar taktlaust af þeim að gera grín hvor að öðrum fyrir það
hvað þeir voru feitir í æsku. Þennan brandara sögðu þeir fyrir framan fullt af
börnum, þar af örugglega einhverja sem eru með komplexa út af þyngd eða
öðru útlitstengdu sem búið er að innprenta hjá þeim að sé ekki “normið”.
Eftir þennan “brandara” fluttu þeir lagið eiturlyfjalagið Rómeó og Júlía eftir
Bubba Morthens. Á barnamenningarhátíð!“ Skrifar ósáttur tónleikagestur í
athugasemd til blaðsins.
HEYRST HEFUR að nokkur spenna ríki nú
innan Háskólans á Akureyri í kjölfar þess að
Stefán B. Sigurðsson rektor hefur ákveðið
að hætta störfum í sumar. Um háskólarekt-
ora gilda þær reglur að umsækjendur skulu
hafa doktorspróf og djobbið því ekki fyrir
hvern sem er! Er nú pískrað hvort einhver
doktoranna innan skólans horfi vonaraug-
um til starfans. Hitt þykir ekki heldur ólíklegt
að maður utan Eyjafjarðarsvæðisins verði
skipaður en í hvort sem verður ofan á heyr-
ist pískrað að ef marka má hert pólitísk ítök
valdaflokkanna hér á landi á ýmsum stofn-
unum, Ríkisútvarpinu og Seðlabanka sem
dæmi, muni ekki spilla fyrir ef kandídatar
um stöðu rektors á Akureyri séu í réttum
flokkum...
Færeyingarnir
koma – og sigra
Það var setið hvert sæti í Hamra-
borgarsal Menningarhússins Hofs á
Akureyri laugardagskvöldið 15. febr-
úar, þegar Eivør Pálsdóttir mætti í
fylgd eiginmanns síns, Trónds Boga-
sonar og nokkurra annarra landa
sinna, færeyskra, og bauð Akureyr-
ingum upp á tónleika. Við flutninginn
naut hún aðstoðar Sinfóníuhljóm-
sveitar Norðurlands undir stjórn
Guðmundar Óla Gunnarssonar
og píanóleikarans Magnúsar Jo-
hannsens. Stemmningin var ‚mögn-
uð‘, enda vissu áheyrendur, að þeir
máttu eiga vona verulega eftirminni-
legum viðburði.
Eivør á sér langan og glæsilegan
feril í söng sínum og framkomu á
sviði. Einungis 12 ára að aldri fór
hún í Ítalíuferð sem einsöngvari með
færeyskum karlakór, 13 ára kom hún
fram í færeysku sjónvarpi og hlaut
söngverðlaun þjóðar sinnar á sama
ári. Síðan hefur hver sigurinn rekið
annan og það innan hinna aðskilj-
anlegustu tónlistargreina, því að
hún hefur ekki einungis sungið lög
heimaeyja sinna, heldur getið sér
gott orð víða um lönd sem flytjandi
sunginnar tónlistar allt frá barna-
gælum og þjóðlögum til rokks, ball-
aða, jazzs og klassíkur. Eftir hana
liggja nokkur lög og einnig hefur
hún gefið út plötur. Annars ætti ekki
að vera mikil þörf á því að kynna
Íslendingum þennan listasendiherra
frænda okkar og bestu vina, Fær-
eyinga, því hér á landi dvaldi Eivør
um árabil meðal annars við nám í
flutningi jazzs, en á þeim tíma, árið
2003, voru henni meira að segja veitt
íslensku tónlistarverðlaunin í þrem-
ur greinum.
Eivør hefur verulega mikla rödd
og hefur í raun ekki mikla þörf fyr-
ir mögnun, nema helst til þess að
nýta ‚elektrónikina‘ til þess að lita
flutning sinn, en það gerir hún af
mikilli kúnst, svo sem ekki síst kom
fram í fyrra aukalaginu, sem hún
veitti áheyrendum eftir ákaft lófa-
tak þeirra. Þetta lag flutti hún án
annars undirleiks en grænlenskrar
trommu ‚qilaut‘, sem hún beitti af
mikilli list. Annars var efnisskráin
öll, 12 lög, eftir hana og eiginmann
hennar, Trónd Bogason. Lögin eru
öll mjög áheyrileg og söngvin og
bjóða mörg hver upp á umtalsverð
tækifæri til þess að sýna víðfeðma
getu Eivarar í söng. Hún hefur mikið
vald á röddinni og mikið þrek, enda
klassískt menntuð í raddbeitingu.
Þessa naut hún greinilega því að alla
tónleikana söng hún viðstöðulaust
og varð ekki vart við lát á styrk, ör-
yggi í tóntaki eða því, hve vítt tón-
svið hennar er, en það er mikið og
að mestu leyti jafnt, hvar sem að er
komið, hvort heldur á lágum tónum
eða háum. Reyndar er röddin lítils
háttar flá og hefur nokkuð barns-
legan blæ, sem minnir dálítið á ýmsa
flytjendur til dæmis bandarískrar
sveitatónlistar, en þetta atriði lýtir
ekki, heldur getur af sér blæ fersk-
leika og er laðandi umfram nokkuð
annað.
Allar útsetningar fyrir hljóðfæri
voru verk Tróndar Bogasonar. Þær
spönnuðu vítt svið forvitnilegra
hugmynda í notkun hljóðfæranna
til þess að ná hrifum, sem féllu að
lögunum. Ekki síst var skemmtilegt,
hvernig útsetjarinn nýtti styrkleika-
breytingar á markvissan hátt og
náði þannig enn frekri blæbrigðum.
Reyndar kom fyrir, að nokkuð væri
ofgert á stundum og meðleikurinn
þá heldur þróttmikill.
Sinfóníuhljómsveit Norðurlands
sýndi enn einu sinni fjölhæfni sína
og getu undir sprota hins ágæta
stjórnanda síns, Guðmundar Óla
Gunnarssonar. Það er vafalítið, að
víða hefur verið þörf mikillar ein-
beitingar og nákvæmni við tóntak
og það að halda fyrirskrifuðum styrk,
en hér tókst það og annað prýðilega
eða svo, að öll áferð meðleiksins lét
vel í eyrum og hann var í ghóðu sam-
ræmi við efnistök einsöngvarans.
Hinir færeysku þátttakendur
í meðleik með söng Eivarar Páls-
dóttur lögðu fagurlega sitt til þessar-
ar ánægjulegu kvöldstundar. Hún er
vís til þess að dvelja um verulegan
tíma í huga þeirra, sem nutu henn-
ar með nærveru sinni og fengu að
upplifa tónlistina í nálægð, líflegr-
ar sviðsframkomu söngkonunnar og
ekki síst þess unaðar, sem hún virðist
hafa af því að deila list sinni með
áheyrendum. a
KVENNASKÍÐAGANGAN
- Í SPOR ÞÓRUNNAR HYRNU
Laugardaginn 22. febrúar býðst konum kjörið tækifæri til að hreyfa sig og
njóta útivistar með því að skella sér á gönguskíði í Hlíðarfjalli.
Kvennaskíðagangan – Í spor Þórunnar Hyrnu – verður nú haldin í sjö-
unda sinn. Sem fyrr verður hægt að velja um tvær vegalengdir, 3,5 og 7 km.
Upphitun hefst klukkan 12.50 en gangan hefst klukkan 13.00 og gengið
er án tímatöku. Þátttökugjald er kr. 1500, frítt er fyrir 14 ára og yngri.
Skíðaleiga er á staðnum og einnig er hægt að láta smyrja skíðin gegn vægu
gjaldi. Skráning fer fram í gönguhúsi norðan Skíðastaða frá klukkan 11.30
Þegar í mark er komið verða ýmsar veitingar í boði og glæsileg útdrátt-
arverðlan. Þetta er kjörið tækifæri fyrir mæðgur, vinkonur, saumaklúbba,
vinnustaðahópa, hlaupahópa og fleiri að koma í fjallið og eiga skemmtilega
stund saman.
DÍVAN EYVÖR Í Hofi. Daníel Starrason
Haukur Ágústsson
Skrifar tónleikagagnrýni