Akureyri - 20.02.2014, Qupperneq 20
20 7. tölublað 4. árgangur 20. febrúar 2014
Ef einhverjir koma
verður opið – annars ekki!
Hjónin Haraldur Bóasson og Þóra
Fríður Björnsdóttir reka Dala-
kofann í Reykjadal. Gróska hefur
einkennt reksturinn að undanförnu
og starfsemin vakið athygli langt út
fyrir Reykjadal. Fyrir nokkru tóku
þau upp á því að bjóða heitan mat
í hádeginu, heimilismat, gjarnan
af gamla skólanum. Þá eru kótel-
ettukvöldin orðin landsfræg ef ekki
heimsfræg!
„Langmest eru þetta samt
fastakúnnar hérna á svæðinu, starfs-
menn, verktakar og aðrir sem halda
uppi rekstrinum þótt tilfallandi
komi hingað fullt af mönnum og
konum. Ætli það komi ekki svona
að jafnaði um 15-20 á dag í mat til
okkar. Ég er mjög sáttur við þann
fjölda,“ segir Haraldur – Halli Bó
eins og hann er oft kallaður.
Ýmis félagsstarfsemi fer önnur
fram í húsnæðinu sem er annars
vegar verslun og hins vegar veitinga-
staður. Pub Quis fer mánaðarlega
fram, Dalasvar, og nýtur slíkra vin-
sælda að staðurinn fyllist jafnan.
Skákfélagið Goðinn hefur oft komið
óreglulega saman í Dalakofanum til
tafls og ráðagerða. Bridsarar koma
úr ýmsum áttum og hittast vikulega
í Dalakofanum á fimmtudagskvöld-
um. Sumir bridsarar aka alla leið frá
Akureyri í Dalakofann. Og stundum
eru tónleikar á kvöldin.
LAUGASKÓLI HRYGGJARSTYKKIÐ
En hvað skiptir mestu hvað rekstur-
inn varðar?
„Yfir vetrartímann eru nemarnir
hérna við framhaldsskólann grund-
völlur þess að hægt sé að halda úti
veitingastað. Allt samfélagið nýtur
góðs af því að hafa hér öflugan fram-
haldsskóla, hann hefur mjög mikið
vægi fyrir samfélagið í heild.“
Halli hefur áður starfað m.a. sem
framkvæmdastjóri Léttsteypunnar
og sem svínabóndi en 1. sept. árið
2011 keyptu þau hjónin Dalakofann.
Nokkru áður hafði verið óljóst (þegar
Laugasel lagðist af og lokað heilan
vetur) hvort grundvöllur væri fyr-
ir áframhaldandi matvöruverslun
í Reykjadal. „Þetta er viðkvæm-
ur rekstur og má ekki mikið út af
bregða fyrir vetrartímann. Verslunin
ein og sér hérna gæti sennilega ekki
borið sig,“ segir Halli sem varð að
finna nýjar leiðir og tókst það.
Fjórir starfsmenn eru í Dalakof-
anum yfir vetrartímann, en allt allt
að 10-11 manns vinna þarna á sumr-
in. Reksturinn munar því sveitar-
félagið Þingeyjarsveit nokkru í at-
vinnulegu og útvarstekjulegu tilliti.
ENGIR HORGEMLINGAR!
En hvað er með þessi kótilettukvöld?
„Það fyllist bara alltaf allt hjá
okkur þegar kótilettukvöldin eru,
tvisvar á ári. Það hefur fallið fólki
vel að við notum sérvaldar kótilettur
í þetta, bæði af stórum en líka feitum
lömbum. Við veljum enga horgeml-
inga hér!“
350 DAGAR Í VINNUNNI
Framboð á þjónustu eins og þeirri
sem Dalakofinn veitir getur skipt
miklu máli um vöxt og viðgang
svæða. Getur þjónustan hreinlega
samkvæmt sumum félagsfræðilegum
rannsóknum haft áhrif á hvort svæði
lifa eða deyja. Halli viðurkennir þó
að þetta kosti strit á köflum. Veturinn
sé erfiður og að hann sé nánast alla
daga ársins að störfum í Dalakofan-
um frá morgni til kvölds.
„Ég hlýt að vinna hérna svona 350
daga á ári.“
Í því felist lykillinn að því að lifa
af í svo dreifðri byggð en Dalakofinn
er staðsettur milli Mývatnssveitar
og Akureyrar og ekki í nálægð við
neitt meiriháttar þéttbýli. Halli seg-
ist hafa varið töluverðum fjármun-
um í uppbyggingu nýverið. Búið sé
að auka virði staðarins með nýjum
framkvæmdum þannig að enginn
bilbugur sé á fólki.
MIÐSTÖÐ MEÐ ÁVEÐNUM GREINI
„Þetta er félagssmiðstöðIN, sagði
Jón Benónýsson frá Hömrum, bet-
ur þekktur sem Brói í samtali við
blaðamann. Hann lagði áherslu á
ákveðna greininn um leið og hann
keypti lottómiða. Brói vildi fá jóker-
inn líka í lottóinu en sagðist þó aldrei
vinna neitt út á hann. Ævintýri íbúa,
leyndarmál, sorgir og sigrar verða
öllum ljós í Dalakofanum.
MATSEÐILL DAGSINS
SÍÐUSTU DAGA
Hér á eftir fer smá sýnishorn af
heimilismatnum sem eitt minnsta
veitingahús landsins, Dalakofinn,
býður upp á og kynnir á heimasíðu
staðarins:
• Fiskibollur í hádeginu.
• Hakkbollur í hádeginu með
sósu, salati, rauðkáli og sultu.
Kjúklingur með sætum kartöfl-
um og salati í hádeginu.
• Lambasteik með kartöflum, sal-
ati, rauðkáli og sultu í hádeginu.
Síðan er stórleikur kl. 20 í enska
boltanum Arsenal - Man. Utd og
ef einhverjir koma til að horfa þá
verður opið annars ekki!
• Fiskur í ofni í hádeginu.
• Saltkjöt og baunir í hádeginu.
Meðal nýlegra umsagna á heima-
síðu Dalakofans á Facebook: „Kærar
þakkir fyrir að búa til spelt pítsu
handa dóttur okkar um helgina. Vel
gert!“ a
ALLTAF Í VINNUNNI. Halli og Þóra Fríður
reka eitt af minni veitingahúsum landsins
en hugsa þó stórt.
HÉR STÖÐVAÐIST ALLUR rekstur í heilan
vetur fyrir skemmstu og var ekki sjálfgefið
að blása lífi í matar- og menningarglæður
Þingeyinga á ný.
KÓTILETTURNAR ERU SÉRVALDAR af stórum og feitum lömbum.