Skessuhorn - 22.08.2007, Blaðsíða 19

19 MIÐVIKUDAGUR 22. ÁGÚST
Í gámnum má sjá einn pokanna sem vatnið verður flutt út í.
Kvöldganga UMSB var farin
á Þúfufell sl. fimmtudagskvöld.
Gengið var upp á Digrahnúk en
fáir fóru á toppinn þar sem þeir
töfðust á leiðinni við berjatínslu og
nutu útiverunnar með þeim hætti.
Leiðsögumaður var Arnheiður
Hjörleifsdóttir á Bjarteyjarsandi
og benti hún göngufólki á
örnefni og álagajarðir. Þá sýndi
hún ferðalöngum uppbyggingu
sumarhúsabyggðar á jörð sinni.
Eftir gönguna var boðið upp á ekta
súkkulaði með rjóma og frönskum
vöfflum á Bjarteyjarsandi.
es
Á mánudagskvöldið hélt Hörður
Ó Helgason skólameistari FVA fund
með forráðamönnum nemenda
á sal skólans. Til umfjöllunar
var skólaganga og skemmtanalíf
nemenda undir 18 ára aldri. Yfir
hundrað manns mættu á fundinn
og í umræðum kom fram mjög
almennur vilji til að sporna gegn
áfengisneyslu unglinga og um 70
fundarmenn lýstu sig reiðubúna
til þátttöku í foreldrarölti þau
kvöld sem dansleikir eru hjá
nemendafélagi FVA. Ný stjórn
foreldrafélags skólans var kjörin á
fundinum. Hana skipa Borghildur
Jósúadóttir formaður, Guðrún
S. Gísladóttir, Brynhildur
Björnsdóttir, Anney Ágústsdóttir,
Andrea A. Guðjónsdóttir,
Ragnheiður Sigurðardóttir,
Sigurjón Einarsson og Halldóra
Gylfadóttir.
kóp
Framkvæmdir að
hefjast í Rifi
Starfsmenn Icelandic Glacier
Product eru þessa dagana að skipta
um jónatæki og síur í húsnæði
Slægingarþjónustunnar. Þar hefur
fyrirtækið aðstöðu til að pakka
vatni í poka, sem flutt verður út í
gámum, en hver gámur rúmar 24
tonn af vatni. Fyrirhugað er að fylla
einn gám til prufu og selja erlendis,
en þegar framleiðslan er komin í
fullan gang er áætlað að setja vatn
í 80 gáma á mánuði auk þess að
tappa vatni á flöskur. Fyrirhugað
er að byrja á lóðarframkvæmdum
við nýtt húsnæði Icelandic Glacier
Product í Rifi fyrir mánaðamót,
en það hús verður 10 þúsund
fermetrar að stærð og munu 40 til
50 manns vinna hjá fyrirtækinu til
að byrja með, eins og fram kom í
Skessuhorni í síðustu viku.
af
Fjölmennur fundur
forráðamanna nemenda
Afari röð: Brynhildur, Ragnheiður, Anney og Sigurjón. Fremri röð: Guðrún, Borghildur
og Andrea.
Gönguferð og
berjatínsla á Þúfufelli