Skessuhorn - 28.08.2013, Blaðsíða 7

7MIÐVIKUDAGUR 28. ÁGÚST 2013
Síðastliðinn miðvikudag var
heildarveiðin í laxveiðinni í 25
viðmiðunarám Landssambands
veiðifélaga komin upp í 31.668
laxa. Að sögn Þorsteins Þor-
steinssonar á Skálpastöðum, sem
heldur utan um aflatölur fyrir
LV, þá sýnist honum þessi veiði
jafngilda 22% yfir meðaltali síð-
ustu átta ára. Nýliðin vika skil-
aði 3.769 fiskum á land, sem er
470 löxum yfir meðaltali. „Með-
altöl af þessu tagi segja okkur þó
ekki mikið því veiðin sveiflast oft
drjúgt frá einni viku til annarrar,“
segir Þorsteinn. Mesta vikuveiði
gáfu Rangárnar, sú ytri með 605
laxa en sú eystri með 504. Það
gerir um það bil fjóra laxa á dags-
stöng í hvorri ánni. Mesta veiði á
hverja stöng í þessari viku gefur
aftur á móti Miðfjarðará með 4,8
laxa og síðan Laxá á Ásum með
4,6 fiska á stangardag. Ytri Rangá
klauf þrjú þúsund laxa múrinn í
síðustu viku og Eystri Rangá-
in nálgast sama fjölda. Norðurá
var í þriðja sæti með 2.845 laxa
sem er nálægt þrefaldri heildar-
veiði allt síðasta ár í ánni. Þverá
og Kjarará höfðu í síðustu viku
skilað 2702 löxum, Langá 1993,
Haffjarðará 1735 og Grímsá og
Tungnaá 1174 löxum. Allar árn-
ar á Vesturlandi, utan Haukadals-
ár í Dölum, höfðu í síðustu viku
skilað mun fleiri löxum á land en
veiddust sumarið 2012.
Miðá betri en Laxá
og Haukadalsá
„Veiðin var góð hjá okkur, mikið
af fiski og við fengum vel í soð-
ið,“ sagði veiðimaður sem var að
koma úr Miðá í Dölum. Áin hafði
í síðustu viku gefið 430 laxa, fleiri
en betur þekktu árnar í kring,
svo sem Haukadalsá og Laxá. Sú
síðarnefnda hafði á sama tíma
gefið 410 laxa og Haukadalsá 340
laxa. „Ég held að veiðin sé öll að
koma til, það hefur veiðst það vel
síðustu daga,“ sagði Jón Egils-
son formaður veiðifélags Laxár
í Dölum um stöðuna þegar haft
var samband við hann í síðustu
viku.
Og enn gengur lax
Lax er ennþá að ganga á hverju
flóði þrátt fyrir að langt sé liðið
á sumarið, kannski minni göng-
ur en framan af sumri, en engu
að síður nýgenginn lax. Helsta
vandamál, ef vandamál skyldi
kalla, er mikið vatn suma daga
að undanförnu vegna mikillar
úrkomu. Yfir því kvarta þó ekki
veiðimenn, því árnar eru fullar
af fiski og mikið líf í þeim miðað
við mörg af undanförnum árum.
Í mestu vatnavöxtunum er ein-
ungis erfiðara að greina laxana á
sumum veiðistöðum, sem getur
jú gert veiðina enn meira spenn-
andi en ella. mm/gb
Laxveiðin er víðast hvar miklu betri en í fyrra
,,Ég var að veiða annan laxinn minn á ævinni, skemmtilegan fisk,“ sagði Magnús
Geir Magnússon 6 ára sem var við veiðar í Laxá í Dölum nýverið. Með honum var
Magnús Magnússon faðir og veiðimaður. Þeir feðgar eru þarna með lax númer
330 úr Laxá þetta sumarið. Ljósm. gb.Veiðimennirnir Eggert Magnússon og Magnús Ingvarsson með hæng úr Laxá í Dölum fyrir nokkrum dögum. Ljósm. gb.
Dagskrá - 31. ágúst 2013
Kl. 09.00: Golfmót á Þórisstöðum.
Kl. 10.00: Gönguferð
ráð fyrir um klukkustundar göngu.
Kl. 10-16: Opið í Hernámssetrinu að Hlöðum. Sagnaarfur og
stríðsminjar.
Kl. 11.00: Bjarteyjarsandur. Morgunstund með dýrunum á bænum
og ratleikur.
Kl. 12.00-17.00: Stóri sveitamarkaðurinn á Þórisstöðum.
Kl. 14.00-16.00: Tónlistarveisla í boði ungs fólks á Vesturlandi.
Aðgangur 1.000 kr. og allur ágóði rennur til
fæðingardeildar Akraness.
Kl. 13.00: Ókeypis, grillaðar pylsur og ís á pallinum við Ferstikluskála
á meðan birgðir endast. Krítar-teiknisamkeppni á planinu,
flott verðlaun í boði.
Kl. 14-15: Óvenjulegt uppboð á Hótel Glym. Sjón er sögu ríkari.
Tilboð í gistingu og mat á hótelinu.
Kl. 16.00: BINGÓ á Þórisstöðum.
Kl. 13.00-18: Laxárbakki. .
Kl. 18.30: Kvöldvaka á Bjarteyjarsandi. Heilgrillað lamb og
söngskemmtun með Svavari Knúti.
Kl. 23.00: Sveitaball á Hlöðum með Sálinni.
Annað og meira:
Hljómsveitin Sveitin milli sanda flakkar á milli staða,
en hana skipa ungt og efnilegt tónlistarfólk í
Sundlaugin að Hlöðum verður opin alla helgina milli
kl. 13 og 19.
Frítt er inn á Safnasvæðið að Görðum laugardaginn
Sérstaklega er bent á sýninguna Keltneskur arfur á
Vesturlandi sem tengir vel saman sögu og landnám
Nánar á museum.is.
www.bjarteyjarsandur.is • www.hladir.is • www.thorisstadir.is • www.laxarbakki.is • www.hotelglymur.is • www.ferstikla.is
Sálin Svavar Knútur