Skessuhorn - 20.11.2013, Blaðsíða 2

2 MIÐVIKUDAGUR 20 . NÓVEMBER 2013
Meðal viðburða á Vesturlandi næstu
daga má nefna opið hús hjá starfs-
braut FVA í Fjölbrautaskóla Vestur-
lands nk. föstudag 22. nóv. kl. 9.30-
13.30. Til sölu verða ýmsir munir sem
nemendur starfsbrautar hafa búið til.
Þá verða kaffi og vöfflur í boði á vægu
verði. Allir eru velkomnir segir í til-
kynningu frá nemendum og starfs-
fólki.
Vestanátt er í kortunum næstu tvo
dagana og umhleypingar í veðrinu.
Á fimmtudag er spáð suðvestan 10-
18 m/sek með skúrum eða slydduélj-
um, en hægari og þurru veðri austan
til. Á föstudag er útlit fyrir vestan 5-13
m/sek og stöku éljum, en léttskýjuðu
fyrir austan. Frost 1 til 10 stig og kald-
ast fyrir norðan, en víða frostlaust
syðra. Á laugardag lægir og léttir víða
til og frost verður um mest allt land.
Á sunnudag er spáð vaxandi suðaust-
anátt með slyddu og síðar rigningu
og hlýnandi veðri. Á mánudag er gert
ráð fyrir suðlægri átt með úrkomu,
einkum sunnan til og frostlaust.
Í síðustu viku var spurt á vef Skessu-
horns: „Hvernig líst þér á tillögur til
hagræðingar í ríkisrekstri?“ Flestum
virðist lítast á þær. „Mjög vel“ segja
29,02% og „þokkalega“ 21,43%. „Frek-
ar illa“ segja 13,84% og „afleitlega“
22,77%. 12,95% höfðu ekki myndað
sér skoðun á því.
Í þessari viku er spurt:
Er tímabært að sameina prestaköll
í landinu?
Lára Kristín Gísladóttir hrossarækt-
andi á Stóra Ási í Hálsasveit fær
sæmdarheitið Vestlendingur vikunn-
ar að þessu sinni fyrir góðan árangur
í hrossarækt.
Til minnis
Veðurhorfur
Spurning
vikunnar
Vestlendingur
vikunnar
Skil á efni og
auglýsingum
SKESSUHORN: Aðventublað
Skessuhorns kemur út í næstu
viku. Sökum þess að upppant-
að var í dreifingu með Íslands-
pósti síðari hluta vikunnar, varð
að flýta vinnslu blaðsins um tvo
daga. Allra síðasti skilafrest-
ur efnis og auglýsinga í blaðið
er því á hádegi, föstudaginn 22.
nóvember. Minnum á símann
433-5500 og netfangið palina@
skessuhorn.is fyrir auglýsing-
ar og skessuhorn@skessuhorn.
is vegna efnis. Blaðinu verður
síðan dreift til lesenda þriðju-
dag og miðvikudag í næstu viku.
-mm
Íbúafundur um
háskólana
BORGARBYGGÐ: Sveit-
arstjórn Borgarbyggðar hefur
boðað til íbúafundar um mál-
efni Háskólans á Bifröst og
Landbúnaðarháskóla Íslands.
Eins og fram hefur komið í fjöl-
miðlum eru uppi hugmynd-
ir um sameiningar og fækkun
háskóla hér á landi og eru fjöl-
margir íbúar í Borgarfirði ugg-
andi um framtíð háskólastarfs í
héraðinu. Fundurinn fer fram
í mennta- og menningarhús-
inu Hjálmakletti í Borgarnesi
fimmtudaginn 21. nóvember og
hefst kl. 20.00. Á hann eru íbúar
hvattir til að mæta og taka þátt
í umræðu um málefni skólanna.
-mm
Framhaldsaðal-
fundur SSV
VESTURLAND: Samtök
Sveitarfélaga á Vesturlandi
(SSV) halda framhaldsaðalfund
sinn á Hótel Hamri við Borg-
arnes föstudaginn 22. nóvem-
ber. „Við ætlum að kynna til-
lögu um stjórnskipulagsbreyt-
ingar sem sveitarstjórum á Vest-
urlandi var falið að vinna að eft-
ir aðalfundinn sem haldinn var í
Reykholti í september. Þessi til-
laga verður svo lögð fyrir fund-
inn. Það er svo fundarins að
ákveða hvort hún verði sam-
þykkt. Ég á þó frekar von á því
að stjórn SSV muni kalla eftir
umsögnum um skipulagsbreyt-
ingarnar frá sveitarstjórnunum
áður en lengra verður haldið.
Tillagan varðar skipan á stjórn
SSV, skipulag á skrifstofu og
þess háttar,“ segir Páll Brynjars-
son sveitarstjóri Borgarbyggðar.
Hann leiddi störf hópsins sem
hefur unnið tillögurnar. Auk
þessa mun starfshópur um mál-
efni skila af sér. Fjárhagsáætlun
fyrir 2014 verður einnig lögð
fram og kynnt. Framhaldsaðal-
fundurinn hefst klukkan 12.
–mþh
Rjúpnaskytta
slapp með
skrekkinn
DALIR: Rjúpnaveiðimaður á
lítilli jeppabifreið komst í hann
krappann síðastliðinn sunnu-
dagsmorgun þegar hann missti
stjórn á bifreið sinni í hálku með
þeim afleiðingum að hún hafn-
aði utan vegar og fór eina veltu.
Óhappið varð skammt vestan
við Búðardal vestan við ána Ljá.
Bifreiðin hafnaði á hjólunum
og slapp ökumaðurinn ómeidd-
ur. Það var fréttavefurinn bud-
ardalur.is sem greindi frá. -mm
Lionsklúbbarnir í Snæfellsbæ, í
samstarfi við heilsugæslustöðina,
buðu upp á fría blóðsykursmæl-
ingu síðastliðinn laugardag á kaffi
Belg í Ólafsvík. Var fjöldi þeirra
sem mættu í mælingu framar björt-
ustu vonum. Boðið var upp á græn-
meti og kaffi að mælingu lokinni.
Á myndinni er þau hjón Stefán Jó-
hann Sigurðsson og Guðrún Alex-
andersdóttir í blóðsykurmælingu
hjá hjúkrunarfræðingum.
af
Northern Wave kvikmyndahá-
tíðin í Grundarfirði fór fram um
helgina í sjötta skipti. Sem fyrr
mætti fjöldi fólks á svæðið til að
njóta fjölda stuttmynda og tónlist-
armyndbanda sem sýndar voru en
alls var 91 stuttmynd valin til sýn-
Blóðsykurinn mældur
Rósa Guðmundsdóttir og Hólm-
fríður Hildimundardóttir sigruðu í
fiskiveislunni. Góð stemning var í
veislunni sem haldin var í húsnæði
Soffaníasar Cecílssonar en hljómsveit
frönsku kennara í Reykjavík, Belleville,
lék ljúfa tóna í veislunni. Ljósm. tfk.
Góð stemning á Northern Wave
ingar. Í tengslum við hátíðina fór
síðan fram hin árlega fiskiveislu-
keppni á laugardeginum þar sem
Rósa Guðmundsdóttir og Hólm-
fríður Hildimundardóttir báru sig-
ur úr býtum. Í lok hátíðarinnar á
sunnudaginn voru veitt verðlaun. Í
flokki alþjóðlegra stuttmynda fékk
suður evrópska myndin La strada
di Raffael (Raffaels way) eftir Aless-
andro Falco fyrstu verðlaun. Ástar-
saga eftir Ásu Hjörleifsdóttur fékk
fyrstu verðlaun í flokki íslenskra
stuttmynda og þá var myndband
við lagið Echoes með hljómsveit-
inni Who Knew í leikstjórn Einars
Baldvins Arasonar valið besta tón-
listarmyndbandið.
Hátíðin þótti takast vel og sagði
Dögg Mósesdóttir skipuleggj-
andi hátíðarinnar að góður hópur
af fólki hafi þar verið saman kom-
inn og skemmt sér vel. Um tutt-
ugu erlendir gestir lögðu leið sína
til Grundarfjarðar og komu sum-
ir langt að, m.a. frá Ísrael og Rúss-
landi. Dögg sagði gestina heillaða
af gæði myndanna sem sýndar voru
en á sýningarskránni voru myndir
frá öllum heimshornum. Aðspurð
segir Dögg hátíðina hafa mikla
þýðingu fyrir kvikmyndagerða-
fólk og ekki síst Grundarfjarðarbæ.
„Northern Wave fær mikla kynn-
ingu bæði hér heima og erlendis og
um leið kemst Grundarfjarðarbær á
kortið sem áhugaverður og falleg-
ur staður að heimsækja, ekki bara á
sumrin, heldur líka á veturna. Vetr-
arfegurðin var mikil í bænum um
helgina og það líkaði gestum. Það
er mikill áhugi fyrir hátíðinni en
alls bárust umsóknir fyrir um 300
myndir að þessu sinni og því sést
vel að Northern Wave hefur fest
sig í sessi.“ hlh
Dögg Mósesdóttir var ánægð með viðtökur hátíðargesta. Ljósm. tfk.
Hópur ísraelskra kvikmyndagerðamanna sem lagði leið sína á hátíðina.
Ljósm. dm.
Framkvæmdir byrjaðar að nýju í brúargerð
Framkvæmdir eru nýhafnar eft-
ir hlé frá síðasta vori við byggingu
nýrrar tvíbreiðrar brúar á Reykja-
dalsá í Miðdölum. Það er brú-
arvinnuflokkur Vegagerðarinn-
ar undir stjórn Sigurðar Halls Sig-
urðssonar sem vinnur að smíði brú-
arinnar sem mun leysa af hólmi
gamla einbreiða brú á þjóðvegin-
um skammt neðan við Fellsenda. Í
vor voru reknir niður um 40 staurar
undir sökkla brúarinnar og steypt-
ur nyrðri sökkullinn. Þessa dagana
er unnið að uppslætti fyrir brúar-
sökkul að sunnanverðu og áætlað
að steypa hann nú í vikunni, um 50
rúmmetra steypa.
Brúarflokkurinn lauk viðgerðum
á Borgarfjarðarbrúnni 4. nóvember
sl. en það verk var unnið í tveimur
áföngum. Þaðan var síðan farið með
vinnubúðir og búnað að Reykjadals-
ánni. Sigurður Hallur brúarsmiður
segir að skipuleggja þurfi verkefnin
hjá brúarvinnuflokknum eftir verk-
efnastöðu, en nýframkvæmdir hafa
dregist mjög saman og viðhalds-
verkefnin orðin í meirihluta. Að-
spurður sagði Sigurður Hallur að
það hefði einmitt verið vegna verk-
efnastöðunnar sem gert var hlé á
brúarsmíðinni við Reykjadalsá síð-
asta vor, en ekki vegna fiskgengdar
og veiði að sumrinu. „Þetta verkefni
hentar vel að vinna að vetrinum,“
segir Sigurður Hallur. Þegar búið
verður að steypa sökklana verður
eftir að slá upp fyrir og steypa báða
brúarstöplana auk brúardekksins.
Nýja brúin verður 32 metra löng
með tíu metra breiðu brúardekki,
þar sem akbraut verður níu metr-
ar. Brúarsmiðurinn segir að áætlað
sé að framkvæmdum við byggingu
brúarinnar verði lokið um mánaða-
mótin febrúar og mars, ef veðrátta
og vinnuskilyrði verða hagstæð.
þá/ Ljósm. shs.