Skessuhorn - 20.11.2013, Blaðsíða 25

25MIÐVIKUDAGUR 20. NÓVEMBER 2013

Starfsbraut FVA
Opið hús föstudaginn 22. nóv. kl. 9.30 – 13.30

Til sölu verða ýmsir munir sem nemendur starfsbrautar hafa búið til.
Kaffi og vöfflur í boði gegn vægu gjaldi.

Allir velkomnir
Nemendur og starfsfólk starfsbrautar FVA

http://starfsbrautin.wordpress.com/ - https://www.facebook.com/StarfsbrautFVA
Bókhald
Getum bætt við okkur verkefnum
Bókhald, vsk, laun og ýmsar skýrslur

Bókhaldsstofan Sigmar ehf.
Jöldugróf 22, 108 Reykjavík
bokhaldsstofansigmar@gmail.com
sími 867 4571
Haustið 1953 fór átta manna hóp-
ur Íslendinga í kynnisferð til Sov-
étríkjanna. Þetta var löng ferð sem
tók heilan mánuð. Lagt var frá Ís-
landi austur í veg þann 29. október
og ekki komið aftur heim fyrr en 27.
nóvember. Ferðin var í boði sov-
éskra stjórnvalda en félagið Menn-
ingartengsl Íslands og Ráðstjórn-
arríkjanna (MÍR) sá um skipulagn-
ingu og val á þátttakendum. Ung
kona frá Akranesi var meðal þeirra
sem skipuðu þennan átta manna
hóp sem fór ferðina. Það var Unn-
ur Leifsdóttir, 22 ára húsmóðir.
Þetta var hennar fyrsta utanlands-
ferð. Aðrir í hópnum voru Sigurður
Blöndal skógræktarfræðingur, Stef-
án Þorleifsson íþróttakennari, Pét-
ur Pétursson útvarpsþulur, Eberg
Ellefsen, Sigursveinn Jóhannes-
son járnsmiður, Rafn Gestsson og
Ragnar Gunnarsson verkamaður
sem síðar fluttist til Akraness. Þessa
dagana eru nákvæmlega 60 ár lið-
in síðan ferðin var farin. Í ár eru
sömuleiðis sjö áratugir síðan Ísland
og Rússland tóku upp stjórnmála-
samband. Það gerðist um miðja
seinni heimsstyrjöldina árið 1943.
Skessuhorn birtir hér stutt viðtal
við Unni og grein, á næstu opnu,
sem hún birti í Bæjarblaðinu á Akra-
nesi í júlí 1954. Þar lýsir hún fyr-
ir lesendum einum degi í Moskvu
eins og hún upplifði hann fyrir sex
áratugum síðan. Ljósmyndirnar
sem fylgja hafa ekki birst áður op-
inberlega.
Nafn hennar var
dregið út
Árið 1953 var á margan hátt um-
brotaár í sögu Sovétríkjanna. Ein-
ræðisherrann Jósef Stalín lést í mars
þetta ár eftir að hafa setið í æðstu
valdastólum allt frá dögum bylting-
arinnar 1918. Aðeins átta ár voru
liðin frá lokum seinni heimsstyrj-
aldar og Evrópa enn í sárum. Við
dauða Stalíns slaknaði nokkuð á
spennu milli Sovétríkjanna og vest-
rænna þjóða. Það var í þessu and-
rúmslofti sem þessi hópur og aðrir
Íslendingar ferðuðust til Sovétríkj-
anna, bæði í kynnisferðir en einn-
ig til náms. Einnig komu sovéskir
lista- og menntamenn í heimsókn
til Íslands. Það var Æskulýðsdeild
Andfastistabandalagsins í Sovét-
ríkjunum sem bauð MÍR að senda
hóp í kynnisferð til Sovétríkjanna.
„Deildir MÍR vítt og breitt um land-
ið fengu boð um að hver þeirra gæti
sent einn félaga í þessa ferð. Hér á
Akranesi var dregið um hver færi úr
hópi umsækjenda. Áður hafði verið
auglýst eftir þeim. Ég sá möguleika
á því að komast í skemmtilega ferð,
gaf kost á mér og miðinn með mínu
nafni var dreginn út,“ segir Unnur
sem hefur búið alla tíð á Akranesi.
Þegar þetta var átti hún eina tveggja
ára dóttur. Hún er Hrönn Eggerts-
dóttir kennari og myndlistarkona
á Akranesi. „Ég var svo heppin að
vera bæði með eiginmann og for-
eldra í sama húsi þannig að barn-
ið var í góðum höndum þótt ég færi
þessa ferð.“
Ekki rætt um stjórnmál
Þetta var mikið og strangt ferða-
lag. Í Sovétríkjunum heimsótti
hópurinn Moskvu og var viðstadd-
ur hátíðarhöld þar þegar haldið
var upp á dag Októberbyltingar-
innar 7. nóvember. Einnig var far-
ið til Leningrad og iðnaðarborg-
arinnar Sverdlovsk í Úralfjöllum.
„Það var vel tekið á móti okkur. Við
gistum á prýðilegum hótelum og
fengum góðan mat. Við sáum ekk-
ert sem hafði truflandi áhrif á okk-
ur, engan alvarlegan skort. Búðirn-
ar sem við fórum í voru fullar af
matvöru og öðrum varningi. Ekki
var annað að sjá en þar færi venju-
legt fólk sem verslaði. Við gátum
keypt eins og við vildum en höfð-
um lítinn gjaldeyri. Þó keypti ég
pels á Hrönn dóttur mína. Okk-
ur var frjálst að fara um eins og við
vildum. Ég man að við vorum öll í
upphafi ferðarinnar full grunsemda
að það væri verið að spila með okk-
ur þannig að við fengjum aðeins að
sjá það sem stjórnvöld vildu að við
sæjum. En þegar á reyndi var farið
að öllum okkar óskum um það sem
við vildum skoða. Túlkar voru í för
með okkur þegar þess þurfti. Ann-
ars vorum við ekki endilega í fylgd
með fulltrúum stjórnvalda. Það var
aldrei talað um stjórnmál. Túlk-
arnir þýddu fyrir okkur á ensku og
norsku og svo auðvitað aftur á rúss-
nesku.“
Konur í karlastörfum
Unnur segir að það hafi verið áber-
andi að Sovétríkin voru í mikilli
uppbyggingu. Víða stóðu yfir mikl-
ar framkvæmdir. „Ég tók eftir því
að það voru nokkuð færri karlmenn
en konur á ferli. Við sáum kven-
fólk vinna hörðum höndum í bygg-
ingavinnu og við önnur hefðbund-
in karlastörf á þessum tíma. Svona
lagað þekktist ekki á Íslandi. Þegar
Rússarnir spurðu mig hvað ég hefði
að atvinnu svaraði ég sem satt var
að ég væri heimavinnandi húsmóð-
ir með lítið barn. Þá hváðu þeir og
spurðu mig hvort konurnar á Ís-
landi væru svona latar og nenntu
ekki að vinna. Helsta skýringin á
því að rússnesku konurnar voru svo
mikið á vinnumarkaðinum var sú
Ung kona af Akranesi í austurveg
að svo margir karlar höfðu fallið í
heimsstyrjöldinni.“
Ferðin hafði djúpstæð áhrif á
hina ungu móður frá Akranesi.
„Það var helst á þann hátt að hún
víkkaði sjóndeildarhring minn. Ég
myndi orða það þannig að þarna
fékk maður að sjá aðeins lengra en
bara niður á Akratorg. Ég var að-
eins 22 ára gömul. Þessir dagar hafa
oft orðið mér minnisstæðir síðan.“
mþh
Rússneskt barn í loðfeldi sem Unnur
myndaði í Sovétríkjunum.
Íslenski hópurinn heimsækir vélaverksmiðju. Unnur Leifsdóttir er fyrir miðri mynd
með slæðu og ræðir við rússneska verkakonu. Á milli þeirra er Eberg Ellefsen frá
Siglufirði. Sigursveinn Jóhannesson frá Hafnarfirði horfir yfir öxl Unnar. Í bak-
grunni með húfu á höfði má sjá Stefán Þorleifsson frá Norðfirði.
Lífland býður þér til bændafunda í samvinnu við Trouw Nutrition í Hollandi
Boðið verður upp á veitingar
Allir velkomnir
Bændafundir Líf lands
Miðvikudagur 27. nóvember
11:00 Hótel Hamar, Borgarnesi
Dagskrá
· Niðurstöður heysýnagreininga. Samanburður við fyrri ár.
· Notagildi helstu fóðurgrasa og áherslur í sáðvöruúrvali Líflands.
· Bætt heilbrigði nautgripa með markvissari notkun bætiefna.
· Kynning á nýjum fóðurblöndum og kjarnfóðurúrvali Líflands.
Fyrirlesarar
Gerton Huisman frá Trouw Nutrition í Hollandi ásamt ráðg jöfum Líflands.
Hluti fyrirlestra fer fram á ensku, en verður þýddur jafnóðum.
Verslanir: Lynghálsi, Reykjavík | Akureyri | Blönduósi
Ráðgjafar: 540 1100 | lifland@lifland.is | www.lifland.is