Skessuhorn - 08.01.2014, Blaðsíða 4

4 MIÐVIKUDAGUR 8. JANÚAR 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar
greiða kr. 2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Heiðar Lind Hansson, blaðamaður hlh@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Miklar breytingar eru nú í rekstri íslenskra útgerðarfyrirtækja. Hæst ber að
verið er að selja frystitogara sem fram undir þetta hafa verið taldir í hópi
mestu fjöreggja þjóðarinnar. Þá eru einnig dæmi um að þeim hafi verið
breytt til að geta ísað aflann um borð, án þess að vinna hann frekar, líkt og
gert var við Helgu Maríu AK. Þessar breytingar hafa bæði kosti og galla.
Augljóst er að nú er fjöldinn allur af hátekju sjómönnum um allt land að
missa vinnuna, á annað hundrað fengu uppsagnir um síðustu jól. Verulega
mun áhrifa þess gæta í fámennum byggðarlögum þar sem útgerð stórs skips
er e.t.v. helsta fjöreggið. Nefni ég Skagaströnd sem dæmi. Hið jákvæða við
þessar breytingar má hins vegar segja að umgengnin við auðlindina á vænt­
anlega eftir að batna með því að fiskurinn er ekki unninn að öllu leyti úti á
sjó. Brottkast þar hefur verið staðreynd og ýmsar aukaafurðir sem eru hrein
og klár verðmæti fara í fuglinn í stað þess að verða að verðmætum í landi.
Sveinn Hjörtur Hjartarson, hagfræðingur Landssambands íslenskra út­
vegsmanna, benti nýverið á að þær breytingar sem kynntar hafa verið und­
anfarnar vikur hjá útgerðum frystiskipa stafi af nokkrum ástæðum. Nefnir
hann m.a. hátt olíuverð og launahlutfall af tekjum, rekstrarkostnað frysti­
togara auk skattheimtu. Sú veigamesta er þó að afurðaverð hefur farið lækk­
andi. Slíkt er náttúrlega áhyggjuefni fyrir þjóðarbúið allt, ekki einvörð­
ungu fyrir útgerðarfyrirtæki og sjómenn. Þannig lækkaði verð sjófrystra af­
urða um hvorki meira né minna en 14%, samkvæmt gögnum Hagstofunn­
ar, milli áranna 2012 og 2013. Auðvitað er lægri launakostnaður og auk­
in tækni við landvinnslu sjávarfangs eftirsóknarvert markmið fyrir útgerð
og vinnslu. Vonandi mun vinnslan þó engu að síður greiða það góð laun að
ekki þurfi að sækja erlent vinnuafl til að manna augljósa aukningu í land­
vinnslunni. Hræddur er ég þó um að slíkt verði raunin enda hefur eftir­
spurn Íslendinga eftir slíkum störfum ekki verið ásættanleg hin síðari ár.
Hreyfanleiki vinnuafls hér á landi er einfaldlega ekki nógu mikill og á hið
opinbera sinn þátt í því.
Ekki ætla ég að taka undir hinn háværa grátkór útgerðarinnar, nógir aðrir
eru til þess og heilt dagblað er beinlínis rekið til að halda uppi vörnum fyr­
ir greinina. Nú geta útgerðarfyrirtæki hins vegar andað léttar því augljósa
bandamenn fengu þau við ríkisstjórnarskipti síðasta vor. Fyrsta verk nýrr­
ar ríkisstjórnar var að hætta við aukna skattheimtu á útgerð og ferðaþjón­
ustu rétt eins og þessar atvinnugreinar væru ekki aflögufærar. En auðvi­
tað er óhófleg skattlagning atvinnugreina ekki skynsamleg. Ég tel mig, líkt
og aðra landsmenn, hafa óbeina hagsmuni sem felast í því að eftir því sem
frumvinnslugreinar okkar Íslendinga ganga betur, því betur ætti að þjóð­
arbúið að ganga. Þetta er náttúrlega að því gefnu að tekjum íslenska ríkis­
ins sé ekki sóað í tóma vitleysu. Ég vil því veg útgerðar sem mestan, þetta
er sú atvinnugrein sem hvílir á hvað elstum merg en er engu að síður fjör­
eggið okkar þrátt fyrir háan aldur. Reyndar er ég þeirrar skoðunar að út­
gerðarfyrirtæki verði einfaldlega að ganga það vel á næstu árum að þau geti
farið í markvissa endurnýjun skipaflotans. Það er að mínu mati ekki bara
hagkvæmt heldur beinlínis lífsnauðsynlegt. Leyfi ég mér í því samhengi að
benda á að um síðustu helgi urðu ekki færri en tvö íslensk fiskveiðiskip vél­
arvana í ólgusjó vestan við landið. Slíkt er ekki ásættanlegt.
Sjávarútvegur eins og aðrar greinar atvinnulífsins þarf að geta aðlagað
sig breyttum aðstæðum hverju sinni. Útgerð og fiskvinnsla er í samkeppni
við erlend fyrirtæki. Því gef ég mér að það sé skynsamlegt jafnt fyrir útgerð
sem þjóðarbúið allt að frystitogurum sé nú breytt í ísfisksveiðiskip eða þau
seld úr landi. Annars væri ekki unnið að svo stórtækum breytingum.
Magnús Magnússon
Undanfarið hefur verið unnið að
niðursetningu gáms rétt ofan við
bæinn Gröf á Hvalfjarðarströnd.
Gröf er miðja vegu milli stóriðju­
svæðisins á Grundartanga og norð­
urmunna Hvalfjarðarganga. „Gám­
urinn mun hýsa loftgæðamælistöð
og verður viðbót við viðamikla um­
hverfisvöktun Norðuráls og El­
kem á iðnaðarsvæðinu á Grundar­
tanga. Tilgangur vöktunarinnar er
að meta áhrif á umhverfið vegna
starfsemi á svæðinu. Hún hefur
verið framkvæmd af óháðum að­
ilum frá árinu 1998. Jafnframt því
að fylgst er með loftgæðum þá eru
rannsóknir framkvæmdar og eftirlit
haft með úrkomu, árvötnum, flæði­
gryfju, heyi, gróðri og grasbítum,“
segir Sólveig Bergmann upplýs­
ingafulltrúi Norðuráls í samtali við
Skessuhorn.
mþh
Enn er hvalreki undir Jökli. Í veð­
urofsanum nú um áramótin bar
að landi háhyrning í Sandafjör­
una vestan Hellissands. Auðvelt er
að komast að hvalnum af Útnes­
veginum um veginn út í Krossa­
vík. Vegna bárugangsins í norða­
náttinni er staðsetningin eitthvað
breytileg milli sjávarfalla, að sögn
staðkunnugra.
mm
Bæði Hildur Sigurðardóttir og
Hildur Björg Kjartansdóttir leik­
menn kvennaliðs Snæfells eru í úr­
valsliði fyrri hluta Dominosdeild­
arinnar í körfubolta sem kynnt var
í gær. Þær eru einu fulltrúar Vest­
urlands í þessu vali sem náði bæði
til karla­ og kvennadeildanna. Auk
þess að útvalslið Dominosdeild­
anna voru valin, voru valdir bestu
leikmennirnir, besti þjálfarinn,
dugnaðarforkurinn og dómarinn.
Nöfnurnar í Snæfelli hafa farið fyr­
ir sínu liði í vetur, en Snæfellskonur
eru nú sem stendur með góða stöðu
á toppi Dominosdeildarinnar. Auk
Hildanna voru valdar í úrvals­
lið kvenna Sara Rún Hinriksdóttir
Keflavík, Bryndís Guðmundsdótt­
ir Keflavík og Lele Hardy Hauk­
um sem jafnframt var valin besti
leikmaðurinn. Dugnaðarforkurinn
var valin Marín Laufey Davíðs­
dóttir Hamri. Besti dómari Dom­
inos deilda karla og kvenna í fyrri
hlutanum var kosinn Sigmundur
Már Herbertsson. Besti þjálfarinn
í kvennadeildinni var valinn Andy
Johnston Keflavík. Í úrvalslið karla
voru valdir: Martin Hermannsson
KR, Pavel Ermolinskij KR, Micha­
el Craion Keflavík, Ragnar Ágúst
Nathanaelsson Þór Þorlákshöfn
og Elvar Már Friðriksson Njarð­
vík, sem jafnframt var valinn besti
leikmaðurinn. Dugnaðarforkurinn
var Darri Hilmarsson KR og besti
þjálfarinn Finnur Freyr Stefánsson
KR.
þá
Sveitarstjórn Borgarbyggðar sam­
þykkti í desember að setja fram­
kvæmdir við nýja viðbyggingu við
húsnæði Grunnskólans í Borgar­
nesi á þriggja ára framkvæmda­
áætlun sveitarfélagsins. Einnig
hyggst sveitarfélagið halda áfram
með endurbætur á núverandi hús­
næði á næstu tveimur árum, 2014
og 2015. Að sögn Páls S. Brynjars­
sonar sveitarstjóra er heildarkostn­
aður framkvæmda við skólann áætl­
aður um 400 milljónir króna. Unn­
ið verði að ræða hönnun viðbygg­
ingarinnar á næstu tveimur árum
en gert er ráð fyrir að framkvæmd­
ir hefjist árið 2016.
Páll segir að í viðbyggingunni sé
fyrirhugað að verði nýtt mötuneyti
skólans auk fjölnota salar. Þar verði
einnig ný aðstaða fyrir verkleg­
ar greinar og sérkennslu auk þess
sem þar verði ný stoðrými starfs­
fólks. Ekki liggur fyrir hvar á skóla­
lóðinni nýja viðbyggingin kemur
til með að rísa. Verið sé að skoða
nokkra möguleika og segir Páll að
horft sé til svæða við vesturálmu
skólans og suðurálmu, þar sem nú
er smíðastofa. hlh
Gámurinn er búinn mælitækjum til að greina mengun í andrúmslofti. Ljósm. mþh
Áhrif stóriðju á loftgæði mæld við Gröf
Grunnskólinn í Borgarnesi.
Viðbygging við Grunnskólann
í Borgarnesi kominn á áætlun
Háhyrningur í Sandafjöru
Verðlaunahafar fyrir kvennadeildina ásamt formanni KKÍ. Hildur Björg Kjartans-
dóttir er önnur frá vinstri en á myndina vantar Hildi Sigurðardóttur.
Nöfnurnar úr Snæfelli í úrvalsliðið
Frystitogarar týna tölunni