Skessuhorn - 08.01.2014, Blaðsíða 16

16 MIÐVIKUDAGUR 8. JANÚAR 2014
„Hérna í Sólarsporti fer það ekki að
segja til sín með áramótaheitin hjá
fólki fyrr en þrettándinn er afstað­
inn. Þá fer allt af stað og fjölbreytn­
in er mikil í æfingum sem fólki
stendur til boða. Það er alltaf góð
aðsókn í spinningtímana. Palla­
leikfimin er vinsæl og þetta er orð­
ið svo ótrúlega fjölbreytt sem fólk
getur valið úr. Auk hópatíma er líka
hægt að fá einkatíma hjá tveimur
einkaþjálfurum sem eru hjá okkur,
en auk þeirra starfa fjórir kennarar í
stöðinni,“ segir Gylfi Scheving sem
starfrækir líkamsræktarstöðina Sól­
arsport í Ólafvík ásamt konu sinni
Jóhönnu Hjelm. „Ég býst við að við
séum langelst í þessum bransa, þá
á ég við líkamsræktarstöðvarnar á
landsbyggðinni,“ segir Gylfi.
Hann segir að mikið sé um að
fólk fái sér ársmiða í stöðina í byrj­
un árs, en misjafnt er hvað fólk nýt­
ir þá vel. „Það er svo misjafnt með
fólk hvað það telur sig hafa þörf fyr­
ir mikla hreyfingu. Við erum með
hópa hérna sem stunda hreyfingu
mjög reglulega. Það eru til dæm­
is hópar sem koma hérna í hádeg­
inu. Aðstaðan er mög góð hérna í
stöðinni. Í spinnigsal erum við með
18 hjól og mjög góða aðstöðu fyrir
pallaleikfimi og stöðvaþjálfun í leik­
fimisal, auk aðstöðunnar í tækja­
salnum. „Við setjum upp tímatöflu
núna í byrjun ársins og þar verður
boðið upp á ýmislegt, bæði átaks­
tíma og hóptíma. Þetta fer af stað af
krafti þegar þessi afslöppunartími
um jólin og áramótin er afstaðinn.
Sumir taka sér líka góðan tíma til
að undirbúa jólin. Við sjáum það al­
veg í stöðinni hjá okkur. Þetta hefur
sinn vanagang árið um kring. Við
erum farin að sjá það eftir langan
starfstíma hérna í Sólarsporti,“ seg­
ir Gylfi Scheving. þá
Þótt það fari ekki endilega hátt hjá hverjum og einum, þá
virðist sem eitt aðal heitið hjá landanum um hver áramót sé
að ná betri tökum á sjálfum sér og lífinu svona yfirleitt. Í þeim
mikla pakka er ekki síst að bæta líkamlegt ástand, komast í
form eins og það er kallað. Þar er líka innifalið að bæta mat­
aræðið, borða næringarríka og holla fæðu, öðruvísi er víst erf­
itt að ná árangri í líkamsræktinni, ekki síst fyrir þá sem eru
að byrja nánast frá grunni. Heilsuræktarstöðvarnar keppast
við að bjóða upp á alls kyns námskeið eða átök í upphafi árs.
Hreyfingu og æfingar undir handleiðslu þjálfara eða leiðbein­
enda, annað hvort í hópþjálfun eða einkatímum. Blaðamað­
ur Skessuhorns hafði samband við forstöðufólk íþróttamið­
stöðva og æfingastöðva um allt Vesturland til að forvitnast um
hvernig árið fer af stað í líkamsræktinni hjá Vestlendingum.
Það er að segja hjá þeim sem æfa inni í líkamsræktarstöðvun­
um. Hinum má að sjálfsögðu ekki gleyma sem stunda hreyf­
ingu utan dyra á eigin forsendum allan ársins hring.
þá
„Nýja árið byrjaði vel hjá okkur.
Það var líka talsvert að gera milli
jóla og nýárs og góð aðsókn svo
sem í hóptímana. Í bjöllutímana
eins og við kölluðum hóptímana
með stöðvaþjálfuninni mættu 19
manns á aðfangadag og 24 á gaml­
ársdag. Þá enduðum við tímann
með því að skála í kampavíni, fyrir
gamla árinu og bjóða það nýja vel­
komið. Það er alltaf aukin aðsókn
hjá okkur í byrjun árs og framund­
an eru námskeið sem ég býst við að
verði vel sótt,“ segir Þórey Jóns­
dóttir sem hefur starfrækt Líkams­
ræktina ehf í Grundarfirði síðustu
fjögur árin ásamt manni sínum Ás­
geiri Ragnarssyni.
Þórey segir að síðustu misser­
in hafi verið mikil vakning fyrir
aukinni hreyfingu og heilsurækt í
Grundarfirði. „Margir útlending­
ar starfa hérna í fiskvinnslunum
og þeir hafa fengið sér árskort eins
og margir fleiri. Ég er mjög ánægð
með aðsóknina alveg frá haustinu
og stöðin var til dæmist vel sótt í
október og nóvember. Við erum
með einkaþjálfara á okkar snærum,
Jóhönnu Guðbjörgu Níelsdóttur,
og mikið er að gera hjá henni. Svo
eru grunnskólanemar hjá okkur í
skólahreysti tvisvar í viku og það
er Halldóra Dögg sem sér aðallega
um þá tíma,“ segir Þórey.
Það stendur einnig mikið til í
Líkamsræktinni í Grundarfirði
næstu vikurnar því átaksnámskeið
og bjöllunámskeið byrja mánudag­
inn 13. janúar og standa í sex vikur.
Þórey segir að þau Eddi og Sibba
komi frá Þorlákshöfn áður en nám­
skeiðin byrja og verða með fræðslu­
erindi um lágkolvetnafæði í grunn­
skólanum laugardaginn 11. janú­
ar kl. 13. Þá verður líka fyrsti æf­
ingatíminn í átaksnámskeiðunum.
Á þessum námskeiðum verður bæði
boðið upp á sérstaka átakstíma og
venjulega hóptíma, bjöllutíma. „Ég
á von á því að þessi námskeið verði
vel sótt. Það er greinilega talsverður
áhugi fyrir þeim,“ segir Þórey í Lík­
amsræktinni í Grundarfirði. þá
Líkamsræktin eitt aðalmálið í upphafi árs
Árið byrjar í Sólarsporti
eftir þrettándann
Tekið á því.
Gylfi Scheving.
Tekið á því í bekknum í Líkamsræktinni í Grundarfirði. Ljósm. tfk.
Nýja árið byrjar af krafti í Líkams-
ræktinni í Grundarfirði