Skessuhorn - 19.02.2014, Blaðsíða 23
23MIÐVIKUDAGUR 19. FEBRÚAR 2014
Við flýjum undir væng þinn varnarlaus - þú verndar okkur kæra móðir blekking
Vísnahorn
Í fimmtugsafmæli Reyn
is Jónassonar harmon
ikkuleikara og organista
höfðu ýmsir valinkunn
ir andans menn risið úr sætum og haldið af
mælisbarninu fjálglegar ræður í kanselístíl
þegar Lárus Þórðarson stóð upp, sló í glas sitt
og ávarpaði vin sinn. Ávarpið endaði hann á
þessum orðum:
Ellimörkin eru að byrja,
æ þú nálgast Gullna-Hliðið.
Er þá kannski klúrt að spyrja
hvort þú getir ennþá -
...stundað öll þín helstu áhugamál?
Þessa vísu hef ég birt áður og reyndar skráð
á bók með öðru orðalagi en þetta mun sem
sagt hið rétta og leiðréttist það hér með. Þeir
Lárus og Reynir voru um hríð samkennarar
við Álftamýrarskóla og einn þriðjudagsmorg
un hringdi Reynir á kennarastofuna og boð
aði forföll. Lárus orti þá:
Elli kerling ill og grá
engum reynist vægin.
Hann hefur kannski háttað hjá
henni á mánudaginn.
Jón Gnarr hneykslaði ýmsa góða og sann
trúaða framsóknarmenn, þar á meðal Ósk
ar Bergsson, með þeim ummælum að Krist
ur hefði hugsanlega verið samkynhneigður en
menn vita nú betur en svo. Þá orti Jón Her
mannsson:
Kristur var ekki kommi,
kann ekki við þetta blaður
því síður hugsanlegur hommi.
- Hann var framsóknarmaður.
Hvaða stjórnmálaflokki sem menn nú til
heyra er það eitt öruggt að þeir þurfa að taka
til sín næringu með einhverjum hætti. Þar
með líka með einhverjum hætti að taka líf því
öll vor næring hefur verið lifandi á einhvern
hátt. Grænmetið ekki undanskilið. Alla þessa
fjölbreyttu fæðu þarf síðan að matreiða með
ýmsum hætti og einhvern veginn hafa málin
þróast þannig að það hlutverk er yfirleitt frek
ar í höndum kvennanna. Um þá gæfu að vera
vel giftur kvað Þórarinn M. Baldursson:
Guðrún býr til góðan mat,
gums af besta tagi,
svo á mig borðað get ég gat
ef gaula tekur magi.
Færir hún mér garnagraut,
glás úr kæstri rjúpu,
grásleppu og grillað naut
og grísarassasúpu.
Gufusoðnar gæsatær,
gorkúlur í mysu,
gúrkufylltar gamalær
og glóðarsteikta kisu.
Gullfiska með glassúr á
og geitungslæri hangin.
Hjá Guðrúnu er gott að fá
gúmmelaði í svanginn.
Ein er sú íþrótt hagyrðinga að yrkja sléttu
bönd eða vísur sem hægt er að lesa bæði aft
urábak og áfram. Ingólfur Ómar Ármannsson
orti eftirfarandi sjálfslýsingu:
Ljóðar aftur vaskur ver
valin kjaftaskrjóður,
óðar kraftinn herðir hér
herjans raftur óður.
Það eru ekki margir sem gera sléttubanda
limrur en Pétur Stefánsson æfði sig í þeirri
íþrótt með ágætum árangri:
Feginn kveð‘ég kvæða stefin.
-Hnjóða lyddur ljóða bréfin.-
Veginn Braga
brattur kjaga.
treginn koðnar, kætist sefinn.
Afturábak hljóðar hún svona:
Sefinn kætist, koðnar treginn.
Kjaga brattur Braga veginn.
-Bréfin ljóða
lyddur hnjóða.-
Stefin kvæða kveð‘ég feginn.
Jónas Jónasson frá Hofdölum eða Hofdala
Jónas lenti í orðasennu við frelsaðan mann og
að sjálfsögðu gat hann ekki samþykkt allt sem
hinn sagði algjörlega umhugsunarlaust:
Þó að mælskan frá þér flæði
fellir hún ekki hreysið mitt.
Þú hefur drottins hundaæði.
Ég held ég þekki bitið þitt.
Það er nú svo með blessaða prestana að
þeir eru einungis menn sem eru menntað
ir og ráðnir til ákveðinnar vinnu sem flest
um þeirra ferst að vísu vel úr hendi sem betur
fer. Það þýðir hins vegar ekki að þeir séu þar
með sviptir öllum mannlegum hvötum og til
hneygingum enda kvað séra Jón Þorláksson:
Lukkutjón þá að fer ört
ekki er hægt að flýja.
Betur hefði Guð minn gjört
að gelda mig en vígja.
Um annan prest sem talinn var eitthvað
fjölþreifinn sagði Hofdala Jónas:
Prestar leita ávalt upp
á æðri sviðin.
En bjóddu þeim, vinur heldur hupp
en hryggjarliðinn.
Gæti vel hafa verið sami prestur sem ort var
um:
Sóma grennir klæddur kjól,
kannast menn við glópinn,
augum rennir oft af stól
yfir kvennahópinn.
Blessaðir stjórnmálamennirnir okkar, það
er að segja sá hluti þeirra sem er við völd
hverju sinni, hamast jafnan við að segja okkur
hvað allt sé nú gott hjá okkur og hvað þeir séu
nú búnir að bjarga miklu af því sem „hinir“
voru búnir að klúðra. „Hinir“ aftur á móti eru
jafn sannfærðir um að nú sé allt varanlega og
endanlega á leið til assgotans og eina vonin að
þeir komist til valda aftur. Nákvæmlega sama
sagan heldur svo áfram eftir næstu stjórnar
skipti. Stundum er eins og blessaðir mennirn
ir trúi þessu. Gæti verið gott að rifja upp vísu
Kristjáns Árnasonar:
Þegar bregst oss viti væddur haus
og virðist hvorki stoða rök né þekking,
við flýjum undir væng þinn varnarlaus.
Þú verndar okkur kæra móðir blekking.
Ég er nú bara ekki svo fróður að ég viti hvar
Friðbjörn í Staðartungu var í pólitíkinni. Gæti
þó frekar trúað að hann hafi verið vinstra
megin við miðju, en þetta ágæta hollráð hans
getur örugglega notast mönnum hverjar sem
stjórnmálaskoðanir þeirra eru:
Gakktu státinn lífsins leið,
lítt mun grátur bæta.
Láttu kátur hverri neyð
kuldahlátur mæta.
Þar sem Ólympíuleikarnir standa einmitt
yfir núna væri kannske við hæfi að enda þátt
inn á ólympískri limru eftir Eystein G. Gísla
son:
Mikill er fræknleikur fimra,
í fullkomnun stjörnurnar glimra.
Til upphefðar snjöllum
konum og köllum
er kveðin hér ólympisk limra.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Árleg folaldasýning í Söðulsholti á
Snæfellsnesi fór fram á laugardag
inn. 25 folöld voru skráð til leiks
og sáust margir mjög fallegir gripir
hlaupa um gólfið. Dómari var Val
berg Sigfússon og þulur Eysteinn
Leifsson. Um kaffiveitingar sáu svo
Halldór og Áslaug að Þverá og al
veg öruggt að enginn fór svangur
heim þennan daginn. Þrjú efstu fol
öld í hvorum flokki fengu verðlaun
og völdu svo áhorfendur glæsileg
asta folaldið. Að þessu sinni var
hlutskörpust Bella frá Söðulsholti,
undan Donnu frá Króki og Aron
frá Strandarhöfði.
Merfolöld
1. Bella frá Söðulsholti brún, und
an Aron og Donnu frá Króki.
2. Snörp frá Hallkelsstaðahlíð,
rauðblesótt undan Leikni frá Vak
ursstöðum og Snör frá Hallkels
staðahlíð.
3. Hryðja frá Bjarnarhöfn,
rauðblesótt undan Haka frá Bergi
og Lukku frá Bjarnarhöfn.
Hestfolöld
Loki frá MinniBorg, rauðskjóttur
hringeygður undan Ábóta frá Söð
ulsholti og Löpp frá Hofsstöðum.
2. Blakkur frá Bjarnarhöfn, brúnn
undan Stormi frá Leirulæk og
Rjúpu frá Bjarnarhöfn.
3. Gosi Gosason frá Hallkels
staðahlíð, brúnn undan Gosa frá
Lambastöðum og Tign frá Með
alfelli.
iss
Um hálft hundrað gesta lagði
leið sína til þeirra Kristínar Jóns
dóttur og Rósu Bjarkar síðastlið
inn fimmtudag þegar þær opnuðu
vinnustofu sína í kjallara gamla
skólastjórabústaðarins á Hvanneyri.
Aðstöðuna hafa þær nefnt „Vinnu
stofuna Gamla bókasafninu.“ Þar
var áður bókasafn Bændaskólans til
húsa. Þar munu þær stöllur sinna
vinnu sinni, Rósa Björk í grafískri
hönnun og vöruhönnun og Kristín
í ljósmyndun. Meira rými er einn
ig laust í kjallaranum og hafa þær
áhuga fyrir að gera hann allan að
vettvangi þar sem fleira fólk í skap
andi greinum getur komið sér upp
aðstöðu.
hlh
Freisting vikunnar
Muffins eða múffur, eins og
þær eru gjarnan kallaðar á okk
ar ástkæra ylhýra, hitta í mark
hjá flestum. Börnin elska þær og
fullorðna fólkið líka. Við grófum
upp múffu uppskrift sem hefur
notið mikilla vinsælda. Blaða
maður Skessuhorns hefur reglu
lega rekist á uppskriftina en þó
með mismunandi nöfnum. Oft er
hún kennd við þá manneskju sem
gaf uppskriftina en einnig við
hráefni sem í henni eru. Múff
urnar þekkjast til dæmis sem
Rósu muffins, Draumeyjar muff
ins og jógúrt múffur. Staðreynd
in að uppskriftin hefur ferðast
víða segir manni að hún er góð.
Við hvetjum því alla sælkera til
að prófa að baka múffurnar fyrir
heimilisfólkið, gesti og gangandi
eða bara fyrir sjálfa sig. Verði
ykkur að góðu!
Jógúrt múffur
5 dl hveiti
4 dl sykur
220 gr smjörlíki (lint)
3 egg
1/2 tsk salt
1/2 tsk matarsódi
1 tsk vanilludropar
100 - 200 gr saxað súkkulaði (eft-
ir smekk)
1 dós hnetu- og karamellu jóg-
úrt (sumir nota kaffi- eða jarðar-
berja jógúrt)
Allt hrært saman og sett í lítil
bréfform (ca 1 msk)
Bakað við 190200 gráðu hita í
ca 15 mínútur.
Draumkenndar jógúrt múffur Rósu
Kristín Jónsdóttir og Rósa Björk á
vinnustofu sinni í Gamla bókasafninu.
Góð mæting á opnun Gamla bókasafnsins
Folaldasýning í Söðulsholti
Eigendur efstu hestfolalda. Sigrún Ólafsdóttir, Hildibrandur Bjarnasson, Katrín
Gísladóttir ásamt Einar Ólafssyni sem veitti verðlaunin.
Eigendur efstu merfolalda. Herborg Sigurðardóttir, Astritd Skou Buhl og Einar
Ólafsson.